My New Site

Categoría: Enxenerías Inspección Técnica

  • CCOO Servizos estrea representatividade en Als Laboratory Group de Ourense

    Nas eleccións celebradas hoxe, dous de xullo, CCOO consigue un delegado con candidatura única en Als Laboratory Group, empresa de enxeñería de minas en Penouta, Viana do Bolo na provincia de Ourense. Nesta ocasión trátase dun centro de traballo onde non había representación sindical.

    A Federación de
    Servizos de CCOO agradece aos traballadores e traballadoras
    desta empresa a confianza depositada no sindicato e garante redobrar o
    esforzo e manter o traballo diario.

  • O Congreso extraordinario da Unión Comarcal de CCOO de Arousa terá lugar o 27 de xullo

    O vindeiro día 27 de xullo
    de 2018 terá lugar o congreso extraordinario da U.C. de CCOO de Arousa
    convocado pola comisión xestora da U.C. de Arousa.
    Como
    afiliado, afiliada, ao sindicato, tes o dereito a ter voz e voto e participar
    nesta renovación de CCOO (segue)
    Na seguinte ligazón tés á túa disposición o anexo organizativo:
    Censos electorais:
    Os
    censos provisionais para a participación da afiliación de CCOO Servizos
    da comarca de Arousa no proceso congresual, cerráronse o 31 de maio do
    2018, están baixo a custodia e responsabilidade da Secretaría de Organización da Federación de Servizos polo que para a revisión das
    respectivas inclusións individuais, cada persoa afiliada poderá remitir un
    correo electrónico á dirección de servizos ata o 27 de xuño do 2018.
    Asemblea de Seccións Sindicais e empresas agrupadas no ámbito de CCOO Servizos:
    A asemblea de sección sindicais, empresas agrupadas e persoas desempregadas,  xubiladas e xubilados celebrarase o vindeiro día 10 de Xullo do 2018 de 13:00 horas a 17:00 horas no local de CCOO na Comarca de Arousa.
    De
    conformidade á distribución de delegadas e delegados establecida no
    anexo organizativo,á Federación de Servizos correspóndelle participar
    con 3 delegadas ou delegados coa seguinte porcentaxe de xénero a ter en
    conta:  mulleres 56.4% e homes 43,6 %.
    Orden do día na asamblea CCOO Servizos : Elección da delegación ao congreso extraordinario da U.C de CCOO de Arousa
    CANDIDATURAS

    1. COLEXIO
      ELECTORAL.- O órgano convocante da asamblea da CE de CCOO Servizos
      queda conformado como colexio electoral e as súas función serán recibir
      e validar as súas candidaturas, que se presenten conforme as normas
      congresuais. 

    2. LUGAR
      DE PRESENTACIÓN.-As candidaturas debidamente cumprimentadas
      presentaranse en modelo normalizado,
      ante a dirección de correo electrónico: servicios.galicia@servicios.ccoo.es  

    3. PRAZOS.- Poderanse presentar ata 5 días antes da data sinalada para a asamblea, o 5 de Xullo de 2018.

    4. REQUISITOS

      1. PERSOAS AFILIADAS E AO CORRENTE DE
        PAGO, incluídas no censo.

      2. COMPOSICIÓN. Deben incluir tantas
        persoas como delegados e delegadas a elixir (3) máis un 20% de suplentes.

      3. PORCENTAXE DE HOMES Y MULLERES.-As
        candidaturas gardarán a proporcionalidade de xénero seguinte: mulleres 56.4% e homes 43,6 %.

      4. ANTIGÜIDADE  DAS PERSOAS CANDIDATAS: Para formar parte das candidaturas para a delegación de CCOO Servizos no congreso de CCOO Arousa requírese unha
        antigüidade mínima de 6 meses
        na afiliación en CCOO.

      5. ACEPTACIÓN DE CANDIDATURAS.- A
        aceptación das candidaturas debe ser fóra de toda dúbida, conforme ás normas e
        estatutos confederais.

           CONVOCATORIA:

    • Data de celebración: 10/07/2018
    • Lugar de celebración: Local UC CCOO R/ Alexandre Bóveda,2-2 36600 Vilagarcía (Pontevedra)
    • Horario: Fase Electiva: 13:00-17:00 horas.

      Secretaría de Organización de CCOO Servizos 

      Formulario modelo candidatura

    • CCOO e UGT congratúlanse do «éxito» da folga e da participación «masiva» nas mobilizacións

      O Sindicato Nacional de CCOO de Galicia e UGT-Galicia congratúlanse do «éxito» da folga convocada hoxe polo sindicalismo de clase. O seguimento dos paros de dúas horas foi masivo, especialmente en grandes empresas e administracións públicas. Polo de agora, non houbo incidentes salientables nin no paro que da madrugada (entre as 00:00 e as 02:00), nin tampouco ao mediodía (das 12:00 ás 14:00). 

      Para CCOO e UGT, o «apoio maioritario» da sociedade galega a esta convocatoria é «a proba» de que as reivindicacións do sindicalismo de clase, compartidas polo movemento feminista, «son tamén maioritarias entre os galegos e as galegas»: cómpre «denunciar e desterrar» a brecha salarial, a precariedade laboral das mulleres e o acoso e a violencia de xénero.

      Sabio e Rodríguez coidan que a data de hoxe é «histórica» e marcará «un antes e un despois» na loita pola igualdade. O apoio á folga amosa «o total rexeitamento» da sociedade galega á situación que padecen as mulleres do noso país. «As reformas laborais impostas, os recortes e as medidas de austeridade non fixeron máis que incidir nas desigualdades», denuncian as dirixentes sindicais.

