My New Site

Autor: Servicios Galicia

  • Insuficiente proposta patronal no convenio de oficinas e despachos de Pontevedra

    O 26 de xaneiro de 2024 mantivemos unha nova xuntanza donde a patronal presentou unha proposta de suba salarial  dun 25% de actualización dos últimos 10 anos, acompañada da conxelación da antigüidade.

    CCOO unha vez máis deixamos claro na mesa de negociación que non estamos dispostos/as a conxelar a antigüidade nin a aumentar o seu tope.

    CCOO valoramos positivamente que por fin a patronal aporte unha proposta económica seria, sen embargo para CCOO a proposta da patronal ten que ser o punto de partida da negociación dos incrementos dos próximos anos. Como vimos defendendo dende o inicio da negociación, a primeira fase debía pasar por actualizar previamente o IPC dos últimos 10 anos, revisando todas aquelas categorías que estean por debaixo do SMI e a partir de aí negociar a suba salarial.

    A próxima reunión será o día 7 de febreiro, donde deixaremos claro que dende CCOO valoramos a proposta da patronal como un punto de partida para negociar os incrementos dos vindeiros anos, pero sen tocar a antigüidade.

  • ÚLTIMA HORA!! Convenio de oficinas e despachos de Pontevedra

    O 15 de xaneiro de 2024 retomouse a negociación do Convenio de Oficinas e Despachos da provincia de Pontevedra producíndose un fenómeno denominado O DÍA DA MARMOTA! surprise

    Una vez máis sentámonos a negociar e a patronal puxo enriba da mesa a conxelación da antigüidade sen traer unha proposta salarial seria.

    CCOO unha vez máis deixamos claro na mesa de negociación que non estamos dispostos/as a conxelar a antigüidade e tampouco a día de hoxe aceptaríamos a proposta realizada pola CIG na mesa de modificar e aumentar o tope da antigüidade.

    CCOO esiximos que a negociación debe pasar por actualizar previamente o IPC dos últimos 10 anos, revisando todas aquelas categorías que estean por debaixo do SMI e a partir de aí negociar a suba salarial.

    A próxima reunión será o día 26 de xaneiro, donde esperamos que a patronal traia dunha vez por todas unha proposta seria que permita recuperar o poder adquisitivo perdido polo persoal do Convenio de Oficinas e Despachos de Pontevedra.

  • CCOO Servizos mobilizámonos en CIBERNOS BPO: Concentración en defensa de dereitos laborais e sindicais

    CCOO Servizos anunciamos a convocatoria dunha concentración o próximo 8 de xaneiro, en horario de 11:30 a 12:30, fronte ás instalacións da empresa CIBERNOS BPO, situada no Polígono de A Grela, Rua Newton 1-3, A Coruña.

    CIBERNOS BPO, dedicada á prestación de servizos de Contact Center, ten como principal cliente a galega R Telecomunicacións (grupo MasMovil), ademais de ofrecer servizos para outras empresas do grupo como Virgin Teleco.

     

    Denuncias nos xulgados e Inspección de Traballo

    Esta convocatoria enmárcase nunha serie de accións legais e sindicais emprendidas polo sindicato para denunciar a deterioración das condicións e relacións laborais na empresa. Dende hai tempo, denunciouse ante a Inspección de Traballo e os xulgados a preocupante limitación imposta pola empresa en asuntos cruciais como a conciliación da vida laboral e familiar. Tamén se denunciou o impedimento no goce de permisos retribuídos para o coidado de familiares enfermos ou hospitalizados, así como o incumprimento de acordos previamente asinados coa representación legal das persoas traballadoras.

     

    Sanción ao traballo sindical

    Un dos aspectos máis alarmantes é o intento de restrinxir o dereito á acción sindical por parte da empresa, que sancionou a tres delegadas sindicais de CCOO por exercer o seu crédito sindical. Estes feitos foron denunciados ante os xulgados en busca dunha rectificación xusta. Ademais, súmase á problemática a práctica inexistencia de comunicación por parte da empresa coa representación legal das persoas traballadoras, incumprindo de maneira constante o seu deber de información e consulta.

