My New Site

Categoría: Accion sindical

  • Nova reunión do convenio comercio vario de A Coruña

    A situación da negociación en reunións anteriores, máis a celebrada no día de hoxe 03/01/22 resúmese nos seguintes avances:

    • Incorporar ao convenio a todo o persoal do sector do moble.
    • Incrementar a licenza de matrimonio ou parella de feito a 20 días.
    • Acompañamento de menores, 10 h/ano.
    • Mellorar licenza por falecemento ou enfermidade, para todos os casos mínimo 5 días.
    • 6 sábados libres para fins de semana de calidade.
    • Domingos e festivos: 25€ para ano 2023-2024 e 30€ a partir do 2025.
    • Tardes dos días 24 e 31 de decembro 12€/h desde as 14:00.
    • Importes dos seguros de invalidez e morte 35.000€ en 2023 e 40.000€ a partir de 2024.
    • Plus compensatorio beneficios: 200€/mes para empresas con persoal en Coruña de máis de 1000 persoas e beneficios no últimos tres anos.
    • Creación da categoría de encargada con salario inicial de 1125,73€, (sobre táboas de 2019, actualmente 1080,64€) á que se aplicarían os incrementos que se pacten.
    • Axudante de dependenta, promoción a dependenta aos 6 meses.
    • Todas as dependentas a salario de dependenta maior.
    • Incremento Salarial: 2021- 4% 2022 – 3,5% 2023 – 2´5 % 2024 – 2% 2025- 2%
    • Aceptan pactar un mecanismo de revisión salarial en función do IPC pero non do 100%.

    Na reunión de hoxe indicamos que valoraremos a proposta de incremento do 4% – 2021, en función doutros factores como o mecanismo de revisión salarial que aínda non definiu a patronal e que o incremento do 2022 ten que ser sobre a realidade do IPC, que á espera do dato definitivo está agora nun 5,8%.

    Tamén incidimos en que hai de rematar outros aspectos da plataforma que aínda non están pechados como, redución de xornada, pluses, contratación, transición e desconexión dixital, etc.

    A próxima reunión queda fixada para o vindeiro xoves 19 de xaneiro

  • Convenio comercio metal Pontevedra: Última reunión do AGA (CGRL)

    Finalmente chegouse a acordo para a sinatura do convenio. A parte empresarial aceptou a última proposta, á que engadimos algunha cuestión formal que quedaba por matizar.

    O resultado final do acordo é o seguinte:

    • Incremento salarial: 2022 = 6,5%, 2023 = 4%, 2024 = 4%
    • Revisión salarial na diferenza entre a suma dos IPCs dos anos 2023 e 2024 e o incremento real destes anos (8%) con un tope do 10% a aplicar con carácter retroactivo a 1 de xaneiro de 2024.
    • Xornada: Redución de 16 horas (8 a partir do 1/01/23 e 8 a partir do 1/01/25)
    • Adaptación do convenio ás novidades da reforma laboral e en materia de conciliación, trasladando para iso o acordado no convenio de comercio vario recentemente asinado.
    • Aclarar que no tocante as vacacións os 22 días que marca o convenio son sempre de 8 horas, para que non lles conte un día completo ás persoas traballadoras que o sábado traballan medio día.
    • Trasladar ao convenio o réxime de faltas e sancións establecido no convenio de Comercio Vario.

    Nestes días prepararemos a redacción do acordado o que suporá modificar os artigos 3, 5, 7, 12, 14, 17, 18, 26, 28, 35 e 40 do actual convenio. Unha vez redactado reunirase na mesa negociadora para asinar o texto definitivo e envialo publicación no Boletín Oficial da provincia.

    O 27 de decembro as 20:30 celebrarase unha asemblea nos locais da CIG para explicar e valorar o acordado.

  • CCOO convoca mobilizacións para esixir melloras salariais en Abanca que compensen o esforzo realizado polo persoal

    A sección sindical de CCOO-Servizos en Abanca convoca mobilizacións para esixir melloras salariais na entidade bancaria que compensen o esforzo realizado polo persoal os últimos anos. Desde que Juan Carlos Escotet se fixo coa propiedade do banco, as traballadoras e traballadores viron minguado o seu poder adquisitivo de xeito «drástico», nun contexto de contracción económica en que a empresa lles pediu «sacrificios» para afrontar a situación.

