My New Site

Categoría: Contact Center

  • Protestas en Unitono Ourense para reclamar teletraballo

    Na actualidade, UNITONO é o único provedor de MAPFRE CETEX que ten a todos os seus axentes traballando en plataforma a pesar de estar nunha situación de pandemia mundial.

    As cinco seccións sindicais que conforman os comités de Ourense e Madrid (UGT, CCOO, CIG, CGT e USO), interpuxeron unha SIMA para tentar chegar a un acordo coa empresa para activar novamente o teletrabajo para este servizo, recollendo así o sentir de todos os traballadores e traballadoras que ven perigar a súa saúde compartindo salas e espazos comúns sen a seguridade necesaria. Ler máis

    O SIMA finalizou sen acordo posto que Unitono, que pertence ao grupo GSS Covisian, négase á posibilidade de facilitar de novo o teletraballo de maneira voluntaria ás traballadoras e traballadores, cando en marzo se activou de forma inmediata e sen problemas. UNITONO considera a volta ao teletraballo na plataforma de Madrid, pero en Ourense néganse rotundamente.

    En vista de que a empresa segue sen pór a saúde dos seus traballadores/as por encima doutras cuestións, convocamos paros parciais dunha hora tanto na plataforma de Ourense como na de Madrid para as seguintes datas:  MÉRCORES 9 de decembro, LUNS 14 de decembro, LUNS 21 de decembro, LUNS 28 de decembro.

    Os horarios dos paros convocados son: De 11.00h a 12.00h en quenda de mañá, de 18.00h a 19.00h en quenda de tarde

    Pedimos que deixen de tratarnos como traballadores de segunda e se UNITONO segue sen apostar por Ourense reservarémonos o dereito de adoptar calquera outra actuación na defensa do noso traballo e a nosa saúde.

    Necesitamos que TODOS os compañeiros dos dous centros secunden os paros e estean unidos, porque hoxe é Mapfre Cetex pero mañá pode ser outro servizo.

    DEFINITIVAMENTE, UNITONO PÁRASE!!!

  • Teleperformance Coruña utiliza a crise sanitaria para explotar e sancionar o persoal

    Teleperformance, en Agrela, é unha empresa de Contact Center, que ocupa a máis de 800 empregadxs en A Coruña, dando servizo a grandes multinacionais tanto de telecomunicacións, enerxéticas como doutros sectores. Segundo indica na súa páxina web, forma parte do 20% de empresas que están contratando durante a crise sanitaria. 

    O Comité de empresa de Teleperformance Coruña denuncia que a empresa continúa aproveitando a crise sanitaria do Covid-19 para explotar e sancionar o cadro de persoal en pleno estado de alarma. Ler máis

    Ante esta situación decidiu convocar PAROS PARCIAIS o próximo día 30 de novembro de 11:00 a 13:00 e de 18:00 a 20:00 horas, acompañados dunha CONCENTRACIÓN de traballadoras/es frente á empresa de 11:30 a 12:00 horas. 

    O OBXECTIVO dos paros parciáis consiste en que a empresa se aveña a: 

    • Retirar as sancións de suspensión de emprego e soldo de 30 días na campaña de Orange que afectan a 5 persoas e se facilite ó persoal unha formación axeitada en todos os ámbitos.
    • Cesar os descontos en nómina por incidencias técnicas responsabilidade de Teleperformance e tamén das presións ao persoal para que recuperen ditos tempos, tal como se lles requiriu por parte da Inspección de Traballo e cuxo requerimento ignoran.
    • Que a empresa facilite un teléfono móbil e a correspondente líña se quere que o persoal empregue o móbil para traballar, ademáis de facilitar os equipos necesarios para teletraballar.
    • Que a empresa garanta o dereito á desconexión dixital do persoal como establece a lei, de forma que o persoal traballe só durante a súa xornada laboral.  

    A convocatoria de folga prodúcese como consecuencia de ter resultado infructuosas as xestións realizadas coa dirección para acadar un acordo en torno ós temas que motivan as accións a levar a cabo. A día de hoxe a empresa non manifestou a súa intención de falar co Comité.

    CCOO – CIG – UGT – CGT

    Imaxes das concentracións do día 30.11.2020

  • Teleperformance A Coruña: Despedimentos inxustificados, coaccións, sancións e ameazas

    Teleperformance, en A Grela, é unha empresa de Contact Center que ocupa a máis de 800 empregadas/os en a Coruña, dando servizos a grandes multinacionais tanto de telecomunicacións, enerxéticas coma outros sectores. Segundo indica na súa páxina web, forma parte do 20% de empresas que están contratando durante a crise sanitaria.

    O Comité de Empresa de Teleperformance A Coruña denuncia:

    Que a empresa GAS NATURAL FENOSA coa colaboración de Teleperformance, está a dar un novo paso na destrución de emprego e deslocalización das tarefas de atención ao cliente en Galiza. Ler máis

    Dende fai 7 anos, GAS NATURAL FENOSA ten feito desaparecer máis de 240 postos de traballo, só en Teleperformance A Coruña, o que supón un paso máis na espoliación dos recursos de Galiza e a destrución de emprego na nosa comunidade e na nosa cidade.

    – No ano 2013: levaron fóra da nosa comunidade a comercializadora de mercado libre, (UFC), coa perda de 103 postos de traballo na delegación de Teleperformance A Coruña.

