My New Site

Autor: Servicios Galicia

  • Mobilizacións no comercio vario da Coruña e do comercio téxtil de Ourense no primeiro día de rebaixas

    O sector do comercio vario da
    provincia da Coruña e o comercio téxtil da provincia de Ourense
    mobilizaranse o próximo venres, día 29 de xuño, cadrando co inicio
    das rebaixas. Os sindicatos Comisións Obreiras (CCOO), UGT e CIG,
    que promoven as mobilizacións, denuncian que as patronais de ambos
    os dous sectores pretenden «condenar» os traballadores e
    traballadoras «a salarios conxelados ou de miseria». «As rebaixas,
    nos prezos, non nos nosos dereitos», advirten.

    No caso do comercio vario coruñés, CCOO, CIG e UGT rexeitan as pretensións da patronal de recortar dereitos na negociación do novo convenio. Os sindicatos salientan especialmente a «teima» das empresas do sector en eliminar o dereito do persoal a cobrar o salario íntegro en casos de incapacidade temporal. O aspecto salarial tamén é relevante, xa que os soldos non se actualizan desde xuño do 2015 e a oferta empresarial é só do 1 %, sen incluír atrasos de anos anteriores.

    En materia de contratacións, as empresas pretenden seguir «aproveitándose» dos contratos formativos para contar cunha porcentaxe de persoal cobrando o salario mínimo. Na mesma liña, néganse a establecer un sistema que diminúa a contratación a tempo parcial e que garanta o aumento das xornadas parciais non desexadas.

    Tampouco hai avances sociais: ofrecen oito horas anuais para acompañamento médico de fillos ou fillas ou excedencias sen salario para ‘facilitar’ a conciliación.

    Canto ao comercio téxtil ourensán, a proposta das empresas situaría os soldos «lixeiramente por riba do salario mínimo» no ano 2020. Para a Federación de Servizos de Comisións Obreiras, isto sería «indecente», amais de non cadrar «cuns cadros de persoal formados e profesionalizados».

    Coa oferta empresarial na man, unha dependenta que en 2010 cobrase 873,19 euros mensuais chegaría ao 2020 cobrando 925,58, isto é, un incremento de só 52,39 euros en toda unha década. Para ese mesmo exercicio, a proposta de SMI é de 850 euros, polo que a proposta da patronal deixaría ese colectivo apenas 75,58 euros por riba dese mínimo.

    A maiores, CCOO denuncia que a patronal quere «facer desaparecer de súpeto» todo o período 2011-2017 e eliminar calquera suba salarial ou pagamento de atrasos para eses anos. Ademais, négase a negociar a redución da xornada anual, o incremento da garda legal ata os catorce anos ou o aumento dos días de lactación, polo que se dificulta a conciliación da vida persoal, familiar e laboral.

    Concentracións 29 de xuño

    •  Ferrol: concentración ás 12 horas na entrada principal do Centro Comercial Odeón
    • A Coruña: concentración ás 11:30 horas na praza de Lugo 
    • Santiago de Compostela: concentración ás 11:30 horas na praza de Galicia (fronte ao Zara)
    • Ourense: concentración ás 19 horas diante do Zara (rúa do Paseo)

  • CCOO Servizos gaña as eleccións en Froiz Lugo

    Onte, vintesete de xuño, celebráronse as eleccións sindicais da empresa
    Froiz de Lugo. Na súa anterior edición os resultados foron de sete delegados/as para o sindicato USO e dous para CCOO.
    Nesta ocasión é importante destacar a participación da maioría dos
    tralladores e traballadoras da empresa e sobre todo a implicación neste
    proceso de toda a afiliación e simpatizantes de CCOO, conseguindo uns resultados moi positivos, nos cales CCOO revalidou a súa presenza
    no comité ao acadar catro dos membros elixidos no colexio de especialistas. 
    O resto de sindicatos participantes, UGT e USO quedáronse en dous e tres representantes electos, respectivamente.
    CCOO agradece o respaldo do persoal pola súa participación democrática e polo apoio outorgado aos nosos candidatos e candidatas, comprometéndonos a traballar para ser útiles e eficaces e poder intervir con máis garantías no devir da empresa e do sector.

  • Asinado o Convenio de Hostalaría da provincia de Pontevedra

    Tras 18 reunións da mesa negociadora que comezaron o dous de marzo de 2017, o pasado dezaoito de xuño asinamos o Convenio de Hostalería da provincia de Pontevedra, que manterá a súa vixencia ata o 31 de decembro de 2021. (segue)

    A principal mellora introducida no novo convenio asinado é O incremento salarial que vai supoñer a recuperación en táboas do IPC dos anos 2016 e 2017, o establecemento do salario base máis baixo en 15.000 EUR no ano 2019, o incremento do salario base hora máis baixo a 8?33 EUR no ano 2019 e a garantía de IPC real para os dous últimos anos de vixencia. O que se concreta nos seguintes incrementos cada un dos anos:

    • Ano 2018: 2?7% máis 20 EUR lineais. Na categoría máis baixa supón un incremento de 44 EUR por 15 pagas e en porcentaxe o 4?98%.

    • Ano 2019: Desaparece o plus de transporte que se integra no salario base e establécese un salario base para a categoría máis baixa de 15.000 EUR anuais (1000 EUR mensuais por 15 pagas), o que en porcentaxe medio supón en torno ó 2?80%.

    • Anos 2020 e 2021: O incremento será o IPC real do ano anterior en cada un dos anos.

