My New Site

Categoría: Contact Center

  • O persoal de Teleperformance intensifica as protestas para defender os seus dereitos

    O comité denuncia que a empresa «fai o xordo» ás reivindicacións, polo que se intensificarán as protestas, con paros parciais a partir de hoxe, 28 de xuño, e concentración ás 12:30

    Os sindicatos denuncian continuos problemas no cómputo do rexistro da xornada —que se traducen en descontos nas nóminas—, a formación insuficiente e sen apoio, a implantación dunha ferramenta única para a comunicación coa empresa —e que presenta deficiencias—, a falta de información á representación legal do persoal ou a negativa de Teleperformance a compensar de maneira xusta os gastos do teletraballo durante a pandemia.

  • Teleperformance A coruña: ante a prepotencia, mobilizacións

    Teleperformance, en Agrela, unha empresa de Contact Center, que se publicita como un referente mundial no seu sector con uns 800 empregadxs en A Coruña, e que da servizo a grandes multinacionais tanto de telecomunicacións, enerxéticas e outros sectores, segue incumplindo os acordos e compromisos cos traballadorxs e xs seus representantes.

    O Comité de empresa de Teleperformance Coruña denuncia que a empresa continúa facendo caso omiso das continuas reivindicacións tanto de traballadorxs como da representación laboral das persoas traballadoras.

    Ante esta situación decidiuse levar adiante un calendario de movilizacións:

    – Concentracións nas datas dos días 11 e 23 de Xuño de 12:30 a 13:30 diante do Centro de traballo que Teleperformance ten en Agrela.

    – Convocatoria de paros parciáis nos horarios de 12:30 a 13:30 e de 16:00 a 17:00 horas na data do 28 de Xuño. Simultáneamente no horario de 12:30 a 13:30 realizaráse una concentración diante das instalacións.

    O OBXECTIVO deste calendario de mobilizacións é rematar con: Ler máis

    – Os continuos problemas no cómputo do rexistro de xornada que derivan en contínuos e reiterados descontos en nómina por ausencias debidamente xustificadas polas persoas traballadoras, así como por desconexións por fallos técnicos responsabilidade de Teleperfomance. Cabe sinalar que o problema das incidencias de nómina levámolo arrastrando dende fai máis de dous anos, e que se foi agravando durante a pandemia.

    – As formaciones precarias, insuficientes e sen apoio tanto no centro como en teletraballo.

    – A implantación dunha ferramenta única para a comunicación coa empresa con múltiples deficiencias e erros, que deixa totalmente indefensa o cadro de persoal e limita o traballo sindical das/os representantes das persoas traballadoras.

    – A falla de información á representación das persoas traballadoras e ausencia de vontade por parte da empresa para conseguir puntos de encontro.

    – E como remate, a negativa da empresa a compensar de maneira xusta e decente os gastos derivados do teletraballo durante a pandemia, tal e como recolle o RD 28/2020, e non como una mera esmola que é o que a empresa ten esposto.

    O Comité de empresa toma a decisión de levar adiante este calendario de mobilizacións como consecuencia da nula vontade por parte da empresa non xa de conseguir un acordo, senón nin de sentarse para intentalo.

    Dende que comezou a pandemia, a empresa atopou o caldo de cultivo ideal para levar adiante todas e cada unha das súas pretensións, aplicando de maneira incondicional medidas unilaterais e restritivas, recortes de dereitos e modificacións nas condicións de traballo .

    Ante todo iso este Comité atópase coa incapacidade e falta de vontade da empresa para dar solucións.

    Estas mobilizacións continuarán de non cambiar a situación que se leva arrastrando dende fai moitos meses e que Teleperformance decidiu ignorar.

    NON PODEMOS PERMITIR QUE A PASIVIDADE E INOPERANCIA DA EMPRESA SE TRADUZA NA RUÍNA E PRECARIEDADE DAS PERSOAS TRABALLADORAS

  • Teleperformance España (A Coruña) segue a desprezar o seu persoal

    O Comité de empresa de Teleperformance Coruña denuncia que a empresa continúa facendo caso omiso das continuas reivindicacións tanto de traballadorxs como da representación legal dos e das traballadoras.

    Ante esta situación decidiu convocar Concentración o próximo día 21 de Maio de 12:30 a 13:30 diante do Centro de traballo que Teleperformance ten en Agrela. Ler máis

    O obxectivo desta concentración é rematar con:

    • Os continuos descontos en nómina por ausencias debidamente xustificadas polxs traballadorxs, así como desconexións por fallos técnicos responsabilidade de Teleperfomance.

