My New Site

Categoría: Sector Financeiro

  • Concentración na Coruña contra os despedimentos no Banco Caixa Geral

    Comisións Obreiras (CCOO) participou na concentración deste martes na Coruña para rexeitar os despedimentos no Banco Caixa Geral. A protesta tivo lugar desde as 11:30 horas diante da oficina principal de Abanca, na coruñesa rúa Nova, xa que esta entidade é a propietaria do banco.

    Segundo CCOO, desde que Abanca se fixo coa filial española da entidade portuguesa Banco Caixa Geral, comezou cunha serie de despedimentos por causas presuntamente obxectivas (baixo rendemento e causas organizativas), aboando ademais a indemnización mínima que prevé a normativa laboral (vinte días por ano, cun máximo de doce mensualidades).

    A escasos días de comezaren os despedimentos, as seccións sindicais recibiran unha comunicación formal na que se indicaba que non se tomara "decisión ningunha" en relación con posibles medidas no ámbito laboral para acometer a integración das dúas entidades.

    A Federación de Servizos de CCOO esixe a "readmisión inmediata" das persoas despedidas, así como unha negociación sobre o emprego nos servizos centrais do Banco Caixa Geral.

  • ERE Banco Santander: Cando a muller perde o perfil

    CCOO interviu na pasada comisión de seguimento do ERE (17/9), para advertir a Banco Santander que estaríamos moi vixiantes naqueles aspectos relacionados coa desvinculación do Banco das mulleres, e especialmente aquelas acollidas a redución de xornada.

    Con este tipo de condutas, Banco Santander reforza o machismo social invitando ás mulleres a unha volta non desexada ao traballo doméstico, abandoando a actividade retribuída. Así non se contribúe a formentar a igualdade senón que se amplían as fendas existentes, contribuíndo á discriminación da muller.

    Non esquezamos que ata o 15 de novembro atopámonos no período de adscrición voluntaria na rede comercial, polo que castigar ao colectivo de persoas con redución de xornada, cando é unha evidencia que hai unha gran demanda de persoas que queren desvincularse e que aínda permanecen sen resposta, é cando menos, o máis alonxado dun Banco sinxelo, persoal e xusto que vai presumindo de igualitario aló a onde vai.

    Se te atopas nalgunha situación coma esta, contacta coas túas delegadas ou delegados de CCOO

  • Calendario e normas III Plenario Sección Sindical CCOO CAIXABANK Galicia

    Por acordo das Comisións Executivas da Sección Sindical Estatal de Caixabank e da Agrupación Estatal do Sector Financeiro aprobáronse as normas reguladoras do III Plenario da Sección Sindical Estatal de Caixabank, cuxa celebración terá lugar en Barcelona os días 27 e 28 de novembro de 2019, e que están dispoñibles na ligazón indicada máis abaixo. Ler máis

    Corresponde á Federación de Servizos de Galicia o desenvolvemento das normas estatais no referente á celebración do Plenario desta Comunidade. Coa aprobación destas normas queda convocado o III Plenario da Sección Sindical de CCOO en CAIXABANK GALICIA que se celebrará o próximo 30 de outubro de 2019 en Santiago de Compostela.

    Obxectivos:

    • Potenciar a participación da afiliación no proceso.
    • Debater e presentar as emendas, se se estima dos documentos do Plenario Estatal.
    • Elección da delegación de Galicia ao III Plenario Estatal.
    • Elección da Comisión Executiva da Sección Sindical Caixabank de Galicia.
    • Elección do/a Secretario/a Xeneral da Sección Sindical Caixabank de Galicia

     

    Calendario:

    13.09.19

    Data límite para o envío da convocatoria, Normas do plenario e documentos a debateao conxunto da afiliación

    Do 16 ao 24 09.19

    Posta a disposición polas federacións territoriais dos censos  electorais para a revisión da inclusión individual pola afiliación e período de reclamacións aos mesmos (4 + 4 días laborables)

    30.10.19

    III Plenario da Sección Sindical de Caixabank de Galicia.
    15.11.19

    Data límite para o envío da acta do Plenario de Galicia ás secretarías de organización da Sección Sindical Estatal de Caixabank e da Federación de Servizos de CCOO de Galicia.
    27 e 28  11.19

    Plenario da Sección Sindical Estatal de CAIXABANK

     

    Plenario de Galicia

    • Asistencia ao Plenario de Galicia.