    Desde o ano 2013, o persoal viu suspendidas as súas achegas no sistema de previsión —que se reduciron ata un 20 %—, así como a suspensión de 2013 a 2015 da retribución variable, a suspensión da devindicación de trienios, a suspensión da parte variable do complemento convenio de 2013 a 2016, o seguro de saúde pasou a ser financiado ao 50 % pola persoa traballadora e o complemento de antigüidade comezou a devindicarse en só doce pagamentos.

    A este esforzo asumido polas persoas traballadoras, cómpre engadir os recortes de persoal que se produciron como consecuencia de cinco ERE e dous acordos de prexubilacións.
     

    CCOO pide unha paga lineal de 1500 euros

    Por esta razón, CCOO pediulle á empresa o aboamento dunha paga lineal a todas as persoas traballadoras por valor de 1500 euros. No caso de que no sector bancario se asine un incremento salarial que supere ese importe, o pagamento tería a consideración como ingreso a conta.

    O sindicato lembra que a empresa afronta agora un contexto moi diferente ao de hai nove anos, con tipos de xuro á alza «que repercutirán de forma moi positiva na conta de resultados». Por esta razón, CCOO esíxelle á empresa «dar un paso adiante» e compensar dalgún xeito a perda de poder adquisitivo que se produciu na última década, máis aínda nun contexto de inflación que contribuíu a minorar a capacidade de compra dos salarios.

    Vídeo concentración 23.12.2022

    Noticia en SER

  • DEICHMANN Vigo en folga por incumprimento de convenio

    As traballadoras de Deichmann Vigo convocaron folga en protesta por o incumprimento por parte da empresa do convenio colectivo de comercio vario da provincia de Pontevedra asinado no pasado mes, no tocante a voluntariedade de traballar en domingos e festivos.A representación legal das traballadoras e CCOO tentaron ata o último momento unha solución  negociada co fin de evitar a folga. Non foi posible. Na semana pasada a empresa rexeitou expresamente acudir a reunión de mediación do procedemento AGA solicitado por CCOO, deixando claro que non é a súa vontade consensuar unha solución. Ler máis

      O calendario de folga abarca os seguintes días durante a xornada completa:

     • sábado 17/12; domingo 18/12, venres 23/12 e xoves 5/01/2023.  

    Tamén se convocaron concentracións diante do centro de traballo, sito no centro comercial  Gran Vía, 2º andar, nos seguintes horarios: 

    • 11:30 a 13:00 ; 17:00 a 18:30 

    Na primeira xornada de folga a participación foi do 100% das 8 traballadoras do centro de  traballo de Deichmann Vigo, permanecendo a tenda pechada durante toda a xornada do sábado 17. 

    A dirección da empresa mantén que poden incumprir o convenio e que o traballo en domingos e  festivos é obrigatorio e sen compensación de ningún tipo.  

    CCOO tentou trasladar diferentes propostas en materia de compensación económica e flexibilidade organizativa favorable ás traballadoras que voluntariamente traballen en domingos e  festivos. Lamentablemente a empresa non quixo reunirse con CCOO, e convocou a unha reunión coas traballadoras o día antes do comezo da folga para tentar desactivala sen valorar seriamente ningunha proposta.  

    CCOO lamenta profundamente que a empresa se negue a negociar e opte por incumprir sistematicamente o convenio colectivo. 

  • Revisión salarial en EROSKI pola aplicación da Reforma Laboral

    As persoas traballadoras de Vegalsa- Eroski non somos traballadores de segunda, por iso CCOO levamos un ano reivindicando a subida salarial que nos corresponde, por xustiza social e pola aplicación da Reforma Laboral. Hoxe tras unha dura negociación coa empresa informamos os resultados: A partir de 01 xaneiro do 2023 todos os traballadores de Vegalsa, nas categorías máis baixas e a xornada completa, pasarán a ter: Ler máis

    Para paliar a perda de poder adquisitivo de 2022 CCOO conseguimos tamén que a empresa se comprometa a unha paga única na nómina do mes de xaneiro de 2023 do 3% sobre o salario basee persoal de cada traballador, o que supón aproximadamente 500€ nas xornadas completas, e en categorías inferiores en función do salario base. Significa que en 2022 todos cobrariamos un 5,5% máis. En xaneiro de 2023 cobraremos como mínimo o 3% máis, que xa fora asinado, e na categoría inferior o 10,5% máis. CCOO seguiremos negociando por mellorar e temos a próxima reunión coa empresa o día 10/01/23. Isto non é suficiente, pero cremos que na vía da negociación está o camiño.

    Circular