My New Site

Categoría: Hostalaría

  • CCOO Servizos rexeita a liberalización de horarios comerciais e acolle positivamente a sentenza do TSXG

    A Federación de Servizos de CCOO de Galicia (CCOO-Servizos) rexeita
    a liberalización de horarios comerciais porque só beneficia as
    grandes superficies e prexudica o pequeno comercio. Neste sentido, o
    sindicato acolle positivamente a recente sentenza do Tribunal
    Superior de Xustiza de Galicia (TSXG) que rexeita o recurso da
    patronal ANGED contra a decisión do Concello da Coruña de
    restrinxir a apertura en domingos e festivos. Así mesmo, CCOO
    rexeita as tentativas de aprobar en Vigo a dita flexibilidade. Continúa

    A
    pretensión de ANGED baséase nunha norma estatal que flexibiliza os
    requisitos de apertura nas zonas consideradas de «especial afluencia
    turística». Co precedente da Coruña e tamén coa situación creada
    en Vigo, onde a Xunta solicitoulle ao Concello a determinación da
    zona de afluencia turística, o sindicato insiste en rexeitar estas
    iniciativas.

    As
    aperturas en domingos e festivos están restrinxidas, como regra
    xeral, a dez ao ano. CCOO sinala que esta posibilidade non se
    traduciu por agora na creación de emprego, senón que se deteriorou
    o existente, obrigando o persoal a prolongar a súa xornada laboral.
    Isto prodúcese, ademais, «sen contraprestación de ningún tipo e á
    custa de dificultar a conciliación da vida persoal, familiar e
    laboral», censura Isabel Castaño, secretaria de Acción Sindical de
    CCOO-Servizos.

    CCOO
    considera que a apertura de máis domingos e festivos non é unha
    demanda da cidadanía, senón das grandes cadeas de distribución -representadas por ANGED-. Neste senso, Castaño lembra que xa
    existe unha lei de horarios comerciais que lles permite a
    liberalización de horarios aos establecementos cunha superficie de
    ata 300 metros cadrados.

    Desde
    a Federación de Servizos de CCOO de Galicia sosteñen que a
    liberalización de horarios carrexaría a morte do pequeno comercio,
    «coa consecuente destrución de emprego estable e con dereitos», a
    cambio de mudar e modificar as condicións laborais e «precarizar,
    aínda máis o emprego nas grandes superficies».

    CCOO,
    como sindicato máis representativo do sector, reuniuse coa
    concelleira de Igualdade, Desenvolvemento Económico, Emprego,
    Comercio e Turismo do Concello de Santiago, Marta Lois, e co
    concelleiro de Emprego e Economía Social do Concello da Coruña,
    Alberto Lema. Ambos os edís manifestáronlle ao sindicato o total
    rexeitamento dos seus respectivos grupos de goberno á posibilidade
    de ampliar os horarios de apertura comercial.

    Por
    último, CCOO sinala que a Federación Galega de Comercio (FEGA),
    máxima entidade representativa do pequeno e mediano comercio -200
    asociacións de comerciantes e máis de 70.000 comercios integrados-,
    elaborou tamén un informe en que se rexeita a ampliación dos
    horarios de apertura.

    +
    Para máis información:

    • Isabel
      Castaño, secretaria de Acción Sindical de CCOO-Servizos: 626 100
      310

  • Fórmanse as plataformas de Negociación Colectiva de Comercio e Hostalaría de Pontevedra

    Os días 1 e 2 de febreiro celebráronse reunións cos delegados e delegadas para confeccionar as plataformas de negociación dos convenios de comercio e hostalaría que teñen que iniciar a negociación neste ano 2016.
    Nestas reunións acordamos as plataformas de negociación coa participación activa e directa dos delegados e delegadas de CCOO, as cales serán trasladadas en breve ás diferentes patronais para comezar canto antes coa negociación que, a pesar da recuperación económica, cremos que será difícil. Queremos subliñar que a pesar das dificultades poñeremos todo da nosa parte para lograr mellorar as condicións de traballo dun colectivo moi importante e cada vez maior. Para iso a nosa formulación nas mesas de negociación basearase tanto na mellora das condicións económicas, como nas de calidade de vida.
    Os convenios que temos que negociar este ano son os de Comercio de Alimentación, Comercio do Téxtil Detallista, Comercio de Materiais de Construción, Hostalería, Comercio do Moble, Comercio de Bazares e Comercio do Metal, este último finalizado o pasado ano 2015 e sen mesa constituída.
    Ademais destes convenios temos pendente de anos anteriores a negociación dos de Comercio de bazares e artigos de agasallo, Comercio da pel, Comercio téxtil almacenista, Comercio da froita, Exportadores de peixe fresco e Oficinas e despachos, todos eles con grandes dificultades por carecer de patronal nalgúns casos ou por falta de representación sindical noutros.
    Nestes momentos xa temos data fixada para iniciar a negociación do convenio de Comercio de materiais de construción, que será o vindeiro martes día 9 de febreiro.

