My New Site

Categoría: Enxenerías Inspección Técnica

  • Precariedade e cambio tecnolóxico: dous retos para a recén constituída Agrupación de Servizos Técnicos e Administrativos

    O II Congreso da Federación de Servicios de CCOO determinou nos seus
    relatorios e Estatutos que o Consello Federal aprobaría durante o
    presente mandato a integración de Servizos Administrativos e Servizos
    Técnicos. Cabe salientar que a nova agrupación recolle os sectores de:
    Servizos Administrativos, Seguros e Mutuas de Accidentes de Traballo,
    Planificación e Consultorías (TIC), Contact Center, Enxeñerías e
    Inspección Técnica e Intermediación Laboral.

    Esta nova estrutura
    presenta aínda máis diversidade tendo en conta os distintos sectores que
    recolle a nova agrupación, ademais de retos organizativos e de acción
    sindical máis amplos, tales como combatir a precariedade e dotarse de
    novas ferramentas ante o cambio tecnolóxico e a dixitalización no
    traballo.

    A celebración deste Plenario de integración supón unha
    continuidade do proceso iniciado en 2014, así como unha importante
    ampliación do seu ámbito funcional e sectorial que dá lugar a unha nova
    realidade organizativa que require novos órganos de dirección. Neste
    caso, unha vez realizadas as votacións queda elixido como responsable da
    coordinadora da agrupación Héctor Ortega Sánchez.

    O presente
    plenario debe servir para integrar, ilusionar, comprometer e construír
    un sector que integrará unha ampla gama de subsectores, con
    heteroxeneidade nas súas características e maior variedade dos seus
    modelos de negociación colectiva.

  • Proclamación Candidaturas plenario de integración da Agrupación de Servizos Técnicos e Servizos Administrativos

    Candidaturas

  • CCOO Servizos obtén a maioría absoluta no Comité de Empresa de CTAG

    Durante o pasado 17 de Outubro de 2017 celebráronse as eleccións sindicais ao Comité de Empresa de CTAG. CCOO pasou a ser o sindicato maioritario no Comité de Empresa de CTAG obtendo 10 delegados dos 17, pasando dunha representación dun 30,77% a un 58,82%.
    CCOO presentou candidatura en ambos os colexios electorais: «Técnicos e administrativos» e «Especialistas e non cualificados», conseguindo 9 delegados de 14 no primeiro e 1 de 3 no segundo. Isto supón ter a maioría absoluta dentro do Comité, posición que asume con responsabilidade dando continuidade ás lineas de traballo e principios que levaron a cabo durante os pasados 8 anos: a unidade sindical dentro do Comité de Empresa de CTAG, a comunicación e a participación de todos os traballadores e traballadoras. 
    O Centro Técnológico de Automoción de Galicia (CTAG) sitúase no Porriño, a 30 km de Vigo e desenvolve a súa actividade en traballos de alta especialización tecnolóxica dentro do ámbito da automoción, dando soporte ás empresas do Cluster de Empresas de Automoción de Galicia. As áreas principais de traballo desenvólvense principalmente arredor da Innovación Electrónica e de Materiais, a Enxeñaría e Desenvolvemento en procesos e Deseño Plástico-Metálico e Ensaios e Validación de compoñentes de automoción.
    Desde a sección sindical de CCOO-CTAG e a Agrupación de Servizos Técnicos de CCOO Galicia, queremos agradecer a todo o persoal polo seu apoio nestas eleccións, así como expresar a enorme satisfacción e responsabilidade con que os delegados electos asumen o seu novo papel na xestión da representación sindical dentro da empresa.

  • CCOO Servizos obtén toda a representatividade nas eleccións de INDESNOR Lugo

    Onte, xoves 28 de xullo, celebráronse eleccións sindicais na
    empresa INDESNOR en Lugo pasando dunha delegada no anterior proceso electoral, a
    un comité de empresa de 5 delgadas/os nesta ocasión. CCOO Servizos obtivo os 5
    representantes que se elexían.
    A empresa galega Indesnor adícase a traballos de enxeñería con proxectos en todo o Estado empregando a máis de medio cento de persoas sobre todo en Lugo capital.
    A Agrupación de Servizos Técnicos de CCOO  agradece a todo o persoal o seu apoio nestas
    eleccións. Os delegados e delgadas de CCOO taballarán sen descanso na
    melloras das condicións laborais de todos e todas.

