My New Site

Categoría: Comercio Galicia

  • Negociación do diagnóstico do I Plan de Igualdade de Zara Home España

    Tras producirse a constitución da mesa negociadora, acordamos na devandita reunión levar a cabo un calendario de traballo a fin de iniciar a negociación do Plan de Igualdade de Zara Home.

    Segundo este calendario, unha vez revisados os datos achegados pola empresa para realizar o diagnóstico de situación, a representación legal das persoas traballadoras debía realizar unha petición de ampliación dos mesmos se o consideraba necesario e enviar as primeiras propostas para o plan en materia de acceso e contratación. Ler máis

    Cumprindo co calendario fixado, a fin de ter un diagnóstico que nos achegue á realidade do persoal en canto a contratación, promoción, formación etc. CCOO consideramos necesario pedir algúns datos máis á empresa.

    A espera de ser recibidos, enviamos un bloque de propostas para as primeiras materias que se debían abordar na negociación, todo iso de acordo ao comprometido na primeira reunión.

    Coa análise dos datos solicitados, ampliariamos se fose necesario, algunha medida máis das materias enviadas e contariamos con información suficiente para os seguintes capítulos.

    Tras atrasar a empresa a reunión prevista máis dun mes, o día da reunión non dispuña dos datos solicitados e indicounos que só iniciaría a negociación de medidas unha vez finalizado o diagnóstico cos datos achegados inicialmente.

    Para CCOO, o primeiro diagnóstico entregado resulta insuficiente, motivo polo que se solicitaron algúns datos máis que debían ser enviados previamente a esta reunión.

    Finalmente, a empresa comprometeuse a envialos antes do 31 de Xullo e, pola nosa banda, iremos adiantando outro bloque máis aos anteriormente enviados a fin de avanzar na negociación.

    Que é e como se elabora o diagnóstico: O diagnóstico é a análise que realizamos partindo da información que achega a empresa en canto ás características do persoal en materia de contratación, acceso ao emprego, promoción profesional, accións formativas nas que participa, retribución, exercicio dos dereitos de conciliación e corresponsabilidade, saúde laboral.., sendo o estudo destes datos, o que servirá de base para fixar os obxectivos de igualdade,  medidas concretas para a súa consecución e sistemas de seguimento e avaliación dos obxectivos fixados.

    A lei establece que o diagnóstico deberá ser negociado coa representación legal das persoas traballadoras.

    Seguirémosvos informando,

  • Así non. CCOO non subscribe o acordo en DIA

    Medidas traumáticas, présas inxustificadas, falta de plans concretos, indeterminación. Aínda que CCOO conseguiu, grazas a varias xornadas de mobilización e, principalmente, á exitosa folga que protagonizou o persoal,  que a empresa introducise melloras no texto, o empeño de DIA de aplicar medidas traumáticas impide que o sindicato subscriba o acordo. Ler máis

    As perspectivas de DIA xa non son as mesmas que eran o pasado 30 de xaneiro, cando o Consello aprobou realizar un ERE. Cambiou o Plan de Negocio e os acordos cos acredores. Van cambiar o Consello e a Dirección da empresa. O único que se mantén é o sufrimento do persoal. A cuestión é, por que insisten en manter as medidas traumáticas que lles ditaron os acredores cando os membros do Consello saben que van ser substituídos. A que obedece ese empeño. 
     
    Ante este escenario incomprensible, e ante a imposibilidade de que a empresa entrase en razón, CCOO tentou minimizar o dano.  Porque a CCOO non lle cabe ningunha dúbida de que este Grupo ten futuro, pola súa cota de mercado, pola profesionalidade do seu persoal e porque espera q a xestión financeira dos directivos dos últimos anos cambie, e se centre no coñecemento do negocio de distribución.
     
    E había alternativas para evitar as medidas traumáticas. CCOO expuxo introducir no acordo unha solución tipo Alcoa, é dicir, que as medidas non se aplicasen durante un período de 3 meses para dar tempo a que se fosen despexando variables. A empresa dixo que non.
     
    CCOO tamén propuxo que as tendas estivesen abertas até, polo menos, o 30 de xuño para dar tempo a xestionar as saídas e aumentar as posibilidades de venda. E, se había tendas cuxo peche fose imprescindible por un necesario aforro de custo, recolocásese ao persoal noutras tendas para reforzar a venda e mellorar o servizo. Isto podería combinarse cun expediente de regulación temporal, ben de suspensión ou ben de redución de xornada ata que poidan venderse as tendas con subrogación de persoal. A empresa dixo que non.
     