    O Plenario estará integrado por todas as persoas afiliadas ao corrente de pago de cotas a data de convocatoria, que asistan ao mesmo e que será convocada directamente pola Federación de Servizos de CCOO de Galicia, por medios telemáticos.

    Neste plenario de afiliadas e afiliados, discutiranse os relatorios/documentos estatais que se fará chegar xunto coa convocatoria á afiliación.

     

    • Normas Do Plenario

    O Plenario comezará ás 17:30 horas do 30 de outubro de 2019 na sede do Sindicato Nacional de CCOO en Santiago de Compostela.

    A mesa ou presidencia do Plenario estará composta por tres persoas: dúas persoas elixidas entre a afiliación presente ao Plenario de Galicia e unha persoa en representación da Federación de Servizos de Galicia. A Mesa elixirá os seus membros a unha Presidenta ou un Presidente, que dirixirá os debates do Plenario, garantindo o cumprimento da orde do día e unha Secretaria ou Secretario que tomará nota de canto suceda no Plenario. Conxuntamente, levantarán acta dos acordos adoptados e os órganos elixidos, da que enviarán copia ás organizacións de ámbito superior.

    A Mesa asumirá as funcións da comisión de credenciais e a comisión de candidaturas.

    Funcións:

    – Abrir o Plenario e presentar a súa orde do día.

    – Elixir, de entre os/os membros, ao Presidente/a, Secretario/a de Actas e Secretario/a que se responsabilice do reconto das votacións.

    – Presidir o Plenario, ordenar e dirixir os debates concedendo.

    – Establecer o tempo para as intervencións podendo modificar os horarios e/ou a orde do día, se fose necesario, de acordo co Plenario.

    – Propor as votacións necesarias

    – Vixiar o cumprimento das Normas e interpretalas en caso de dúbidas ou inconcreccións.

    – As súas decisións serán aprobadas por maioría simple das persoas membros.

     

    As listaxes de candidaturas que se presenten deberán estar avaladas, como mínimo, polo 10% das persoas afiliadas presentes no Plenario.

    Cada persoa afiliada asistente ao plenario non poderá avalar máis dunha candidatura.

    O Plenario discutirá as emendas presentadas pola afiliación. As mesmas serán consideradas maioritarias e minoritarias en función do número de votos que obteñan (10% como mínimo para pasar ao Plenario Estatal).

    O Plenario elixirá Secretaria /ou Xeral e a Executiva da Sección Sindical de Galicia.

    O Plenario elixirá ás 4 persoas que asistirán ao Plenario da Sección Sindical Estatal.

    A composición das candidaturas, delegacións e órganos debe respectar a proporcionalidade de xénero, seguindo os Estatutos Federais e Confederais.

    A presentación e votacións de candidatura ou candidaturas rexeranse polas normas congresuais do sindicato.

    As votacións para a elección dos órganos realizaranse mediante votación secreta. En caso de presentarse máis dunha candidatura, cada unha destas poderá nomear un/a interventor/a para que estea presente no acto de escrutinio.

     

    Proposta de orde do día

    – Acreditacións

    – Inicio de Plenario e aprobación da Orde do día e Regulamento. Constitución da Mesa do Plenario.

    – Intervención da Secretaria Xeral da Federación de Servizos de Galicia

    – Presentación e debate dos documentos. Discusión das emendas. Votacións.

    – Presentación informe acreditacións. Finalización prazo presentación candidaturas.

    – Lectura e votación das resolucións se as houber.