    Por outra banda incrementamos de 16 a 18 días a posibilidade de acumulación da lactación, limitamos a posibilidade de utilización de traballadores e traballadoras en formación DUAL a un máximo dun 10% do total do persoal por areas funcionais, e introdúcese a subrogación segundo o disposto no ALEH. Ao  mesmo tempo modificamos a redacción doutros artigos do convenio como o funcionamento da Comisión Paritaria e o cobro do premio de permanencia para as situacións de Invalidez Permanente Absoluta.

    Para CCOO o máis positivo da sinatura de este convenio, que rematara a súa vixencia en decembro de 2015, está en conseguir o seu desbloqueo, mantendo en 2018 o poder adquisitivo nas táboas salariais e logrando no ano 2019 o obxectivo de establecer o salario base mínimo garantido nos 15.000 EUR anuais. Tamén valoramos moi positivamente a inclusión do plus de transporte no salario base, que suporá un incremento directo no salario hora, na percepción do complemento por IT e no valor das horas nocturnas.

    Poñemos á vosa disposición o texto asinado, lembrando que a aplicación definitiva queda pendente da súa publicación no Boletín Oficial da Provincia de Pontevedra.

    Texto convenio

  • O Congreso extraordinario da Unión Comarcal de CCOO de Arousa terá lugar o 27 de xullo

    O vindeiro día 27 de xullo
    de 2018 terá lugar o congreso extraordinario da U.C. de CCOO de Arousa
    convocado pola comisión xestora da U.C. de Arousa.
    Como
    afiliado, afiliada, ao sindicato, tes o dereito a ter voz e voto e participar
    nesta renovación de CCOO (segue)
    Na seguinte ligazón tés á túa disposición o anexo organizativo:
    Censos electorais:
    Os
    censos provisionais para a participación da afiliación de CCOO Servizos
    da comarca de Arousa no proceso congresual, cerráronse o 31 de maio do
    2018, están baixo a custodia e responsabilidade da Secretaría de Organización da Federación de Servizos polo que para a revisión das
    respectivas inclusións individuais, cada persoa afiliada poderá remitir un
    correo electrónico á dirección de servizos ata o 27 de xuño do 2018.
    Asemblea de Seccións Sindicais e empresas agrupadas no ámbito de CCOO Servizos:
    A asemblea de sección sindicais, empresas agrupadas e persoas desempregadas,  xubiladas e xubilados celebrarase o vindeiro día 10 de Xullo do 2018 de 13:00 horas a 17:00 horas no local de CCOO na Comarca de Arousa.
    De
    conformidade á distribución de delegadas e delegados establecida no
    anexo organizativo,á Federación de Servizos correspóndelle participar
    con 3 delegadas ou delegados coa seguinte porcentaxe de xénero a ter en
    conta:  mulleres 56.4% e homes 43,6 %.
    Orden do día na asamblea CCOO Servizos : Elección da delegación ao congreso extraordinario da U.C de CCOO de Arousa
    CANDIDATURAS

    1. COLEXIO
      ELECTORAL.- O órgano convocante da asamblea da CE de CCOO Servizos
      queda conformado como colexio electoral e as súas función serán recibir
      e validar as súas candidaturas, que se presenten conforme as normas
      congresuais. 

    2. LUGAR
      DE PRESENTACIÓN.-As candidaturas debidamente cumprimentadas
      presentaranse en modelo normalizado,
      ante a dirección de correo electrónico: servicios.galicia@servicios.ccoo.es  

    3. PRAZOS.- Poderanse presentar ata 5 días antes da data sinalada para a asamblea, o 5 de Xullo de 2018.

    4. REQUISITOS

      1. PERSOAS AFILIADAS E AO CORRENTE DE
        PAGO, incluídas no censo.

      2. COMPOSICIÓN. Deben incluir tantas
        persoas como delegados e delegadas a elixir (3) máis un 20% de suplentes.

      3. PORCENTAXE DE HOMES Y MULLERES.-As
        candidaturas gardarán a proporcionalidade de xénero seguinte: mulleres 56.4% e homes 43,6 %.

      4. ANTIGÜIDADE  DAS PERSOAS CANDIDATAS: Para formar parte das candidaturas para a delegación de CCOO Servizos no congreso de CCOO Arousa requírese unha
        antigüidade mínima de 6 meses
        na afiliación en CCOO.

      5. ACEPTACIÓN DE CANDIDATURAS.- A
        aceptación das candidaturas debe ser fóra de toda dúbida, conforme ás normas e
        estatutos confederais.

           CONVOCATORIA:

    • Data de celebración: 10/07/2018
    • Lugar de celebración: Local UC CCOO R/ Alexandre Bóveda,2-2 36600 Vilagarcía (Pontevedra)
    • Horario: Fase Electiva: 13:00-17:00 horas.

      Secretaría de Organización de CCOO Servizos 

      Formulario modelo candidatura

    • O Hostal dos Reis Católicos bloquea a negociación do convenio

      A patronal está a bloquear a negociación do convenio xa que considera que o punto de
      partida ten que ser a data de finalización do ERE (2016), pola contra desde a parte social entendemos que debe ser a data de finalización do último convenio (2010).
      Este dato é moi importante pois o ERE eliminou moitos dereitos contemplados no convenio, algúns dos
      cales queren incluír como novos, cando en realidade
      só levaría a igualar as condicións do ano 2010.
      MOBILIZACIÓNS
      Diante do Hostal (Praza do Obradoiro )
      22/06/2018  de 16,30 a 17,30
      25/06/2018  de 12.00 a 13.00
      29/06/2018  de 16.30 a 17.30
      01/07/2018  de 12.00 a 13.00
      06/07/2018  de 12.00 a 17.00