My New Site

Categoría: Comercio Galicia

  • Convenio Comercio do Metal da Provincia de Pontevedra: avances na negociación

    Por fin, e sen tempo non era,
    empezamos a negociar de verdade o convenio de comercio metal da
    provincia de Pontevedra.

    A patronal fixo unha
    formulación na mesa de negociación para eliminar o actual concepto
    de antigüidade, abonando un incremento superior dos salarios e
    consolidando as cantidades que veñen percibindo por este concepto á
    data de conxelación.

    Tras dúas sesións de
    negociación na que as formulacións da patronal foron cambiando, a última proposta que saíu da reunión do pasado día 8 de setembro é
    a que vos trasladamos: segue

    Proposta da patronal a 8 de setembro de 2017.

    • Vixencia 5 anos (2015 a 2019).

    • Eliminación do concepto da antigüidade con efectos do 31 de decembro de 2017. A partir desa data déixanse de xerar cuadrienios e a cantidade que lle resulte ás persoas que a veñen cobrando só se incrementará na mesma porcentaxe que o faga o salario basee.

      • Incremento, a máis do que se acorde para cada un dos anos, do 1,5% os catro primeiros anos (En total o 6%).

      • Respéctanse os períodos intermedios co seu valor (1,25% cada ano a máis que se teña do cuadrienio).

    • Incremento en todos os conceptos económicos.

      • Anos 2015 e 2016: sen incremento.

      • Ano 2017: 2%

      • Anos 2018 e 2019: 1,25% cada ano

      • Cláusula de revisión ao IPC real de cada ano sen carácter retroactivo.

    • Incluír o redactado dos contratos de formación no Convenio.

    • Vacacións: 22 días laborais.

    • Licenzas:

      • Incluír as parellas de feito na licenza de 15 días por matrimonio.

      • A Licenza do apartado C establecela para familiares ata 2º grao.

    • Seguro de accidentes de 20.000 ?

    • Incluír as empresas de multiservizos no convenio.

    • Redactar Comisión Paritaria e Cláusula de descolgue.

    • Revisión do redactado do Convenio.

    Pola representación sindical, a falta de facer unha valoración económica da súa proposta de eliminación da antigüidade, expuxéronselle outra serie de cuestións que non foron aceptadas:

    Asistencia ao médico do interesado e acompañamento a fillos ata 16 anos.

    Asistencia ao médico do interesado e acompañamento a fillos ata 16 anos.

    • Vacacións: 27 días laborais e unha bolsa de 300 eur no caso de que non se gocen as de verán.

    • Licenzas:

    1. Asistencia ao médico do interesado e acompañamento a fillos ata 16 anos.
    2. A lactación establecela ata 12 meses e a súa acumulación nun total de 21 días.
    • Complemento de IT ao 100% da retribución do traballador.

    A representación de CCOO na mesa de negociación valoramos positivamente que por fin se empezou a negociar, pero mantemos as nosas reservas sobre a proposta económica que fai a patronal para eliminar o concepto de antigüidade. Para CCOO a posibilidade de eliminar este concepto pasa por un incremento económico que o compense e establecer melloras sociais importantes no convenio.

    A negociación continúa nunha data aínda sen definir neste mes de setembro na que poderemos xa ter máis ou menos claro se hai ou non posibilidades dunha firma próxima do convenio.

  • Carta á Xunta de Galicia rexeitando a apertura de domingos e festivos no Comercio Galego

    Unha vez máis, como cada ano, desde a Xunta de Galicia e en cumprimento da lei de horarios comerciais, solicítasenos que entreguemos unha relación de dez domingos e festivos que puidesen considerarse como de posible apertura comercial.
    A apertura de domingos e festivos en comercio, permite e fomenta unha loita desigual entre as grandes superficies e o pequeno comercio de proximidade, e coa escusa do incremento de postos de traballo, precariza as condicións das traballadoras e traballadores do sector.
    A estas alturas, a experiencia xa nos indica claramente que o incremento de horas comerciais non implica un aumento substancial do emprego, senón que máis ben lévanos á precarización das condicións laborais con incrementos abusivos de xornada, con aumento do número de horarios irregulares e impedindo a conciliación da vida laboral e familiar.
    Ademais a apertura de domingos e festivos, potencia unha perniciosa identificación entre lecer e consumismo desmedido.
    A Federación de Servizos de CCOO, unha vez máis, realizou un escrito de contestación situándose contra a apertura de domingos e festivos.
    Podes velo aquí

  • CCOO Servizos obtén toda a representatividade nas eleccións de Primark (Santiago).

    CCOO volveu gañar
    as eleccións sindicais na empresa Primark (Santiago). A candidatura
    da Federación de Servizos logrou a totalidade dos 9 membros do
    comité e fíxoo, ademais, mantendo os resultados das anteriores
    eleccións, sobre un censo de 130 persoas.

    Cabe salientar que
    estes excelentes resultados son froito da boa labor sindical das
    delegadas e delegados de CCOO.

    A Federación de
    Servizos amosa o seu agradecemento a todas as persoas que
    participaron neste proceso, en especial ás que, co seu voto,
    depositaron a súa confianza en Comisións Obreiras.
    Finalmente,
    CCOO-Servizos dá os parabéns a todos os traballadores e
    traballadoras da empresa, pois con este resultado renóvase o
    compromiso adquirido nas urnas e ponse á súa disposición para
    continuar defendendo os intereses laborais.   

