My New Site

Autor: Servicios Galicia

  • CCOO-Servizos congratúlase de que Vigo non aumente a zona de afluencia turística e critica que A Coruña a amplíe

    CCOO-Servizos congratúlase de que Vigo non aumente a zona de afluencia turística, que permite a apertura todos os días do ano nos establecementos con máis de 300 metros cadrados de superficie. Porén, o sindicato critica que A Coruña non atendese o informe do sindicato e decidise ampliar a súa zona. Ler máis

    No caso de Vigo, CCOO propúxolle ao Concello manter a mesma zona que se aprobara hai cinco anos, ao entender que non hai motivos que xustifiquen facer ningún tipo de ampliación. Malia que no período de negociación houbo movementos para tentar ampliar esta zona, a insistencia e consistencia coa que o sindicato defendeu a súa postura, xunto coa doutras organizacións que estaban na mesma liña, fixo que o Goberno local optase por non facer cambios. 

    Esta zona abrangue o que se podería definir como o núcleo histórico vigués, incluíndo a zona de Bouzas e o ámbito perimetral entre as rúas San Francisco, Poboadores, Falperra, Cachamuíña, Paseo de Granada, II República, Porta do Sol, Policarpo Sanz, García Barbón, Pontevedra, Areal, Montero Ríos e Cánovas del Castillo (excluíndo a zona a carón do mar) ata San Francisco.

    CCOO considera moi positiva esta medida, aprobada no pleno municipal do 28 de xuño co consenso de todas as partes implicadas.

    Crítica ao Goberno local da Coruña

    Pola contra, o Concello da Coruña fixo caso omiso do informe emitido por CCOO e decretou a ampliación da zona de afluencia turística coruñesa. Ata o moento, a zona de afluencia turística coruñesa abranguía o centro da cidade, Riazor e a contorna da Torre de Hércules. Agora esténdese ata Monte Alto e Distrito Picasso.

    Para CCOO-Servizos, este tipo de medidas só benefician as grandes empresas de distribución en detrimento do pequeno e mediano comercio, rompendo o equilibrio entre uns e outros. Segundo o sindicato, está demostrado que a ampliación de horarios e a apertura en todos os festivos do ano non anima o consumo nin crea máis emprego. Pola contra, supón maior carga de traballo e empeoramento das condicións laborais, dificultando tamén a conciliación.

    Por esta razón, CCOO presentou un informe desfavorable á dita ampliación que, non obstante, foi obviada polo Goberno local, que no pleno desta semana aprobou a medida só co apoio do PP.

  • CCOO rexeita a ampliación da zona de afluencia turística da Coruña, que se estende a Monte Alto e Distrito Picasso

    A Federación de Servizos de CCOO rexeita a ampliación da zona de afluencia turística da Coruña, que agora se estende ata Monte Alto de Distrito Picasso. Nestas zonas, os establecementos comerciais con máis de 300 metros cadrados de superficie poden abrir todo o ano.

    Para CCOO-Servizos, este tipo de medidas só benefician as grandes empresas de distribución en detrimento do pequeno e mediano comercio, rompendo o equilibrio entre uns e outros.

    Segundo o sindicato, está demostrado que a ampliación de horarios e a apertura en todos os festivos do ano non anima o consumo nin crea máis emprego. Pola contra, supón maior carga de traballo e empeoramento das condicións laborais, dificultando tamén a conciliación.

    Por esta razón, CCOO presentou un informe desfavorable á dita ampliación que, non obstante, foi obviada polo Goberno local, que no pleno desta semana aprobou a medida só co apoio do PP.

    Ata agora, a zona de afluencia turística coruñesa abranguía o centro da cidade, Riazor e a contorna da Torre de Hércules. Agora esténdese ata Monte Alto e Distrito Picasso.

     

     

    Noticia da ampliación en A Opinión de Coruña

  • O pleno do Concello de Vigo mantén a área de afluencia turística pactada hai cinco anos

    Este 2022 era ano de revisar as áreas de afluencia turística, nas que os establecementos de máis de 300 metros cadrados poderán abrir todo o ano.

    No caso de Vigo, CCOO propúxolle ao Concello manter a mesma zona que se aprobara hai cinco anos, ao entender que non hai motivos que xustifiquen facer ningún tipo de ampliación. Malia que no período de negociación houbo movementos para tentar ampliar esta zona, a insistencia e consistencia coa que o sindicato defendeu a súa postura, xunto coa doutras organizacións que estaban na mesma liña, fixo que o Goberno local optase por non facer cambios.

    Esta zona abrangue o que se podería definir como o núcleo histórico vigués, incluíndo a zona de Bouzas e o ámbito perimetral entre as rúas San Francisco, Poboadores, Falperra, Cachamuíña, Paseo de Granada, II República, Porta do Sol, Policarpo Sanz, García Barbón, Pontevedra, Areal, Montero Ríos e Cánovas del Castillo (excluíndo a zona a carón do mar) ata San Francisco.

    Un ano máis, as zonas que se potencian como de afluencia turística son aquelas que contan con pequeno comercio e de proximidade, quedando excluídas as grandes áreas comerciais.

    CCOO considera moi positiva esta medida, aprobada no pleno municipal do 28 de xuño co consenso de todas as partes implicadas.

  • CCOO denuncia na Inspección de Traballo as condicións laborais abusivas nun grupo hostaleiro lugués

    A Federación de Servizos de CCOO denunciou perante a Inspección de Traballo de Lugo as posibles irregularidades laborais no grupo hostaleiro Llanoponte. Esta entidade fixo ofertas de emprego antes do verán para o reforzamento do cadro de persoal que incluían un salario mínimo neto de 1400 euros —ata un máximo de 2000—, aloxamento e manutención. Porén, o que non se contaba na dita oferta eran as condicións abusivas no referente á xornada laboral e os descansos.

