Autor: Servicios Galicia

A deslocalizacion dos call centers destas duas empresas, rexeitada por Comfia-CCOO

No noso pais as movilizacións celebraránse nas cidades onde se atopan os maiores «call centers»: Vigo e Lugo. Estas duas cidades concentraran a protesta do noso sindicato a protesta polo feito, sen dúbida grave para a economía do noso país e que prexudica por igual a empresas e traballadores.

Ambas concentracions  celebraránse o martes 12 de decembro as 12,00 horas. En Lugo a concentracion celebrarase na plaza de Santo Domingo. En Vigo, na rúa Concepcion Arenal, tras do edificio da Xunta.

Primeiro foi Jazztel, onde este verán perdéronse centos de postos de traballo debido á deslocalización das súas call centers a Arxentina e agora parece chegar a quenda de ONO e ORANGE. Segundo COMFIA-CC.OO. estás dúas compañías tamén parecen estar preparando a deslocalización das súas plataformas en España o que conlevaría a perdida de máis de 6000 postos de traballo a través das empresas subcontratistas que dan o servizo de atención telefónica destes clientes.

COMFIA-CC.OO. trasladará ás empresas a súa preocupación para ser informados respecto de os plans destas compañias. Comfia-CC.OO. mantén que hai suficientes indicios para temerse o peor, posto que xa se están producindo síntomas deste tipo de procesos como son; a perdida xa dalgunhas destas campañas e sobre todo, o envío masivo dos formadores das empresas en España para formar xente en Latinoamérica. Idéntico proceso que en Jazztel, afirma COMFIA-CC.OO.

Por este motivo o Sindicato decidiu non perder nin un segundo na denuncia pública desta situación e convocou para este martes 12 novembro concentracións nas principais capitais de provincia onde están implantados os call centers destas empresas. As concentracións realizaranse en: Lugo, Vigo, Sevilla, Salamanca, Valladolid, Madrid e Barcelona, baixo o seguinte lema: «ONO E ORANGE FAN AS AMÉRICAS».

Nun comunicado distribuído hoxe por COMFIA-CC.OO. afírmase que: «…No noso país a concesión de licenzas a este tipo de compañías outórgaas o Ministerio de Industria e estas licenzas obríganlles a ter centros de atención ao cliente. Por iso o que non parece lóxico é que o ministerio conceda licenzas públicas a empresas que aproveitan as infraestructuras do estado español, que xeran o seu negocio grazas ao diñeiro dos consumidores españois e que agora pretenden levarse os postos de traballo que xera a súa actividade empresarial a outros países».«.

Para COMFIA- CC.OO. isto non é, máis que o pistoletazo de saída dunha campaña que vai orientada en dúas direccións, trasladar á opinión pública un problema que a longo prazo pode afectar aos máis de 50.000 persoas que traballan no sector e doutra banda, unha rolda de conversacións con todos os axentes implicados no conflito, pedindo ás empresas que se reformulen as súas estratexia empresarial e aos organismos públicos que teñen responsabilidade subsidiaria como son o Ministerio de Industria, encargado da concesión as de licenzas públicas destas compañias, o Ministerio de traballo e todos aqueles gobernos autonómicos que ceden chan público e/ou instalacións para o desenvolvemento da actividade empresarial. No caso de Orange, recordar que esta empresa é pertencente ao grupo France Telecom no que o goberno francés é propietario de máis de 30% da compañía polo que para COMFIA-CC.OO. converte á embaixada francesa noutro dos interlocutores en dita rolda.