My New Site

Autor: Servicios Galicia

  • A sección sindical de CCOO Bosch Service Solutions denuncia a inadecuada política de prevención de riscos laborais no seu centro en Vigo

    Bosch Service Solutions é a segunda empresa máis grande de Vigo por volume de persoal dedicada ao sector de contact center, que presta servizos a clientes como Vodafone, Repsol, Orange ou Iberdrola.

    O ano pasado sufriu un ERTE que afectou a máis de 800 persoas e a día de hoxe conta con aproximadamente 1200 persoas en teletraballo, que achegan —a maioría— os seus propios medios sen que exista unha compensación dos gastos como esixe o RD 28/2020 sobre traballo a distancia. Ler máis

    A sección sindical de CCOO leva denunciando desde o principio da pandemia unha inadecuada política de prevención de riscos laborais, que pon en claro risco a saúde dos traballadores e traballadoras (falta de ventilación adecuada, sistemas de climatización estragados que no se arranxaron ata que se denunciou á inspección, etc.) 

    A Sección Sindical de CCOO quere mostrar publicamente o seu rexeitamento á degradación continua das condicións de traballo impostas por BOSCH en Vigo. O último e claro exemplo é a imposición das vacacións a case 800 persoas de forma unilateral, saltando o acordo alcanzado recentemente co comité de empresa ante o Consello Galego de Relacións Laborais.

    Desde o sindicato anuncian a interposición das medidas legais oportunas así como a valoración de convocatoria de mobilizacións nas vindeiras semanas.

  • Salvar a hostalaría

    Desde a Federación de Servizos de CCOO, vemos con gran preocupación a grave situación do Sector da Hostalaría na nosa Comunidade e o prexuízo que se está producindo no que respecta á supervivencia do sector e a posibilidade dunha gran perda de postos de traballo, especialmente con motivo das novas medidas adoptadas pola Xunta de Galicia.

    Non podemos asumir que desde a administración se criminalice á hostalaría, que as medidas máis duras e restritivas, dedicadas a frear a pandemia, se dirixan principalmente a este sector e que as axudas económicas sexan insuficientes para paliar a grave situación á que se está sometendo. Ler máis

    As diferentes administracións teñen a obrigación de realizar labores de control das medidas preventivas, distancias, aforamentos, etc., en todos os locais de uso ou acceso público, pero non é de recibo que se tomen estas medidas drásticas asfixiando á hostalaría, sobre todo cando isto se fai dunha forma especialmente restritiva na nosa comunidade con respecto ás medidas tomadas noutras.

    Se realmente se detecta pola autoridade sanitaria que este sector pode ser un dos máis importantes vectores de contaxio e son imprescindibles medidas restritivas, a administración debe ser consecuente respecto diso e asumir que deben ir acompañadas dunha serie de axudas económicas que non o aboquen á desaparición.

    A Xunta de Galicia e outras administracións, (concellos, deputacións) deben renovar e incrementar as axudas e as medidas paliativas, destinando novas cantidades a compensacións económicas a fondo perdido, reducindo impostos e taxas, atrasando o inicio de devolución dos créditos ICO mentres as medidas restritivas recorten a entrada de ingresos ou con axudas ao aluguer que permitan o mantemento da empresa e do emprego.

    Estas medidas deben ir acompañadas dunha serie de requisitos que consigan non só superar esta crise, senón aproveitar esta situación para conseguir unha imprescindible modernización e profesionalización do sector, que acabe cun dumping empresarial que só serve para precarizar as condicións de traballo do persoal e á que poden axudar os fondos destinados por Europa a paliar a crise derivada da pandemia do COVID-19.

    Desde a federación de Servizos de CCOO xa propuxemos anteriormente á administración unha serie de medidas paliativas en concepto de axudas e entendemos deben incrementarse de forma inmediata e instar o Goberno estatal a un compromiso nos mesmos termos.

