My New Site

Categoría: Comercio Galicia

  • CCOO Servizos gaña as eleccións en Zara Ourense

    A Federación de Servizos de CCOO de Galicia gañou as eleccións
    sindicais celebradas hoxe en Zara Ourense. Despois dun proceso conflitivo, a candidatura proposta polo
    sindicato logrou tres delegados, mentres que UGT e USO acadaron un e CIG non conseguiu representación.

    Resulta especialmente positivo este resultado, así como o apoio recibido polas candidaturas de CCOO tanto no colexio de técnicos como no de especialistas, por canto gaña as votacións nos dous ámbitos electorais e, nesta ocasión, competindo con outras tres candidaturas sindicais, mentres que hai catro anos só se presentara CCOO, que obtivera catro delegados, e CIG un.

    CCOO agradécelles aos traballadores e traballadoras a participación no
    proceso electoral e a confianza depositada.  

  • CCOO Servizos gaña as eleccións en TEMPE (Grupo Inditex) A Coruña

    A Federación de Servizos de CCOO de Galicia gañou as primeiras eleccións
    sindicais celebradas en Tempe, que se celebraron o día trece de maio. A candidatura proposta polo
    sindicato logrou unha delegada, mentres que CIG non conseguiu representación a pesar de propoñer dúas candidatas.

    CCOO agradécelles aos traballadores e traballadoras a participación no
    proceso electoral e a confianza depositada.  

  • CCOO Servizos rexeita a liberalización de horarios comerciais e acolle positivamente a sentenza do TSXG

    A Federación de Servizos de CCOO de Galicia (CCOO-Servizos) rexeita
    a liberalización de horarios comerciais porque só beneficia as
    grandes superficies e prexudica o pequeno comercio. Neste sentido, o
    sindicato acolle positivamente a recente sentenza do Tribunal
    Superior de Xustiza de Galicia (TSXG) que rexeita o recurso da
    patronal ANGED contra a decisión do Concello da Coruña de
    restrinxir a apertura en domingos e festivos. Así mesmo, CCOO
    rexeita as tentativas de aprobar en Vigo a dita flexibilidade. Continúa

    A
    pretensión de ANGED baséase nunha norma estatal que flexibiliza os
    requisitos de apertura nas zonas consideradas de «especial afluencia
    turística». Co precedente da Coruña e tamén coa situación creada
    en Vigo, onde a Xunta solicitoulle ao Concello a determinación da
    zona de afluencia turística, o sindicato insiste en rexeitar estas
    iniciativas.

    As
    aperturas en domingos e festivos están restrinxidas, como regra
    xeral, a dez ao ano. CCOO sinala que esta posibilidade non se
    traduciu por agora na creación de emprego, senón que se deteriorou
    o existente, obrigando o persoal a prolongar a súa xornada laboral.
    Isto prodúcese, ademais, «sen contraprestación de ningún tipo e á
    custa de dificultar a conciliación da vida persoal, familiar e
    laboral», censura Isabel Castaño, secretaria de Acción Sindical de
    CCOO-Servizos.

    CCOO
    considera que a apertura de máis domingos e festivos non é unha
    demanda da cidadanía, senón das grandes cadeas de distribución -representadas por ANGED-. Neste senso, Castaño lembra que xa
    existe unha lei de horarios comerciais que lles permite a
    liberalización de horarios aos establecementos cunha superficie de
    ata 300 metros cadrados.

    Desde
    a Federación de Servizos de CCOO de Galicia sosteñen que a
    liberalización de horarios carrexaría a morte do pequeno comercio,
    «coa consecuente destrución de emprego estable e con dereitos», a
    cambio de mudar e modificar as condicións laborais e «precarizar,
    aínda máis o emprego nas grandes superficies».

    CCOO,
    como sindicato máis representativo do sector, reuniuse coa
    concelleira de Igualdade, Desenvolvemento Económico, Emprego,
    Comercio e Turismo do Concello de Santiago, Marta Lois, e co
    concelleiro de Emprego e Economía Social do Concello da Coruña,
    Alberto Lema. Ambos os edís manifestáronlle ao sindicato o total
    rexeitamento dos seus respectivos grupos de goberno á posibilidade
    de ampliar os horarios de apertura comercial.

    Por
    último, CCOO sinala que a Federación Galega de Comercio (FEGA),
    máxima entidade representativa do pequeno e mediano comercio -200
    asociacións de comerciantes e máis de 70.000 comercios integrados-,
    elaborou tamén un informe en que se rexeita a ampliación dos
    horarios de apertura.

    +
    Para máis información:

    • Isabel
      Castaño, secretaria de Acción Sindical de CCOO-Servizos: 626 100
      310

  • A Patronal impide avanzar na negociación do Convenio Comercio-Alimentación de Pontevedra

     Trala quinta reunión da mesa negociadora temos que informarvos que
    non hai ningún avance de importancia. Polo de agora presentamos e
    detallamos as plataformas de cada un dos sindicatos presentes na
    negociación (CCOO, CIG, UGT e USO) e recibimos as pretensións da
    patronal.

    O problema que está a dificultar a negociación é
    a falta de acordo entre as dúas patronais presentes na mesa sobre
    cal é a representatividade que ten cada unha de elas. CC.OO.
    entendemos que este é un asunto que deben resolver eles fora da mesa
    e que non debe entorpecer a negociación. Esperamos que na próxima
    reunión poidamos comezar a falar do que realmente nos preocupa,
    sacar adiante este convenio, e se deixen de disputas internas que non
    traen nada positivo.

