My New Site

Categoría: Enxenerías Inspección Técnica

  • Concentracións diante do Parlamento de Galicia en contra do ERE no Grupo Tragsa

    CCOO, UGT e CSIF convocan as concentracións os días 25 de novembro de 2
    de decembro ás 12:00 horas diante do Parlamento de Galicia

    O 14 de outubro de 2015, a Sala do Social do Tribunal Supremo declarou
    axustado a dereito o ERE presentado polo Grupo Tragsa en contra do
    sentenciado pola Audiencia Nacional, que o declarara nulo por tres
    causas diferentes, permitindo así que a compañía poida despedir ata 1336
    compañeiras e compañeiros (117 en Galicia).
     
    Porén, o Grupo
    Tragsa ten actualmente reservas voluntarias por valor de 261 millóns de
    euros, que son beneficios de exercicios anteriores (tras a repartición
    de dividendos) conseguidos co traballo de todas e todos.
     
    Ademais do anterior, queremos destacar:
     
    1. A
    empresa segue aboándolles aos seus directivos e mandos intermedios unha
    paga por obxectivos denominada «dirección por obxectivos» (DPO). Chama
    poderosamente a atención que a empresa siga aboando esta DPO por
    obxectivos acadados durante os pasados e actual exercicio, presentando
    perdas durante o anos 2013 e 2014 e cunha previsión de perdas ata o
    2018.
     
    2. Actualmente, séguese a contratar persoal eventual en
    todas as oficinas da empresa no estado, mostra evidente do crecemento da
    carteira de pedidos da compañía. Dende o comezo do período de execución
    do PDC ata a actualidade, os contratos temporais asinados no grupo
    superan os 1336 despedimentos que agora poden executar.
     
    3. Todas
    as Administracións públicas (central, autonómica e local) débenlle ao
    Grupo Tragsa case 461 millóns de euros. A débeda pendente é sete veces
    superior á previsión de perdas acumuladas entre 2014 e 2019 e supera o
    75 % da produción do Grupo de todo o exercicio 2014 (619 millóns ?).
    Este dato, xunto co das reservas voluntarias, evidencian aínda máis a
    viabilidade do Grupo e deixa patente a corresponsabilidade das
    diferentes Administracións públicas coa empresa.
     
    A problemática
    actual da compañía é a mesma que no 2013: a empresa non adaptou o seu
    organigrama á actual realidade produtiva da compañía e os movementos que
    se produciron nel no se reflectiron nas contas analíticas, xa que non
    se adaptou ás retribucións destes movementos funcionais. Iso provocou
    que os gastos de persoal non se reduciran na mesma proporción que a
    redución de produción que se ven producindo dende o 2009.
     
     
     
    Tendo
    en conta que a titularidade do Grupo Tragsa é cen por cento pública,
    que a Administración pública son os nosos únicos clientes e que a Xunta
    de Galicia, ademais de accionista e copropietaria, é a segunda
    Administración autonómica con máis peso na cifra de negocio do Grupo
    Tragsa, CCOO, UGT e CSIF convocamos para as 12:00 dos días 25 de
    novembro e 2 de decembro concentracións diante do Parlamento de Galicia
    en contra do ERE no Grupo Tragsa.

  • A maioría dos grupos parlamentarios galegos comprometeuse con CCOO a adoptar iniciativas contra o ERE do Grupo Tragsa

    A maioría dos grupos políticos con representación no Parlamento de
    Galicia comprometeuse con Comisións Obreiras a adoptar medidas para
    rexeitar o expediente de regulación de emprego (ERE) no Grupo Tragsa.
    Esas medidas consistirán en proposicións non de lei e preguntas
    parlamentarias coas que se intentará que o Goberno galego adopte unha
    posición contraria ao ERE e en defensa do emprego neste grupo
    empresarial. Cómpre lembrar que a Xunta é a segunda maior clienta de
    Tragsa na comunidade autónoma e asemade ten a condición de accionista,
    polo tanto, é copropietaria da compañía.

    Estes compromisos chegan após as reunións que na
    última semana mantivo a sección sindical de CCOO en Tragsatec -unha das
    empresas do Grupo Tragsa- cos grupos parlamentarios. O sindicato pediu
    as reunións tras a sentenza emitida polo Tribunal Supremo o pasado 14 de
    outubro en que declaraba «axustado a dereito» o procedemento de
    despedimento colectivo. A decisión do Supremo pode supor a destrución de
    1.336 empregos en toda España, dos que 117 serían no Grupo Tragsa en
    Galicia. De se produciren estes despedimentos, as encomendas da Xunta a
    esta empresa poden verse afectadas, pois actualmente todo o personal ten
    carga de traballo.

    Nestas xuntanzas, CCOO defendeu que o ERE non
    é necesario, porque Tragsatec ten actualmente unhas reservas
    voluntarias de 143 millóns de euros, ás que habería que sumar 118
    millóns de Tragsa. Esta cifra, segundo o sindicato, «son beneficios de
    exercicios anteriores ?tras a repartición de dividendos? conseguidos co
    traballo de todas e todos». Segundo Comisións, abondaría con dedicar o
    19 % das devanditas reservas ?24,6 % se se incluír todo o grupo? para
    cubrir a previsión de perdas acumuladas para o quinquenio 2014-2019
    ?27,3 millóns en Tragsatec ou 64,3 millóns no Grupo Tragsa.

    Por
    outra banda, o conxunto de Administracións públicas débelle ao Grupo
    Tragsa case 461 millóns, cifra que multiplica por sete a previsión de
    perdas e que representa, tamén, máis do 75 % da produción do grupo de
    todo o exercicio 2014 (619 millóns).

    CCOO critica que, durante
    todo este tempo, a empresa lles seguiu pagando ás persoas con
    responsabilidades directivas e tamén aos mandos intermedios a chamada
    dirección por obxectivos. O sindicato denuncia que se procedese ao
    pagamento deste «premio» ao tempo que o Grupo Tragsa presentaba perdas
    exercicio tras exercicio.

    Por outra parte, a sección sindical de
    CCOO explicoulles aos grupos parlamentarios que o grupo conta con
    suficiente carga de traballo, como demostra que se segue a contratar
    persoal eventual en todas as oficinas da empresa no estado. «É unha
    proba evidente do crecemento da carteira de pedidos da compañía»,
    insístese desde Comisións. A modo de exemplo, de executarse o
    despediemnto colectivo, 14 traballadoras e traballadores de Tragsatec
    Galicia poderían perder o seu emprego. Porén, xa só durante os meses de
    setembro e outubro deste ano foron contratadas 17 persoas para a
    provincia da Coruña, coa previsión de formalizar entre 10 e 15 novas
    contratacións de aquí a final de ano.

    Para CCOO, a problemática
    principal da compañía segue a ser hoxe a mesma que no 2013: a empresa
    non adaptou o seu organigrama estatal á actual realidade produtiva da
    compañía, ao tempo que os movementos que se produciron no organigrama
    non se viron reflectidos nas contas analíticas. Iso provocou que os
    gastos de persoal non baixasen na mesma proporción que a redución de
    produción que se ven dando desde o 2009. Este argumento está «amplamente
    desenvolvido» no relatorio que a sección sindical de Comisións en
    Tragsatec presentou perante a Inspección de Traballo.