    Visibilización do conflito

    A concentración do 8 de xaneiro busca facer visible e sensibilizar á opinión pública sobre estas irregularidades laborais e sindicais, así como expresar o rexeitamento ás prácticas que atentan contra os dereitos fundamentais das persoas traballadores. O sindicato insta á empresa CIBERNOS BPO a rectificar e buscar solucións dialogadas que respecten os dereitos laborais e promovan un entorno laboral xusto e equitativo.

    Imaxes da concentración

  • Supermercados Froiz: Por un Traballo Digno e Xusto

    CCOO Servizos convocamos á terceira mobilización diante dos supermercados Froiz, o vindeiro venres, 5 de xaneiro ás 11:30 en Narón. Esta mobilización é un esforzo colectivo para facer fronte á persistencia das inxustizas laborais que afectan aos traballadores e traballadoras de Froiz.

     

    Resumo das Mobilizacións Anteriores:

    Nos pasados días 5 e 15 de decembro, levamos a cabo dúas concentracións para destacar as preocupacións e demandas dos traballadores/as de Froiz. As denuncias iniciais incluíron discriminación, cargas de traballo insoportables e prácticas laborais inxustas. A pesar das excelentes cifras declaradas pola empresa, as condicións laborais non melloraron.

     

    Persistencia das Inxustizas Laborais:

    A pesar dun aumento impresionante do 14% na conta de explotación e cifras récord de facturación, as traballadoras e traballadores seguen enfrontándose a cargas de traballo abrumadoras, cambios arbitrarios en quendas e horarios, e a denegación de asuntos propios. Froiz debe recoñecer e abordar estas inxustizas laborais.

     

    Esixencias Claras e Razoadas:

    Reiteramos as nosas demandas claras e razoadas:

    • Abonda de cargas de traballo imposibles por falta de persoal.

    • Abonda de cambios de quendas, horarios e vacacións por falta de persoal.

    • Abonda de denegar asuntos propios por falta de persoal.

    • Abonda de discriminar aos encargados/as.

    • Abonda de realizar contratacións eventuais fraudulentas.

     

    O Compromiso de CCOO:

    CCOO continúa traballando xunto co persoal para asegurar que as súas voces non queden sen escoitar. A falta de resposta por parte da empresa é inaceptable, e a mobilización é necesaria para insistir no compromiso coa xustiza laboral.

    Imaxes da concentración

  • Permiso por lactación acumulada

    O RDL 7/2023 do 19/12/23  [LIGAZÓN BOE], recoñece o dereito ao permiso de lactación de forma acumulada en xornadas completas, aínda que non estea regulado no convenio colectivo. Ademais, producíronse sentenzas importantes sobre o cómputo deste dereito, incluíndo unha do Supremo para xornadas parciais.

     

    Así e aínda que foi un dereito que conseguimos impulsar a través da negociación colectiva en moitos convenios e plans de igualdade, desde CCOO valoramos de forma positiva este cambio, aínda que insistimos ao Goberno que debe abordar no Diálogo Social a remuneración das 8 semanas do permiso parental, así como unha transposición correcta e completa da Directiva Europea 2019/1158 sobre Conciliación.

    A partir de agora, o permiso para o coidado do lactante, segundo o art. 37.4 do ET, concreta o dereito a 1 hora de ausencia no traballo ata que o/a menor cumpra os 9 meses de idade, incrementándose proporcionalmente nos casos de nacemento, adopción, garda con fins de adopción ou acollida múltiple.

    Por decisión da persoa traballadora poderá:

    • Ausentarse durante unha hora.
    • Dividir en duas fraccións.
    • Sustituíla por unha redución da súa xornada en media hora.
    • Acumular a hora de ausencia en xornadas completas (novidadeenlightened).

    Novidades xurídicas adicionais:

    En relación con este permiso na fórmula de acumulación de xornada, xa houbo sentenzas de Tribunais Superiores establecendo que debe quedar referido a días laborais e non a días naturais [LIGAZÓN STSJ NAVARRA].

    E, con data do 21/11/23, o Tribunal Supremo decidiu sobre o cómputo deste permiso para as persoas con xornada a tempo parcial, fixando que debe alcanzar o mesmo número de horas que a tempo completo [LIGAZÓN STS].

    COMUNICADO (pdf)