Autor: Servicios Galicia

COMFIA-CCOO convoca para hoxe concentracións en Indra coincidindo coa Xunta Xeral de Accionistas, na que entregará 3.000 sinaturas polo mantemento do emprego e do poder adquisitivo. Haberá concentracións simultáneas en Madrid, Barcelona, Valencia, Málaga e Sevilla. En Galicia, o Grupo Indra ten centros na Coruña, Narón e Vigo.

A sección sindical continuará trasladando á empresa a súa preocupación e desconformidade ante a situación creada «e pola que o persoal ve continuamente diminuído o seu poder adquisitivo», feito reflectido na conxelación salarial que sufriu gran parte do persoal o ano pasado. Ademais, «aumentou a sensación de inseguridade no emprego ante o goteo continuado de despedimentos, iniciados en 2008 en Indra BMB e que progresivamente se foron estendendo ao resto de empresas do Grupo», denuncian os voceiros de CCOO.  
 
Por todo isto, iniciáronse varias accións adicionais con todos os sindicatos para pedir a negociación dun acordo que garanta o mantemento do emprego e do poder adquisitivo dos traballadores e traballadoras, e recolléronse 3.000 sinaturas neste sentido. Tamén se fixo unha enquisa na que o setenta por cento concordou en realizar concentracións e paros polo emprego, e incluso apoiar unha folga.

Ante a noticia, publicada en diversos medios en días pasados, de que a Consellería de Facenda da Xunta de Galicia tiña a intención de nomear un representante nas distintas Comisións de Control das Caixas de Aforros galegas, a Federación de Servizos Financeiros e Administrativos de CCOO de Galicia (COMFIA-CCOO Galicia) desexa facer constar que acolle con moderada satisfacción a adopción da medida, enmarcándoa dentro da “normalidade”.

Coincidimos coa conselleira Fernández Curras en que a vixente normativa contempla o nomeamento, aínda que ata hoxe, a diferenza do habitual noutras comunidades autónomas, non se fixera uso de mesmo. O que pode resultar sorprendente é, precisamente, a falta de representación existente nuns órganos de goberno, as distintas comisións de control, nos que a Xunta de Galicia, aínda malia os distintos signos políticos dos diferentes partidos no poder, ben podía haber estado representada.

Nese sentido, en COMFIA-CCOO Galicia entendemos que este feito demostra que o Goberno da Xunta atópase sensibilizado ante a situación en que se desenvuelve o sistema financeiro do Estado e con esta medida vén a patentizar a súa presenza nas entidades de aforro.

Igualmente, o feito de que estes representantes da Xunta poidan intervir nas distintas sesións con voz, aínda que sen voto, vén poñer de relevo que con esta medida o Goberno de Rodríguez Feijoo poderá mellorar as súas tarefas de supervisión e fiscalización, á vez que desecha a intervención na toma de decisións das entidades.

Galicia, 23 de Xuño de 2009