My New Site

Categoría: Comercio Galicia

  • Desconvocada a folga de Lefties (Inditex) en Vigo

    Motivado pola falla de personal e a conseguinte sobrecarga de traballo nas dúas tendas de Lefties de Vigo, o Comité de Empresa de Zara España na
    provincia de Pontevedra convocou unha folga para o próximo venres 30 nas devantitas tendas. Os contactos coa
    dirección da empresa deron os seus froitos e conseguironse cinco novas
    incorporacións, o incremento a 40 horas a dúas traballadoras na tenda de
    Gran Vía e unha na de Progreso, quedando así desconvocada a folga.

    Por parte de CCOO creemos que estes reforzos deben axudar a paliar a excesiva carga de traballo que soportan as traballadoras.

  • Concentracion fronte á central de Inditex para denunciar a situación laboral das traballadoras de LEFTIES (Inditex)

    Hoxe, 22 de xuño, ás 12:00h, realizouse unha CONCENTRACIÓN diante da sede principal de lnditex en Arteixo en protesta pola reiterada actitude de desprezo da Dirección da empresa cara aos nosos dereitos e en demanda das melloras que levamos reclamando infrutuosamente desde hai moito tempo:

    1.-A nivel ECONÓMICO:

    -Incremento na porcentaxe de comisión de todo o persoal de Lefties.

    -Incentivos equitativos cos que se cobran no resto das tendas da mesma empresa. Recordemos que LEFTIES É ZARA ESPAÑA, S.A. E NON UNHA CADEA INDEPENDENTE.

    2.-A nivel LABORAL:

    -Redución da excesiva carga de traballo mediante a oferta de horas ou ampliación de persoal.

    -Eliminación da esixencia de xustificación nas solicitudes de redución de xornada por garda legal, xa que supón unha grave intromisión na intimidade e vida persoal das traballadoras.

    Coñecemos casos de acoso e discriminación laboral que, evidentemente, crean conflitos persoais e tensións entre as traballadoras. A Dirección da empresa e Dirección de Tendas non fixeron nada efectivo até o de agora para atallar de maneira efectiva estes comportamentos. O único que se lles ocorreu foi iniciar uns ?protocolos de averiguación? de maneira unilateral, Sen Consultar nin dar participación ao Comité de Empresa, polo que se realizaron sen a transparencia necesaria. NON IMOS PERMITIR ESTE ESTILO DE DIRECCIÓN. Queremos e esiximOS que Se nos Xulgue unicamente polo noso traballo, non por outras circunstancias discriminatorias e alleas á relación labOral.

    En canto á seguridade nas tendas, parece que, despois dunha longa loita por parte do Comité, a empresa vai contratar un VIXILANTE DE SEGURIDADE para a tenda do Torreiro. Esperamos que sexa unha medida permanente e non un APAÑO TEMPORAL como noutras ocasións.

    LEFTIES, SOLUCIÓN XA!!!

    CCOO UGT CIG

  • Inicio de mesa e plataforma Convenio material Construcción Ourense

    O
    pasado día 1 de xuño constituíuse a Mesa Negociadora do Convenio Colectivo de
    Comercio de Materiais de Construción e Saneamento da Provincia de Ourense, que
    en función da representatividade, está constituída da seguinte forma:

    • UGT :                 4 representantes.
    • CCOO:              2 representantes.
    • CIG:                   1 representante.

     O
    luns 12 de xuño mantívose a primeira reunión na que se presentou unha
    plataforma conxunta por parte de CCOO e UGT, co fin de tentar manter a unidade de acción para  fortalecer a
    negociación coa Patronal.

     Nesta
    reunión xa empezamos a tratar temas de xornada, salarios, licenzas,
    contratación ou incapacidade temporal, tal e como  propoñemos na plataforma adxunta.

     Seguiremos
    informando de como se van desenvolvendo as negociacións.

    Plataforma Convenio Colectivo Materiais Construción e Saneamento Provincia de Ourense

  • Comezan as negociacións do Convenio do Comercio Alimentación de Ourense

    O
    pasado 9 de maio constituíuse a mesa de negociación do noso
    convenio. A representación sindical na mesa é a seguinte:

    USO:
    6 CCOO: 4 UGT: 3 CIG: 2

    Na
    próxima reunión coa patronal, que se vai celebrar o mércores 31 de
    maio, empezarán as negociacións propiamente ditas. Os
    catro sindicatos puxémonos de acordo en elaborar unha plataforma
    conxunta     para defendela de forma unitaria, o que nos vai dar máis
    forza de cara a conquistar melloras.

    Tamén
    convimos en redactar follas – resumen das negociacións que se vaian
    mantendo- a fin de que todo o persoal estea puntualmente informado da
    marcha das mesmas. No seu caso, valoraremos convocar asembleas
    informativas.

    FAGAMOS
    VALER A UNIDADE,     A
    UNIÓN FAI A FORZA

    Principais reivindicacións

    PRINCIPAIS REIVINDICACIÓNS
    SINDICIAS

    Duración e vixencia:

    • 2 anos (2017 e 2018).

    • Garantir a ultractividade para que o
      convenio se manteña integramente en tanto non se negocie outro que
      o substitúa.

    Incremento salarial:

    • No 2017, incremento ata a
      equiparación co salario do convenio de Lugo.

    • En 2018: incremento do IPC real de
      2017 mais un 0,5%, (garantindo un mínimo do 2%).

    Horas extras e complementarias:

    • Recargo do 100% nas horas semanais e
      do 175% nas de domingos e festivos.

    • Consolidación anual dunha parte das
      horas complementarias realizadas polos tempos parciais.

    Xornada e horario:

    • Reducir considerablemente a actual
      xornada anual de 1820 horas/ano.

    • Establecemento de mecanismos de
      control de entrada e saída ao centro de traballo, mediante a fichaxe do persoal.

    • Coñecemento individualizado do
      calendario mensual de traballo.

    Licenzas:

    • Ampliar o permiso de paternidade a 4
      semanas.

    • Incluir licenzas por ingreso
      hospitalario, ampliar algunhas ata o segundo ou terceiro grado e
      tamén incorporar unha nova licenza non retribuída de 28 días.

    Excedencias:

    • Ampliación por coidado de fillos ata
      que a crianza cumpra os 14 anos.

    • Actualizar a lexislación das
      voluntarias e obrigatorias.

    Inclusión de novos artigos sobre:

    • Igualdade home muller, protocolos de
      acoso, prevención de riscos ou póliza de seguro.

    Outras condicións:

    • Tamén reivindicamos melloras noutros temas coma roupa de traballo, vacacións, inventarios, etc.

  • CCOO Servizos estrea representatividade en Perfumerías Bodybell e Allianz Seguros (Pontevedra)

    CCOO Servizos pasa a ter presenza en dous novos centros de traballo da provincia de Pontevedra grazas a resultar electas no día de hoxe dúas delegadas de persoal, unha en Ibérica de Droguería e outra en Perfumería SAU e Allianz Seguros.

    Con este resultado iníciase unha nova etapa na defensa e mellora dos dereitos laborais en devanditos centros de traballo e CCOO Servizos asume o compromiso adquirido nas furnas e ponse a disposición de todas e todos as traballadoras e traballadores.