  • Período de consultas finalizado para o ERTE de Eurostars Gran Hotel La Toja

    No día de onte pechouse o período de consultas de negociación do ERTE proposto
    pola empresa ARCATIS, S.L.U. para o Eurostars Gran Hotel La Toja. 

    Finalmente no período de negociación acordouse modificar as condicións expostas
    de inicio pola dirección da empresa e o acordo rematou cunha redución de
    xornada durante a tempada baixa, mantendo a xornada completa na
    alta (do 15 de maio o 15 de outubro). 

    Este acordo terá unha duración dun ano e afectará á totalidade do persoal
    que  verá reducida a súa xornada no 50%
    (20 horas semanais) durante o período acordado, de febreiro ó 15 de maio e do
    15 de outubro ó 31 de decembro. A pretensión é que esta redución sexa menor no
    caso de que a ocupación do hotel faga necesaria unha maior presenza de persoal e non suporá ningunha merma nas condicións económicas. 

    A
    representación de CCOO, a pesar das dúbidas que temos sobre as
    intencións
    que poida ter a dirección con respecto ó futuro deste emblemático
    hotel,
    decidimos asinar este acordo tendo en conta que a asemblea de
    traballadores e traballadoras
    maioritariamente manifestou aceptar as condición do mesmo    . Dende o
    principio da negociación a presión exercida polos representantes de
    CCOO conseguiu que a direción da empresa mudara a súa proposta inicial e
    reducir as consecuencias negativas que este tipo de medidas teñen para
    as persoas traballadoras.

  • Excelentes resultados electorais de CC.OO. en Comercio e Hostalaría na comarca de Santiago

    A continuación detallamos os resultados electorais obtidos na segunda metade de 2015, nos sectores de Comercio e Hostalaría:

    CCOO

    UGT

    CIG

    DISTRIBUCIONES
    CAMBA:

    2

    1

    WURTH
    ESPAÑA:

    2

    3

    LIDL
    SUPERMERCADOS S.A.U:

    3

    3

    3

    HOTEL
    UNIVERSAL:

    1

    CUEROS
    NOROESTE:

    1

    MAQUINARÍA
    AGRÍCOLA DEL NOROESTE:

    1

    GALEÓN
    TOURAL:

    1

    COMPAÑÍA
    GALLEGA DE SUPERMERCADOS:

    1

    SPORT
    ZONE:

    1

    RESTAURANTE
    CASA LORENZO:

    1

    HIPERXEL:

    1

    RESTAURANTE
    LOS ROBLES:

    1

    HIJOS
    DE C.V OTERO:

    2

    1

    En marzo celebraranse eleccións sindicais nun importante proceso de comité, na empresa ECOMÁS (GADIS), de cuxos resultados informaremos oportunamente.
    Dende
    CCOO queremos agradecer ás traballadoras/es a
    confianza depositada na nosa organización.

  • Un ERTE pechará o Gran Hotel da Toxa durante seis meses

    Os membros do comité
    de empresa do Gran Hotel da Toxa recibiron a semana pasada a
    documentación que acredita a intención da dirección de impulsar un
    Expediente de Regulación Temporal de Emprego (ERTE), que afecta a 75
    membros da plantilla, e que pechará o único hotel-balneario de
    cinco estrelas de Galicia entre o 1 de febreiro e o 15 de maio; e, de
    novo, despois do verán, do 15 de outubro ata o remate de decembro. 

    Baseándose nunhas previsións económicas que estiman perdas para
    eses seis meses, os representantes de Hotusa anuncian a súa
    intención de xestionar o establecemento como un hotel
    estacional durante este ano 2016. Está previsto que o peche se
    comunique de maneira oficial ao conxunto dos traballadores o luns.

    Os empregados non
    entenden que a nova dirección opte por unha medida tan drástica tan
    so seis meses despois de ter asumido os mandos do hotel; máis nun
    ano no que se tiña percibido un repunte na ocupación. E temen que
    nun futuro estes axustes poidan traducirse en despedimentos.