    – Elección da Delegación no Plenario Estatal da Sección Sindical.

    – Elección Secretaría Xeral.

    – Elección da Executiva da Sección Sindical de Galicia.

    – Intervención de Secretaria/ou territorial electa/o.

    Normas del III Plenario de la Sección Sindical de Caixabank

  • A Sección Sindical de CCOO en Abanca celebra o seu II Plenario Estatal

    Hoxe venres, vinte e oito de xuño, celebrouse o plenario estatal da sección sindical de Abanca. Despois de catro anos durante os cales se resolveron conflitos tanto a través de solucións negociadas como de mobilizacións, as delegadas e delegados elixiron ás persoas que pasarán a integrar a comisión executiva da sección.

    Durante este período leváronse a cabo avances en distintas áreas que favoreceron o desempeño do traballo sindical: Ler máis

    • Colaboración recíproca coa Federación de Servizos e coa Agrupación do Sector Financeiro.

    • Mellora da comunicación interna para optimizar a xestión dos problemas e demandas do persoal

    • Incremento das visitas e o asesoramento nos centros de traballo que permitiu manter o nivel de representatividade a pesar das saídas producidas polos ERE’s.

    • Seguimento e compensación da formación obrigatoria e das promocións internas

    • Xestión da clasificación de oficinas, retribucións asociadas á mesma e reclamacións das incidencias de tipo salarial.

    • Resolución de irregularidades en materia de saúde laboral derivadas do novo modelo de oficina, reformas e traslados.

    • Seguimento continuo e denuncia ante Inspección de Traballo das deficiencias na avaliación de riscos psicosociais e aprobación dun protocolo de violencia externa.

    • Con especial intensidade tratáronse todos os asuntos derivados da área de Igualdade: flexibilidade horaria, reducións de xornada, diagnósticos semestrais, adaptación de obxectivos á xornada realizada, denuncia de brecha salarial, achegamento de traballadoras/es desprazadas/os, seguimento dos novos permisos de nacemento, etc.

    • Negociación do novo acordo de previsión social complementaria.

    • Habilitación de comedores en Barcelona, Madrid, Santiago e Vigo

    Este traballo frutificou nas pasadas eleccións do vinte e oito de novembro, nas que a Sección Sindical de Abanca revalidou a súa condición de sindicato maioritario.

    A Sección Sindical de Abanca inicia unha nova etapa con apoio unánime á súa secretaria xeral e con ánimos renovados para seguir traballando e loitando polas persoas traballadoras, asumindo os novos retos que veñen, cun equipo cada vez más forte e cohesionado.

  • CCOO vólvese a mobilizar en rexeitamento ás medidas forzosas do ERE de Caixabank

    Non basta con retirar as extincións forzosas, é necesario evitar unha purga coa mobilidade forzosa. O persoal de CaixaBank segue baixo a ameaza de mobilidades forzosas e cambios das súas condicións laborais. Por iso, o persoal de CaixaBank mobilizouse hoxe, 24 de abril, para manifestar o seu máis absoluto rexeitamento nas sedes de todas as Direccións Territoriais, e Servizos Centrais de Barcelona ás 17:00h.

    O persoal de CaixaBank segue baixo a ameaza: mobilidades forzosas, baixas indemnizacións que non garanten éxito nas adhesións e cambios das condicións laborais, como as 100 tardes para os xestores/as, apertura da tarde dos martes, etc. Ler máis

    A voluntariedad nas adhesións non evita as extincións forzosas e compromete dita voluntariedad porque sabemos que, aínda non queréndonos ir, poden aplicar unha mobilidade tamén forzosa que en caso de non aceptar acabaría en despedimento.

    A Dirección de CaixaBank debe dar un xiro máis na negociación e CCOO avanzará.

    Máis información: 

    Ricard Ruiz – Secretario Xeral CCOO CaixaBank: 699 073 329 
    Ruth Bolaños – Secretaria de Comunicación e Dinamización: 679 704 292

    Vídeo