    DIA tampouco aceptou a proposta de CCOO de ser xenerosos coas saídas voluntarias, engadindo á indemnización unha prima por adhesión voluntaria de 250 euros x ano de antigüidade, aínda que a empresa aceptou a proposta de CCOO en canto á contía das indemnizacións (33 días por ano traballado cun máximo de 24 mensualidades).
     
    A empresa, nin sequera achega ningunha garantía de non volver abrir un ERE o próximo ano. 
     
    En definitiva, DIA eliminou calquera posibilidade de que CCOO asinase un acordo que xa se atopa en mans dos avogados do sindicato.

  • A responsabilidade de CCOO é velar polo persoal de DIA e a viabilidade de toda a empresa

    Trala reunión mantida hoxe, o número de persoas afectadas sería, finalmente, de 1.586, o que supón unha desafectación de 478 persoas (un 21%). Ofrécense 341 vacantes que poden reducir o numero de persoas afectadas. Se houbese vontade sería relativamente sinxelo alcanzar un acordo unánime e útil para o futuro da entidade. Ler máis

    A empresa propuxo:
     
    Unha indemnización de 30 días cun tope de 12 meses, a adscrición ao ERE será voluntaria con permutas, exceptuando os maiores de 57 anos. En materia de prexubilación, tendo en conta a prima para o persoal de almacéns e os tramos para o persoal de tendas, sería:
     

    % salario neto 

    Idade

    90 %

    62-65

    90 %

    61-64

    90 %

    60-63

    85 %

    59-63

    80 %

    58-63

    80 %

    57-63
     
    Creación dunha bolsa de emprego durante 12 meses só para contratar en DIA supermercados. No caso de mobilidade xeográfica abonaríase os gastos de mudanza e 4 días de licenza retribuida máis os días de convenio, 560? ao mes durante 4 meses e período de 6 meses de adaptación (se non se adapta podería acollerse ao ERE).

     

     
    As tendas que non se poidan vender pecharanse antes do 30 de xuño de 2018. As que estean en trámites permanecerán abertas até o 30 de xuño, podéndose ampliar en función da oferta final.
     
    Nos almacéns afectados aos carretilleiros daráselles o curso que lle acredita para recibir o "carné de carretilleiro"
     
    As propostas que CCOO expuxo van encamiñadas a que se dean as mellores circunstancias posibles de maneira que a primeira quenda de saídas sexa voluntaria.
     
    Para CCOO é válida a proposta de prexubilacións, se estas son voluntarias e se puidesen ampliar a un número determinado de persoas non afectadas. En materia de indemnizacións a nosa proposta é de 33/45 por ano límite de 24 meses ou 33 días por ano con limite de 18 meses, máis unha cantidade de 560? por ano traballado de antigüidade. Así mesmo, as propostas de bolsa de traballo e gastos de mudanza son aceptables.
     
    Finalmente, as medidas que se puidesen acordar deberíanse articular cunha solución no tempo, tipo "Alcoa". No caso das tendas, que se manteñan abertas até, polo menos, o 30 de setembro, para que poida haber o maior número posible de opcións de compra ese poida subrogar o persoal. En canto ás que sexa imprescindible pechar por aforro de custos, faríase recolocando ao persoal noutras tendas para reforzar a venda e poder dar un mellor servizo. Esta solución poderíase combinar cun expediente de regulación temporal, ben de suspensión ou ben de redución de xornada, sempre que se poidan vender as tendas coa subrogación do persoal
     
    Todo iso, ademais, produciríase despois de que se materialice e se despexe tanto a toma de control do accionista maioritario, a través da OPA, como o plan de refinanciamento da débeda coa banca.
     
    Se se quere, pódese facer un acordo unánime, en caso contrario o persoal defenderase con todos os medios ao seu alcance porque as persoas afectadas é todo o persoal do GRUPO DIA, non se pode sacrificar a unha parte do persoal para acalar aos acredores
     
    Este ERE non pode ser "nin un sálvese quen poida" nin unha "toma o (pouco) diñeiro e corre".

    Vídeo

  • Éxito da folga en DIA. #EnDIAnonSobraNinguén

     A folga e as protestas do persoal de DIA tiveron un seguimento multitudinario. Isto ten moitísimo valor, sobre todo tendo en conta o ambiente que se creou nas tendas, onde os que se esconderon ante o problema tamén sementaron o medo e o desconcerto con mensaxes falsas.

