My New Site

Categoría: Nota de prensa

  • Paradores: Concentrámonos polo desbloqueo da negociación do convenio

    Despois de 4 anos de negociacións infrutuosas do Convenio e de non recoñecer o fondo existente de 1.700.000 € para a constitución do Plan de Pensións, o 29 de maio CCOO concentrámonos na sede de Paradores en Madrid para reivindicar un cambio de actitude por parte da Hoteleira Pública. Ler máis

     

     

    Cuns resultados económicos históricos da empresa pública Paradores e tras anos de negociacións sen ningún tipo de resultado, CCOO dixo "abonda xa!" e expuxo unha serie de mobilizacións co fin de forzar un cambio na actitude da empresa pública. A primeira destas accións desenvolveuse fronte á sede da compañía en Madrid, na rúa José Abascal, 2-4, o mércores 29 de maio ás 12:00 h.

    Paradores é unha hoteleira pública con centros en todas as provincias do noso país, que se concreta en 97 Paradores Nacionais e un cadro de persoal de máis de 5.300 persoas, das cales, un 60 % son mulleres.

    O convenio colectivo atópase caducado e en negociación desde hai catro anos, e o Plan de Pensións comezou a funcionar hai máis de vinte anos, pero a Empresa négase a recoñecer as achegas acumuladas, que suman 1.700.000 €. Ademais, a conflictividade está disparada, tanto colectivamente como individualmente, o que leva a xudicializar a inmensa maioría dos conflitos.

    O cadro de persoal de Paradores leva anos arrastrando unha perda de poder adquisitivo con respecto ao sector público, e en moitos casos estando por debaixo dos convenios provinciais de Hostalería. Persoal que ve como a Empresa saca peito dos seus resultados económicos e de actividade, mentres que nunca é bo momento para abordar de forma seria os seus problemas. Isto provoca unha fuga de talento que pon en perigo a viabilidade e o futuro da empresa. CCOO reivindicamos a Paradores como unha empresa pública, cuns valores máis alá dos propiamente económicos (o cal é moi positivo) que contribúen a un desenvolvemento social e sostible das zonas onde se atopan situados, e que serven como motor turístico e económico, ademais de protexer e manter un patrimonio de gran valor histórico-artístico.

  • Denunciamos a parálise dos convenios do sector dos servizos en Lugo

    Este mércores denunciamos o bloqueo que padecen os convenios colectivos da provincia de Lugo no ámbito desta federación e pedimos a intervención do Consello Galego de Relacións Laborais. Así o explicamos nunha conferencia de prensa na que interviñeron a secretaria xeral de CCOO-Servizos, Lucía Trenor, o secretario de Acción Sindical, Juan Zas, e o secretario xeral de CCOO de Lugo, Manuel Quiñoá. Ler máis.

     

          

    É inaceptable que as diferentes patronais manteñan bloqueados os convenios, situación que se arrastra desde o ano 2010. Nin se actualizaron os salarios, nin os beneficios sociais que xa incorporan os convenios doutras provincias, tales como licenzas, descansos ou reducións de xornadas.

    A única mellora foi grazas aos incrementos do salario mínimo, suba na que CCOO tivemos un papel fundamenta como primeira organización sindical do Estado. O desleixo por parte das empresas e das Administracións non fai máis que incrementar a desigualdade e a precariedade das traballadoras e traballadores de Lugo e fomentar a saída de persoal para traballar noutras provincias.

    Para reverter a situación, CCOO deu un primeiro paso convocando as patronais de forma inmediata mediante unha solicitude a través do Consello Galego de Relacións Laborais, para estudar a posibilidade de abrir unha mesa de negociación dun convenio de comercio vario.

    En prensa:

    Xornal de Lugo

    GaliciaPress

    Lugo Xornal

     

  • Abanca: 31M folga en Galicia

    Recibida a proposta da empresa para a reunión deste martes 28 de maio, na que unicamente se avanzou en materia de horarios, seguen sen atender as reivindicacións económicas demandadas co fin de recuperar o poder adquisitivo perdido. A inmobilidade da dirección impide avanzar para chegar a un acordo que sexa xusto para todo o cadro de persoal de ABANCA.

    É necesario que o cadro de persoal manifeste o seu desacordo e lle demostre á dirección que non se nos pode mercar con medidas unilaterais, que lonxe de supoñer melloras reais, intentan xustificar que resolveron as nosas demandas:

    • Establecer un Plus do 3% sobre o convenio do 2024 non é recuperar significativamente a perda de poder adquisitivo desde o 2014.
    • Subir unilateralmente o SRV de maneira aleatoria segundo o posto, é dividir e enfrontar, non mellorar.
    • Fixar unilateralmente unha carreira profesional sen un marco ou regulación, é abrir a porta á dedocracia non á meritocracia.
    • Establecer un horario flexible sen voluntariedade, limitación e ningunha compensación para todos, é volver a dividir e enfrontar, non é conciliar nin mellorar o clima laboral.
    • As propostas da empresa para ABANCA Conecta non solucionan o problema da unidade.

    Probablemente nos presionarán para non participar na convocatoria do 31 de Maio, incluso poden chegar á ameaza para evitar a participación, pero é hora de que saiban que non imos ceder ata conseguir un acordo xusto para un cadro de persoal farto de non poder conciliar e de sufrir unha presión comercial desmedida.