    CCOO presentou a denuncia na Inspección tras acudir unha traballadora á sede do sindicato para denunciar a «cara oculta» da dita oferta, «encarnación do que sempre denunciamos como unha realidade inasumible par o persoal do sector», sinala Héctor Ortega, responsable provincial da Federación de Servizos. En concreto, xornadas de doce horas ou máis con contratos a tempo parcial, rexistros de traballo falseados ou menos días de descanso dos que indica o convenio.

    Ortega sinala que «é pouco habitual» atopar traballadores e traballadoras que se atrevan a denunciar as condicións abusivas con que se atopan na provincia, xa que «temen represalias» por parte das empresas do sector.

    Isto demostra que, como dixo CCOO en diversas ocasións, «non hai un problema de falta de man de obra na hostalaría, senón de incumprimento do convenio colectivo». Así mesmo, o sindicalista lamenta que as empresas «nunca pensen en reestruturar a organización produtiva e reinvestir parte dos seus beneficios en valorar a experiencia e a profesionalidade».

    Novo convenio provincial

    Recentemente asinouse un Lugo un novo convenio provincial que «mellora notablemente» as condicións laborais e pode «facer atractivo o sector para quen busque traballar profesionalmente nel», pero para iso «é imprescindible respectar o que está asinado». Neste punto, Ortega lembra o difícil que é sempre chegar a acordos coas empresas, «que se poñen á defensiva cada vez que se propón calquera mellora, pero non actúa contra quen fai caso omiso do convenio e fai competencia desleal a quen si o cumpre».

    CCOO actúa

    Por último, desde CCOO lembran que están a disposición de calquera traballador ou traballadora, sexa cal for o sector de actividade ou vínculo laboral, que considere que non se están a respectar as súas condicións de traballo, especialmente no caso das contratacións estivais. «Os dereitos laborais non collen vacacións», conclúen desde o sindicato.

    Noticia en Público.es

  • Se continúa a degradación dos salarios, haberá conflito laboral e social

    As empresas seguen repercutindo a suba do IPC aos prezos dos seus produtos; cargan todo o peso da inflación na cidadanía, aproveitando a alza para elevar tamén a marxe de beneficio por unidade produtiva, o que provoca un forte efecto de segunda rolda tanto na inflación subxacente, 5,5 %, como na xeral, 10,2 %. Ler máis

    Ante esta situación, temos que seguir mobilizando para conseguir que os convenios garantan o poder adquisitivo dos salarios coas imprescindibles cláusulas de garantía salarial.

    A inflación avanzada do mes de xuño déixanos unha subida do 1,8 %, e coloca a alza dos prezos nun 10,2 % interanual e a inflación subxacente nun 5,5 %. Os preocupantes datos veñen ratificar a necesidade de fortalecer o desenvolvemento da negociación colectiva, no que a protección do incremento dos salarios, determinantes para o sustento e a dignidade da cidadanía, se garanta con cláusulas de revisión salarial para manter o poder de compra das persoas traballadoras e, con iso, unha vida digna. Esixencia que non só é de xustiza, senón fundamental para manter a economía e o emprego.

    Doutra banda, desde UGT e CCOO consideramos que o Goberno ten que apostar por medidas que conteñan os prezos, de forma especial os dos produtos de consumo básicos, e abordar políticas centrais redistributivas, como a fiscalidade, desde a negociación e o acordo no ámbito do diálogo social, ausentes na inquietante situación que atravesamos.

    As medidas adoptadas polo Goberno avanzan na dirección correcta; porén, cremos que unhas non son suficientes e outras non están a ter o efecto previsto.

    En todo caso, si tiveron un impacto positivo na contención dos prezos do gas e a electricidade, pero non serviron para frear os da gasolina e carburantes en xeral, polo que cómpre tomar medidas de contención de prezos que eviten que as subvencións efectuadas polo Goberno acaben absorbidas polas grandes petroleiras, como está a ocorrer, en lugar de repercutir no benestar da cidadanía.

    Non nos imos resignar ante este escenario, onde o empresariado deste país pretende que recaia sobre a clase traballadora o custo da crise de prezos xerada pola suba dos prezos enerxéticos e agravada coa guerra de Ucraína.

    As organizacións empresariais negáronse a acordar referencias para a negociación colectiva no marco do AENC, co obxectivo de frear o acordo nos convenios colectivos pretendendo a conxelación salarial. Por iso, debemos seguir coa nosa estratexia, en contacto directo coas persoas traballadoras, para poñer en valor a negociación colectiva, recuperar dereitos e mellorar os salarios para mellorar a calidade de vida. Demandamos das organizacións empresariais corresponsabilidade e altura de miras.

    Por iso, desde UGT e CCOO imos dar a batalla para garantir o poder adquisitivo dos salarios.

    Tivemos unha gran mobilización o 9 de xuño en Madrid, agora toca saír á rúa de novo en todas as comunidades autónomas o 6 de xullo.

    As patronais teñen que saber que seguiremos apoiando o número considerable de folgas e conflitos sectoriais e de empresas ao longo e ancho do país, motivados pola cerrazón e avaricia do empresariado, en defensa dos nosos convenios colectivos e dos nosos salarios.

    PORQUE SE NON HAI SUBA SALARIAL POLA VÍA DA NEGOCIACIÓN E DO ACORDO, HABERÁ CONFLITO