    Ante todo queremos darvos as grazas a todas e cada unha das persoas que hoxe decidistes loitar polo emprego en DIA, que decidistes alzar a voz para defender os vosos postos de traballo, que, a pesar de todo, quixestes lanzar unha mensaxe clara á empresa:

    Cos nosos traballos non se xoga!!!!!! Ler máis

     Hoxe falou o persoal e tamén a Xunta de Accionistas de DIA, agora é Mikhail Fridman o que ten que pronunciarse. A partir de mañá deberíase abrir un novo tempo con novos directivos centrados nun Plan de negocio e non en amaños financeiros. Isto non será posible sen o persoal que hoxe pechastes as tendas e saístes á rúa para esixir que se paralice o ERE, porque en DIA non sobra ninguén.

    Da mesma maneira que Letter One esixiu que non lle obriguen a vender nada, CCOO esixe que non despidan a ninguén. Ata que non se coñeza cal vai ser a estratexia de xestión de Letter One debe retirarse o ERE, porque para negociar os despedimentos de miles de persoas é exixible un mínimo de claridade de xestión e unha formulación de viabilidade realista e de futuro.

    CCOO esixe solucións, xa está ben de que as traballadoras e as súas familias pagan pola mala xestión dos directivos!!

     

    Encima da mesa de supermercados DIA hai un Expediente de Regulación de Emprego exposto por un Consello de Administración ao que hoxe lle deron as costas os accionistas da empresa. Sería lóxico mantelo?

    A partir de mañá ábrese un escenario novo, con novos directivos e con novas formas de xestión centradas nun plan de crecemento para os próximos 5 anos. Isto non será posible sen o persoal que hoxe pechou as tendas e saíu á rúa para esixir que se paralice o ERE, porque en DIA non sobra ninguén.

    Para CCOO é imprescindible que Letter One tome o control da compañía e que se reúna cos representantes do persoal para explicarnos o seu Plan Industrial. É o momento de presentar propostas para facer de DIA unha empresa viable e a única contraparte posible é aquela que ten capacidade para tomar decisións a medio e longo prazo. Por tanto, CCOO esixe que o actual Consello de Administración facilite que Letter One tome o control.

    Por outra banda, CCOO entende que na mesa de negociación deben estar as persoas que teñan potestade real para tomar decisións.

    #EnDIAnonSobraNinguén #EnDiaNoSobraNadie #LaPlantillaPrimero #StopERE

    Imaxes das concentracións

  • CCOO convoca unha folga en DIA

    Tras a negativa por parte da empresa de retirar o ERE e a súa falta de claridade en canto a unha posible prórroga do prazo de negociación, CCOO convocou ao persoal de DIA a mobilizarse, con concentracións en tendas e almacéns o día 13 e con dous paros parciais o 20 de marzo en todos os seus centros de traballo.
     
    CCOO considera que non hai razón para manter o ERE proposto pola dirección do Grupo DIA, máis aínda tras o constante cambio de escenarios que se están producindo nos últimos días. É necesario un ERE cando a empresa segue contratando persoal eventual para cubrir a evidente falta de persoal? Cando están a vender tendas e, segundo anuncia a propia empresa en prensa, a venda vai moi ben? Cando onte asumen a rebaixa de persoas e tendas afectadas sen seguir achegando nin un dato de porque se sinalaron eses centros? Ler máis
     
     
     
    Para CCOO, presentar un ERE sen que se coñezan datos «básicos» sobre a empresa, comezando por quen a dirixirá a partir da semana que vén, «non ten sentido». Porén, a distribuidora de alimentación decidiu seguir adiante coas súas intencións, que pasan por eliminar máis de 1500 postos de traballo en toda España. 
     
    É totalmente incoherente que siga un ERE sobre a mesa cando: 
     
    Aínda non sabemos o que vai suceder na Xunta de Accionistas do día 20.
    Aínda non sabemos, por tanto, cal vai ser a ampliación de capital nin quen vai seguir dirixindo a empresa.
    Aínda non sabemos se a venda de tendas vai por bo camiño
     
    Só cando haxa resposta a estas preguntas poderase falar sobre a necesidade de reestruturar o persoal ou se sería suficiente unha recolocación do persoal, ben por funcións ou ben por traslados, ou outras medidas que non esixan despedimentos. 
     
    A empresa debe ser consciente de que a mellora da calidade só pode vir dunha man de obra suficiente e cualificada, sería un gravísimo erro pola súa banda non ser capaces de reter o talento dun excelente equipo humano do que, agora, queren desfacerse. 
     
    CCOO considera que a situación actual é unha oportunidade para dotar ás tendas de persoal estable e suficiente, de reforzar a cualificación das persoas que van sacar a DIA desta situación, que non son outras que as súas traballadoras e traballadores. 
     
    Por estas razóns, CCOO convou dous paros parciais o próximo día 20 en todos os centros de traballo, de 10 a12h e de 17 a 19h. Antes, o día 13 de marzo.

    Vídeo