    • As formacións precarias e sen apoio tanto no centro como en teletraballo.

    • A implantación dunha ferramenta única para a comunicación coa empresa con múltiples deficiencias e erros, que deixa totalmente indefensa á plantilla e limita o traballo sindical dos representantes dxs traballadorxs.

    • A falta de información á representación dxs traballadorxs e ausencia de vontade por parte da empresa para acadar puntos de encontro.

    A convocatoria desta primeira concentración prodúcese como consecuencia de ter resultado infructuosas as xestións realizadas coa dirección para acadar un acordo e dar solución ós temas que motivan as accións a levar a cabo. Estas movilizacións continuarán de non cambiar a situación que se leva arrastrando dende fai moitos meses e que Teleperformance ignora.

    Teleperformance, en Agrela, é unha empresa de Contact Center, que ocupa a máis de 800 empregadxs en A Coruña, dando servizo a grandes multinacionais tanto de telecomunicacións, enerxéticas e outros sectores.

     

    Persoa de contacto:

    Clara García Rodríguez (Secretaria do Comité de Empresa) Tfno.: 66 1957031 E-mail: comiteteleperformancecoruna@gmail.com

  • CCOO Servizos anuncia paros pola degradación das condicións de traballo en Bosch, a segunda maior empresa de Vigo

    A Federación de Servizos de CCOO anuncia paros pola degradación das condicións laborais en Bosch Service Solutions, a segunda maior empresa de Vigo por número de traballadores e traballadoras. Tras un expediente de regulación temporal de emprego (ERTE) que afectou a máis de 800 persoas, hoxe en día conta cunhas 1200 teletraballando; a maior parte delas achegan os seus propios medios sen que lles compensen os gastos do xeito en que obriga a lexislación —RD 28/2020 sobre traballo a distancia.

    Desde o comezo da pandemia, a sección sindical de CCOO denuncia a «inadecuada» política de prevención de riscos laborais, especialmente en cuestións como a falta de ventilación axeitada ou sistemas de climatización estragados —que non se arranxaron ata que se denunciou na Inspección de Traballo—. «Isto pon en risco a saúde do persoal», advirten desde Comisións.

    Amais da non compensación dos gastos e das deficiencias en prevención de riscos, CCOO tamén denuncia que a empresa impuxo as vacacións a case 800 persoas, facendo caso omiso do acordo a que se chegara recentemente co comité de empresa ante o Consello Galego de Relacións Laborais.

    Horario dos paros

    Ademais de «interpoñer as medidas legais oportunas», CCOO-Servizos e o comité de empresas convocan paros parciais para as próximas semanas. Os primeiros terán lugar o xoves, día 17, de 11 a 12 e de 17 a 18 horas, e o venres, día 19, de 13 a 14 e de 17 a 18 horas.

  • A sección sindical de CCOO Bosch Service Solutions denuncia a inadecuada política de prevención de riscos laborais no seu centro en Vigo

    Bosch Service Solutions é a segunda empresa máis grande de Vigo por volume de persoal dedicada ao sector de contact center, que presta servizos a clientes como Vodafone, Repsol, Orange ou Iberdrola.

    O ano pasado sufriu un ERTE que afectou a máis de 800 persoas e a día de hoxe conta con aproximadamente 1200 persoas en teletraballo, que achegan —a maioría— os seus propios medios sen que exista unha compensación dos gastos como esixe o RD 28/2020 sobre traballo a distancia. Ler máis

    A sección sindical de CCOO leva denunciando desde o principio da pandemia unha inadecuada política de prevención de riscos laborais, que pon en claro risco a saúde dos traballadores e traballadoras (falta de ventilación adecuada, sistemas de climatización estragados que no se arranxaron ata que se denunciou á inspección, etc.) 

    A Sección Sindical de CCOO quere mostrar publicamente o seu rexeitamento á degradación continua das condicións de traballo impostas por BOSCH en Vigo. O último e claro exemplo é a imposición das vacacións a case 800 persoas de forma unilateral, saltando o acordo alcanzado recentemente co comité de empresa ante o Consello Galego de Relacións Laborais.

    Desde o sindicato anuncian a interposición das medidas legais oportunas así como a valoración de convocatoria de mobilizacións nas vindeiras semanas.