    Comunicado

    Por parte de CC.OO.
    a nosa plataforma está baseada en catro cuestión principais que
    resumimos, pondo a voso dispor a plataforma completa si así o
    requirides:

    • Incremento salarial:
      Incremento lineal de 35? por cada ano de vixencia, revisión
      salarial, desconto en compras do 15%, plus de quebranto de moeda
      para aqueles traballadores/as que nas súas funcións teñen o
      manexo de cartos.

    • Xornada de traballo: Xornada máxima anual de 1753 horas,
      reducir e regular a posibilidade de distribución irregular da
      xornada, acumulación do permiso de lactación en 24 días naturais,
      posibilidade de redución de xornada por fillos de ata 14 anos,
      recuperación dos festivos que coincidan en vacacións, mellora das
      licencias, excedencia voluntaria con reserva do posto de traballo e
      implantación obrigatoria de un sistema de control de entrada e
      saída.

    • Emprego e contratación: Regulación da contratación a tempo
      parcial establecendo horarios estables que permitan a posibilidade
      de traballar noutro lugar para ampliar a xornada de traballo,
      consolidación de horas complementarias e fixación dun prezo
      superior ao da hora ordinaria e xornadas continuadas para este tipo
      de contratación.

    • Categorías: pretendemos que se recoñezan no convenio os
      postos das seccións (carniceiro/a, Chacineiro/a, pescadeiro/a e
      froiteiro/a), así como que se continúe e mellore a promoción
      profesional do artigo 3.

    Temos tamén un posicionamento por parte de unha das patronais que
    pretenden o seguinte:

    Retirar o artigo de promoción profesional,
    incrementar as posibilidades de utilización do contrato por obra ou
    servizo, establecer a xornada de traballo de luns a domingo,
    establecer a posibilidade de acumular o descanso semanal tendo que
    traballar mais días seguidos, limitar as vacacións en verán e
    decembro nas zonas de costa, reducir substancialmente o recargo das
    horas extras, eliminación da antigüidade, reducir o complemento nos
    casos de IT o 75% durante o primeiro mes da baixa, incremento
    salarial sen especificar, ….. En resumen, empeorar as condicións
    de traballo, reducir o salario, dificultar a conciliación da vida
    laboral e persoal e poñer o convenio case a altura do Estatuto dos
    Traballadores, o que dende CC.OO.
    non imos permitir.

    As conclusións que sacamos en CC.OO.
    despois de estas cinco reunións é que nos enfrontamos a unha
    negociación complexa
    cunha situación anómala na parte patronal que, de non resolverse
    pronto, podería alongar máis
    do necesario a posibilidade de asinar un convenio que mellore as
    condicións de traballo. Non nos preocupan os posicionamentos
    iniciais da parte empresarial porque consideramos que estamos en
    condicións de rexeitalos. Os delegados e delegadas xunto con a
    organización sindical de CC.OO.
    poremos todo da nosa parte para defender e sacar a diante a nosa
    plataforma.

    http://www.ccoo-servicios.es/galicia     https://www.facebook.com/ServizosCCOO/

  • Grupo Champion Carrefour. Firmado el convenio Colectivo

    La  firma  del  Convenio  consolida  la  jornada  de  5  días  de 
    trabajo  a  la  semana,  la  recuperación  del poder  adquisitivo  y 
    otras  mejoras  sociales,  ello  ha  sido  posible,  por  el  energía 
    y  la  capacidad negociadora de CCOO. Con la firma se cumplen gran parte
    de los objetivos que nos planteábamos en nuestras reivindicaciones; del
    Convenio colectivo destacamos los puntos siguientes:

    2 días de descanso y 5 de trabajo a la semana, 224 días de trabajo al año.    

     

    • Jornada
       laboral  de  1792  horas  al  año  en  2019,  con  reducción  de  10
       horas  en  2016,  8  en  2017,  8  en  2018 y otras 8 desde el 1 de
      enero de 2019, desapareciendo la bolsa de horas desde esa fecha.   

    1,5 % de subida salarial en 2016.      

    31 días de vacaciones al año, 21 días en los meses de junio a septiembre.    

    Compromiso de empleo fijo de al menos el 80 % de la plantilla.    
    En 2017 y 2018 los salarios subirán entre el 0,5 y el 1,5 %, sobre la base de conseguir el presupuesto de  ventas de la empresa.  
     Aumenta y mejora las licencias retribuidas.   
    Mejora
     las  condiciones  de  contratación,  incluidas  las  salariales;
     garantizando  las  ampliaciones  de  jornada o pasar de
     jornada parcial a jornada completa.    
    Asegura
     el  cobro  de  salario  y  del  incentivo,  por  la  sustitución  a
     un  trabajador  de  Grupo  Superior  desde el décimo día.    
    Hay incentivos ligados a la venta y la demarca  en los años 2016, 2017 y 2018.    
    Fortalece la estabilidad en la jornada laboral mediante los cuadros horarios.    
    Establece un incremento salarial mayor al Grupo V, hasta su desaparición e integración en el Grupo IV.    
    En
    la reducción de jornada por Guarda Legal, el derecho de elección de
    turno de trabajo dentro de  su jornada laboral es de la trabajadora.  
      
    Establece  el  compromiso  de  consolidación  de  jornada,  mediante  novaciones  contractuales  y  la  formalización  de  contratos  fijos  a  tiempo  parcial  mediante  el  sistema  de  distribución  irregular  de  jornada.    
    CCOO
     valora  positivamente  la  firma  del  Convenio,  que  ha  sido
     ratificado  en  las  Asambleas  de  afiliados  y  trabajadores,
     asumiendo  desde  ahora  el  compromiso  de  seguir  luchando  para
     que  se  cumpla  íntegramente  y  mejorar  las  condiciones  económicas
     y  sociales  de  las  trabajadores  y  trabajadores.