      Contra o «teito de cristal»

      As secretarias da Muller de CCOO e UGT denuncian a «discriminación laboral e salarial» das traballadoras galegas: a igual formación, os homes acadan maiores taxas de ocupación en todos os niveis formativos. Ademais, a brecha salarial é de 22 puntos, polo que as mulleres galegas terían que traballar 71 días máis ao ano para percibiren o mesmo salario que os homes nun ano. Tamén critican a existencia dun «teito de cristal» que é a causa de que só o 2,3 % da poboación ocupada feminina estea en postos de dirección ou xerencia.

      A «praga» da violencia machista e do acoso

      Ademais da situación laboral, as mulleres son vítimas doutra das grandes «pragas» da sociedade actual, a violencia machista. No 2017, foron asasinadas 49 mulleres e 8 nenos e nenas. O recente Pacto de Estado contra a violencia demóstrase insuficiente e case non recolle medidas de carácter laboral, que son «fundamentais» ?en opinión dos sindicatos? para que as mulleres poidan saír dunha situación de violencia de xénero.

      Rodríguez e Sabio lembran tamén a situación de acoso sexual nos centros de traballo. Aínda que a lei protexe contra estas situacións, «as denuncias son poucas polas dificultades probatorias ou polos medos a perder o emprego», lamentan.

      Galería de imaxes

    • CCOO denuncia as dificultades para a igualdade efectiva entre homes e mulleres no sector dos servizos

      Delegadas de Comisións Obreiras denuncian as dificultades para a
      igualdade efectiva entre homes e mulleres no sector dos servizos. Nun
      encontro sectorial que o sindicato organizou o mércores na Coruña co
      gallo da folga do vindeiro día 8, representantes de CCOO en diferentes
      empresas relataron as eivas detectadas no seu día a día, tanto do punto
      de vista profesional coma sindical.

      Procedentes de empresas da telemercadotecnia, do comercio téxtil,
      comercio de alimentación, banca, hostalaría, grandes almacéns e
      consultorías, detallaron todo tipo de situacións inxustas para as
      mulleres: dependentas do comercio téxtil relegadas a zonas «pouco
      visibles» cando chegan a certa idade, pobreza salarial ?e baixas
      pensións futuras? polo abuso da contratación a xornada parcial, falta de
      medidas para aplicar a corresponsabilidade ?as mulleres son maioría á
      hora de solicitar gardas legais?, o teito de cristal en sectores como a
      banca ?as mulleres son minoría en postos de alta dirección?, o acoso
      sexual ou por razón de sexo ?especialmente na hostalaría? ou a non
      aplicación de medidas de protección á maternidade ?como postos de
      traballo non adecuados? son algunhas das situacións que denunciaron.

      A folga está «plenamente xustificada»

      Isabel
      Fernández, secretaria da Muller de CCOO-Servizos, explica que aínda
      hoxe hai moitas empresas que son «bastante reticentes» a incluír no
      articulado dos convenios colectivos un artigo que expresamente fale da
      igualdade efectiva entre mulleres e homes. O sindicato tamén detecta
      «atrancos» á hora de elaborar protocolos contra o acoso sexual ou por
      razón de sexo, ou sobre a violencia machista.

      Segundo a
      sindicalista, é «especialmente lamentable» que estas eivas se detecten
      tamén nas empresas de máis de 250 traballadores e traballadoras xa que,
      nestes casos, a lei obriga á elaboración de plans de igualdade, que son a
      «foto fixa» que permite «identificar» onde se atopan as fendas
      salariais e laborais que separan homes e mulleres.

      Por último,
      sinala que, á luz das experiencias das compañeiras que interviron no
      encontro, «está claro que aínda queda moito que facer» en materia de
      igualdade, polo que está «plenamente xustificada» a convocatoria de
      folga do próximo 8 de marzo.

    • Asinado un acordo no CTAG que mellora as condicións respecto do convenio estatal de enxeñarías

      O comité de empresa do Centro Tecnolóxico da Automoción de Galicia (CTAG), presidido por CCOO, asinou coa dirección un acordo que mellora as condicións laborais en relación co vixente convenio colectivo estatal de enxeñarías. O pacto contou co apoio unánime de todos os integrantes do comité, composto por dez membros de CCOO, cinco independentes e dous da CIG.

      O acordo mellora aspectos como a política de contratación. Por exemplo, as bolsas redúcense a nove meses e os contratos en prácticas melloran salarialmente un 10 %. Ao tempo, 65 contratos temporais converteranse en indefinidos.

      En materia salarial, establécese para o 2018 unha suba do 2,75 %, ampliable ata o 5,25 % segundo obxectivos. Para o 2017, acordouse o pagamento retroactivo dun 3 %. Cabe destacar que estas melloras globais non serán absorbidas polas individuais.

      No acordo tamén se inclúen as axudas de custo internacionais para os países en que se están prestando servizos. Fíxase unha axuda de alugamento e outra de transporte, cunha duración de máis dun mes.

      Por último, mellórase a flexibilidade horaria no verán, así como os permisos de asistencia a revisións médicas ou por hospitalización dun familiar.

      O CTAG

      O CTAG ten sede na localidade pontevedresa do Porriño e o seu cadro de persoal fórmano máis de seiscentos enxeñeiros e enxeñeiras e técnicos e técnicas. O centro dá soporte ás entidades que integran o Clúster de Empresas de Automoción de Galicia (CEAGA). As principais áreas de traballo son a innovación electrónica e de materiais, a enxeñaría, o desenvolvemento de procesos, o deseño plástico-metálico. Tamén realiza ensaios e validación de compoñentes de automoción.