  • CCOO e CTAG-IDIADA pactan melloras sobre o Convenio Estatal de Enxeñarías

    CCOO e CTAG-IDIADA
    asinaron acordo de melloras sobre o convenio estatal de Enxeñarías
    e Oficinas Técnicas o pasado venres 19 de Maio de 2017. Este feito
    supón un fito histórico a nivel sindical no quince anos de
    existencia da empresa.

    CCOO implicouse
    activamente neste proceso de negociación. A representación legal
    dos traballadores/as de CTAG-IDIADA (Roberto Pousada) recibiu o apoio
    e asesoramento directo de Celso Carneiro, Secretario Xeral da
    Federación de Industria de CCOO-Vigo; Pedro Comesaña, responsable
    de política industrial de CCOO Galicia; David Casal, responsable de
    Enxeñarías de CCOO Galicia e os servizos xurídicos de CCOO a nivel
    estatal. Traballando conxuntamente entre diferentes sectores
    fronteirizos (Industria e Enxeñaría), conseguiuse liquidar mediante
    acordo un conflito que se evidenciou durante os últimos 4 meses e
    que se viña arrastrado en silencio durante varios anos pola
    conxelación continuada de condicións.

    CCOO foi capaz de
    canalizar dunha maneira correcta e controlada as demandas dos
    traballadores/as de CTAG-IDIADA e conseguiu mediar coa dirección do
    centro para chegar a un acordo sen necesidade de que ninguén teña
    que perder nin un día de salario. Segue

    O acordo baséase en 6 puntos fundamentais: política de contratación,
    retribución, plus de actividade, plus de turnicidad, clasificación
    profesional e retribución variable.

    Cabe destacar que
    grazas a estes puntos garántense subidas salariais sobre o convenio
    estatal de Enxeñarías e Oficinas técnicas de: polo menos 1000 eur para 2017 e 1,5% para 2018, con carácter consolidado e non
    absorbible    ; así como un escalado salarial de entrada para os
    técnicos en FP que asinen o seu primeiro contrato coa empresa
    (colectivo máis desprotexido), o que supón unha mellora nas
    condicións salariais de entrada de ata un 21% (para FPs en prácticas
    de primeiro ano) e unha evolución salarial para chegar a subir polo
    menos 25% nos primeiros 3 anos de contrato.

    Tamén se incorpora
    unha paga variable en función de beneficios que pode chegar ao
    4 %    .

    Con respecto a
    categorías profesionais conseguiuse eliminar a contratación por
    niveis 8 e 9 de convenio (axudante e auxiliar técnico)    , niveis nos
    que varios compañeiros levaban estancados toda a súa carreira
    profesional. 

    Á parte conséguese
    pactar a conversión a indefinidos de polo menos o 23% do persoal
    eventual     a inicios de 2017 e limitar as bolsas a 6 meses en lugar de
    12. 

    Este acordo é de
    aplicación aos 40 traballadores/as de CTAG-IDIADA, sociedade
    limitada creada ao 50% entre CTAG (Galicia) e APPLUS IDIADA
    (Tarragona) para deseño e execución de ensaios de homologación de
    sistemas de seguridade para automoción. Na data actual, CTAG,
    empresa con máis de 500 traballadores/as, atópase tamén negociando
    un pacto de mellora sobre convenio colectivo de Enxeñarías. En
    leste proceso CCOO ten representación na mesa de negociación e no
    comité de empresa.

    A sección sindical
    CCOO-CTAG valora como moi positivo este acordo, no que as condicións
    dos traballadores/as experimentan unha forte mellora e establécese
    un marco para a negociación colectiva futura tanto en CTAG-IDIADA
    como en CTAG.