    – No ano 2019: desaparecen outros 102 postos na delegación de Teleperformance A Coruña coa perda da comercializadora de mercado regulado (GNSUR), levando unha vez máis o traballo fóra da nosa comunidade. 

    – E agora toca o servizo de apoio e xestión administrativa das comunicacións entre a distribuidora UFD e as comercializadoras (ATR), supoñendo a desaparición doutros 40 postos de traballo en Teleperformance A Coruña, facéndose cargo de este servizo, a partir do 1 de novembro de 2020, a empresa Everis, dende Alicante. 

    – O persoal que queda en UFD (avarías), 100 postos de traballo, tememos que terá o mesmo destino, a desaparición a corto ou medio prazo. 

    Todo iso con CONSECUENCIAS DIRECTAS no persoal de Teleperformance A Coruña, que está a ver como se vulneran os seus dereitos con constantes coaccións, ameazas, sancións e despedimentos inxustificados, todo iso coa connivencia e permisividade que está a amosar a Inspección de Traballo de A Coruña, ante quen este Comité ten denunciado de maneira reiterada tales actuacións sen recibir a correspondente e necesaria resposta. 

    POR TODO ISTO O COMITÉ DE EMPRESA DE TELEPERFORMANCE A CORUÑA CONVOCOU UNHA CONCENTRACIÓN DE DELEGADAS/OS O XOVES 1 DE OUTUBRO ÁS 12:00 H. DIANTE DAS INSTALACIÓNS DE GAS NATURAL FENOSA EN A GRELA (ubicación do antigo MACUF, tamén espoliado por Gas Natural Fenosa).

    Noticia en Cadena Ser

  • Teleperformance A Coruña despreza ao persoal e a Inspección de Traballo

    Teleperformance, en A Grela, é unha empresa de Contact Center, que ocupa a máis de 800 empregadxs dando servizos a grandes multinacionáis tanto de telecomunicaciós, enerxéticas e outros servizos. Según indica na súa páxina web, forma parte do 20% de empresas que están contratando durante a crise sanitaria.

    O Comité de Empresa de Teleperformance A Coruña denuncia:

    Teleperformance nesta crise demostrou a súa incompetencia e falta de investimento para implementar o teletraballo. Obriga ao persoal a asumir todos os custos xerados polo traballo no domicilio (equipos, conexión a internet, luz…) sen recibir ninguna contraprestación. Incluso Teleperformance continúa cos descontos en nómina por desconexións alleas ao persoal a pesar da última Resolución de Inspección de Traballo, onde se indica que non poden facelo. Ler máis

    Teleperformace decide non continuar co departamento INFO R Telecable e Telecomunicaciones, despois de máis 20 anos sendo unha das campañas estrela da empresa.

    Ademais non acepta ningún tipo de solicitude do persoal por escrito ou correo electrónico, senón que obriga a empregar a súa ferramenta interna, sabendo dos seus múltiples fallos e carencias. Con esta práctica pretende alonxar ao persoal da representación sindical e incumpre os acordos acadados entre Comité e empresa en materia de canles de comunicación.

    Teleperformance toma decisións que afectan ao persoal de forma unilateral sen dar traslado e posibilidade de negociación á Representación Legal dos/as traballadores/as.

    POR TODO ISTO O comité de empresa convoca por estes motivos concentración de delegados/as o luns 20 de xullo ás 12:00 hrs. diante da delegación de Teleperformance A Coruña

  • Teletraballo, veu para quedar. Desconexión dixital

    O teletraballo é unha forma de organización e prestación do traballo que responde tanto á innovación e implementación das novas tecnoloxías da información e a comunicación, canto aos requirimentos de maior flexibilidade organizativa nunha contorna cambiante.

    A esta forma flexible de organización é frecuente atribuírlle extraordinarias capacidades en orde a mellorar as necesidades, sexa de conciliación da vida laboral e familiar, de flexibilidade, de produtividade, sexa, mesmo, de incrementar a activación de colectivos especialmente vulnerables, como serían as persoas con discapacidade

    O teletraballo non é apto para todo tipo de traballos, senón que só é posible para aquelas tarefas teletraballables, é dicir, aquelas que poden realizarse a través de medios tecnolóxicos.

    Aínda que, aos comezos nos que se empezou a falar e implantar este modo de traballo se previron unhas grandes expectativas de desenvolvemento e implantación, e a pesar da maior dispoñibilidade de medios tecnolóxicos cada vez máis avanzados, non tivo o desenvolvemento previsto. O porqué non se cumpriron esas expectativas é un tema controvertido, prognosticábase en moitos foros e investigacións un gran número de persoas teletraballando nun limitado espazo de tempo que despois non chegou a cumprirse, chegouse a supor que o teletraballo podía supor unha revolución nas formas de organizar o traballo, pero isto non chegou a materializarse. Os expertos din que un dos principais factores para que non se alcanzaron as cifras prognosticadas xorde pola falta de formación, malestar pola xestión nas empresas dos programas flexibles de traballo e á escaseza de información.

    Aínda que a porcentaxe de persoas teletraballando vai en aumento, parece que até agora moitas empresas se resistiron a adoptar medidas dirixidas á adopción do teletraballo.

     

    Informe completo: Teletrabajo, ha venido para quedarse Desconexión digital