    CCOO, como continuación das concentracións de delegadas e delegados levadas a cabo nas oficinas da Coruña e Madrid, apela á unidade de todos/as os compañeiros e compañeiras de ABANCA para que a convocatoria do día 31 de Maio en Galicia sexa un éxito, sen siglas e cunha única petición:

    Por último, lamentamos que a data fixada para o 31 de Maio non se nos consultara previamente, para que todo o cadro de persoal de fóra de Galicia tamén poida exercer o seu dereito a participar. Pedir unidade (solicitada por todos e todas os compañeiros e compañeiras) e facer todo o contrario non é serio. Este comunicado enviámolo desde CCOO pero temos claro que non nos pertence, obedece a un sentimento que comparte todo o cadro de persoal.

    MELLORAS LABORAIS REAIS!!!   ESIXIMOS Á DIRECCIÓN QUE O MARTES CAMBIE A SÚA POSICIÓN

  • O bloqueo nos convenios do sector servizos en Lugo desencadea unha situación crítica de desigualdade e precariedade laboral

    A situación das persoas traballadoras do sector servizos en Lugo chegou a un punto moi grave. É inaceptable que as diferentes patronais do sector manteñan unha situación de bloqueo sobre varios convenios colectivos sen actualizar desde hai máis dunha década, o que está a causar serias consecuencias económicas e sociais para as persoas empregadas desta provincia.

    Por que é tan importante abordar este problema de inmediato?:

     

    O Bloqueo dos Convenios: Unha Década de Estancamento

    Os convenios colectivos son acordos entre empregadores e sindicatos que establecen as condicións de traballo, incluíndo salarios, horarios, descansos e beneficios sociais. En Lugo, varios destes convenios levan anos sen actualizarse:

    – Comercio Pel e Calzado**: Última actualización en 2010.

    – Comercio Moble e Decoración**: Última actualización en 2011.

    – Oficinas e Despachos**: Última actualización en 2011.

    – Comercio Textil**: Última actualización en 2015.

    – Comercio Materiais de Construción**: Última actualización en 2018.

     

    Consecuencias para as Persoas Traballadoras

    Este estancamento provoca que as persoas traballadoras non reciban incrementos salariais adecuados, salvo os aumentos derivados do Salario Mínimo Interprofesional, e carezan de beneficios sociais que xa están presentes noutras provincias galegas, como licenzas, descansos e reducións de xornada.

    Pero a falta de actualización dos convenios non só afecta os ingresos das persoas traballadoras, senón tamén a súa calidade de vida. Sen beneficios sociais actualizados, as persoas empregadas de Lugo enfróntanse a maiores niveis de precariedade e desigualdade en comparación cos seus homólogos noutras partes de Galicia. Esta situación está a fomentar a fuga de traballadoras e traballadores cara a provincias onde as condicións laborais son máis favorables, o que á súa vez contribúe á degradación da vida social en Lugo.

     

    A Resposta de CCOO

    Esta situación chegou a un líminte inaceptable. Estamos a liderar a loita para resolver esta situación. CCOO convocamos ás patronais de forma inmediata mediante unha solicitude ao Consello Galego de Relacións Laborais. Tamén instamos á Confederación de Empresarios de Lugo, á Federación Galega de Comercio e ás administracións públicas a involucrarse activamente na solución deste problema.

     

    Necesidade de Acción

    Pero tamén queremos deixar claro que A Confederación de Empresarios de Lugo, a Federación Galega de Comercio e as Administracións Públicas, teñen que dar un paso adiante e ser partícipes na solución desta situación anómala, inxustificable e negativa para as persoas traballadoras.

    Só así se poderá garantir que as persoas traballadoras do sector servizos en Lugo teñan condicións laborais dignas e comparables ás doutros lugares.

     

    carta CSRLCarta Confederación

  • CCOO se concentra en la sede de Paradores por el desbloqueo de la negociación del Convenio Colectivo

    Después de 4 años de negociaciones infructuosas del Convenio y de no reconocer el fondo existente de 1.700.000 € para la constitución del Plan de Pensiones, el 29 de mayo CCOO se concentra en la sede de Paradores en Madrid para reivindicar un cambio de actitud por parte de la Hotelera Pública.

    .{video}

    Con unos resultados económicos históricos de la empresa pública Paradores y tras años de negociaciones sin ningún tipo de resultado, CCOO ha dicho "¡basta!" y ha planteado una serie de movilizaciones con el fin de forzar un cambio en la actitud de la empresa pública. La primera de estas acciones se ha desarrollado frente a la sede central de la compañía en Madrid (José Abascal, 2-4) el miércoles 29 de mayo. Paradores es una hotelera pública con centros en todas las provincias de nuestro país, que se concreta en 97 Paradores Nacionales y una plantilla de más de 5.300 personas, de las cuales, un 60% son mujeres.

    El convenio colectivo se encuentra caducado y en negociación desde hace cuatro años, y el Plan de Pensiones empezó a fraguarse hace más de veinte años, pero la Empresa se niega a reconocer las aportaciones acumuladas, que suman 1.700.000 €. Además, la conflictividad está disparada, tanto colectiva como individualmente, lo que lleva a judicializar la inmensa mayoría de los conflictos.

    La plantilla de Paradores lleva años arrastrando una pérdida de poder adquisitivo con respecto al sector público, y en muchos casos estando por debajo de los convenios provinciales de Hostelería. Personal que ve como la Empresa saca pecho de sus resultados económicos y de actividad, mientras que nunca es buen momento para abordar de forma seria sus problemas. Esto provoca una fuga de talento que pone en peligro la viabilidad y el futuro de la empresa. CCOO reivindica a Paradores como una empresa pública, con unos valores más allá de los propiamente económicos (lo cual es muy positivo) que contribuyen a un desarrollo social y sostenible de las zonas donde se encuentran ubicados, y que sirven como motor turístico y económico, además de proteger y mantener un patrimonio de gran valor histórico-artístico.