  • Asinado acordo de mellora de condicións económicas e laborais en Stradivarius Pontevedra

    Trala negociación coa dirección da empresa tamén en Stradivarius de
    Pontevedra, igual que en outras empresas do grupo Inditex, chegamos
    a un acordo para mellorar as condicións económicas e laborais das
    traballadoras e traballadores desta empresa na provincia de
    Pontevedra. Segue

    Os
    puntos resumidos deste acordo son:

    • A
      partir do mes de setembro, un plus de 80 eur para todo o persoal
      sexa cal sexa a súa xornada. Este plus terá un incremento do 1,5%
      cada ano.

    • TRABALLO
      EN DOMINGOS E FESTIVOS : Establécense dúas opcións de
      compensación, a elección do persoal da tenda e sempre en
      proporción da xornada:

      • 160 eur sen devolución de horas.

      • 80 eur máis devolución de horas.

    • ADAPTACIÓN
      ESCOLAR por fillos ou fillas de 3 a 4 anos: 6 horas.

    • LICENZA
      RETRIBUÍDA POR ENFERMIDADE: 10h anuais para o acompañamento de
      familiares de 1º grao ao médico.

    • ACUMULACIÓN
      DE LACTACIÓN: Amplíase o período de acumulación de lactación
      nas contías seguintes dependendo da xornada:

      • 30h:
        40 días naturais

      • 40h:
        30 días naturais

    • VACACIÓNS:
      21 días garantidos a partir de rebaixas e hasta o mes de setembro.

    • AXUDAS
      SOCIAIS: 150 ? por nacemento o adopción de fillo ou filla.

    • 80 eur por cada día de ASUNTOS PROPIOS sen xustificar non desfrutado.

    • EXCEDENCIA
      VOLUNTARIA: con reserva do posto de traballo por unha duración de
      seis meses a un ano.

    • DESCANSOS
      DENTRO DA XORNADA: dous tempos de descanso para todas as quendas:

      • Xornadas
        de menos de 6h: 20 minutos de descanso

      • Xornadas
        de 6h ou máis: 30 minutos de descanso

    Desde
    CCOO facemos unha valoración positiva deste acordo que consegue
    mellorar as condicións de traballo e salariais en Stradivarius
    Pontevedra. Desde a representación de CCOO nas diferentes empresas
    do grupo Inditex seguiremos expoñendo a necesidade de que os
    traballadores e traballadoras gocen das mesmas condicións sen que a
    provincia ou a empresa na que traballen sexa un condicionante para que estas sexan diferentes.

    Para
    CCOO é un paso máis, pero temos claro que debemos seguir reivindicando a mellora das condicións laborais e así o faremos.
    A firma deste acordo non significa que todo o traballo estea feito,
    agora toca poñelo en marcha, esixir o seu cumprimento e tentar
    melloralo no futuro.

    Poñémonos
    á vosa disposición para aclarar calquera dúbida que vos xurda.

  • Asinado o Convenio Colectivo do sector do Comercio de Materiais de Construción de Ourense

    Os sindicatos CCOO, UGT e CIG, xunto coa patronal ASEMACO, vimos de asinar o Convenio Colectivo do Sector do Comercio de Materiais de Construción para a provincia de Ourense para os anos 2017 e 2018, destacando os seguintes acordos:

    • Incremento salarial do 1,5% nos salarios a partires do 1 de xullo e ata o 31 de decembro de 2017.
    • Incremento salarial do 1,5% dos salarios de 2018.
    • Cláusula de revisión salarial durante os dous anos, de maneira que se incrementen os salarios en todo o que o IPC exceda do 1,5% ao final de cada un dos anos de vixencia, co pagamento dos correspondentes atrasos.
    • Complemento económico ata o 100% cando se produza baixa médica por enfermidade común e exista hospitalización (ata agora só existía o 100% cando a baixa era por accidente laboral ou enfermidade profesional). Este complemento, no caso de hospitalización, dure o que dure a mesma, manterase ata a alta médica definitiva.
    • Consolidación definitiva dos descansos dos sábados de semana santa e das tardes do 24 e 31 de decembro.
    • Introdución de protocolos de actuación para os casos de acoso sexual, laboral e por razóns de sexo.
    • Melloras no apartado de licenzas retribuídas.

    Desde os sindicatos asinantes valoramos positivamente o feito de manter un convenio vivo e actualizado que volve ao camiño de acadar conquistas que melloren a vida das persoas traballadoras.

    En canto ás retribucións, se ben somos conscientes de que os salarios aínda seguen a ser baixos, valoramos moi positivamente a implantación de novo na negociación do concepto de revisións salarial no caso de desvío do IPC, o que garante que non se perda poder adquisitivo.

    Tamén celebramos a unidade sindical mantida nas negociacións que significou que por primeira vez en moitos anos sexamos os tres sindicatos os que suscriben o convenio colectivo.

    Desde CC.OO. queremos destacar especialmente, ademais das melloras sociais e salariais respecto ao anterior convenio, o noso traballo para conseguir unha plataforma conxunta e o avance en protocolos de igualdade e loita contra o acoso sexual e psicolóxico

    Ourense, 29 de xuño de 2017.