  • Proclamación de candidaturas da Comarca de Ferrol

    Desde a Federación de Servizos de CCOO de Galicia unha vez máis comunicamos que en base ao regulamento das asembleas congresuais de Nivel I punto D, Candidaturas:

    • A proclamación das candidaturas entenderase definitiva se finalizado o prazo habilitado para presentar reclamacións ás mesmas non se formalizou ningunha reclamación.
    • Se só houbese unha candidatura proclamada, non se procederá á súa votación, quedando elixidos todos os candidatos e candidatas (titulares e suplentes). Ler máis

    Polo que se resolve, tras a finalización do prazo de presentación de candidaturas 

    Quedan proclamadas as seguintes candidaturas da Comarca de Ferrol presentadas en tempo e forma: 

    • Candidatura asemblea Nivel I – III Federación de Servizos de Galicia
    • Candidatura asemblea nivel III Unión Comarcal Ferrol 
    • Coordinador ou Coordinadora da Federación na UC de Ferrol 

    Que só foi presentada unha candidatura en cada unha das asembleas, por iso non se procederá á súa votación
    Quedan elixidas todas as persoas que conforma a candidatura, tanto titulares como suplentes.
    Que pola Lei de Protección de Datos non se poden publicar, pero desde a Secretaria de Organización estamos a vosa disposición para calquera dúbida ou aclaración.

  • Proclamación de candidaturas da Comarca de A Coruña nivel I

    Desde a Federación de Servizos de CCOO de Galicia unha vez máis comunicamos que en base ao regulamento das asembleas congresuais de Nivel I punto D, Candidaturas:

    • A proclamación das candidaturas entenderase definitiva se finalizado o prazo habilitado para presentar reclamacións ás mesmas non se formalizou ningunha reclamación.
    • Se só houbese unha candidatura proclamada, non se procederá á súa votación, quedando elixidos todos os candidatos e candidatas (titulares e suplentes) Ler máis

    Polo que se resolve, tras a finalización do prazo de presentación de candidaturas.

    Quedan proclamadas as seguintes candidaturas da Comarca da Coruña de Nivel I, presentadas en tempo e forma:

    • Agrupación Sector de Hostalaría (ASH), Agrupación Sector Comercio (ASC), Agrupación Sector Técnico (AST) Resto Agrupadas sen Sector.
    • Sección Sindical do BBVA, Sección Sindical Abanca, Sección Sindical Caixabank, Sección Sindical Banco Santander, Sección Sindical Teleperformance.

    Que só foi presentada unha candidatura e que por iso non se procederá á súa votación. Quedan elixidas todas as persoas que conforma a candidatura, tanto titulares como suplentes.

    Que pola Lei de Protección de Datos non se poden publicar, pero desde a Secretaria de Organización estamos a vosa disposición para calquera dúbida ou aclaración.

  • III CONGRESO CCOO SERVICIOS. Regulamentos nivel I por comarcas

    Preme aquí para consultar os regulamentos de nivel I por comarcas

    A Coruña

    Regulamento ASH   Regulamento ASC   Regulamento AST   Regulamento Resto Sec Agrup   Regulamento SS ABANCA 

    Regulamento SS BBVA   Regulamento SS CAIXABANK   Regulamento SS. SABADELL   Regulamento SS. SANTANDER

    Regulamento SS. TELEPERFORMANCE

     

    A Mariña

    Regulamento

     

    Arousa

    Regulamento

     

    Ferrol

    Regulamento

     

    Lugo

    Regulamento

     

    Ourense

    Regulamento

     

    Pontevedra

    Regulamento

     

    Santiago

    Regulamento SS ABANCA   Regulamento agrupadas resto   Regulamento SS CAIXABANK    Regulamento SS SANTANDER

     

    Vigo

    Regulamento Agrupadas Resto Sectores   Regulamento ASC   Regulamento ASH   Regulamento AST   Regulamento SS. CAIXABANK

    Regulamento SS ABANCA   Regulamento SS. SANTANDER