My New Site

Categoría: Sector Financeiro

  • CCOO denuncia as dificultades para a igualdade efectiva entre homes e mulleres no sector dos servizos

    Delegadas de Comisións Obreiras denuncian as dificultades para a
    igualdade efectiva entre homes e mulleres no sector dos servizos. Nun
    encontro sectorial que o sindicato organizou o mércores na Coruña co
    gallo da folga do vindeiro día 8, representantes de CCOO en diferentes
    empresas relataron as eivas detectadas no seu día a día, tanto do punto
    de vista profesional coma sindical.

    Procedentes de empresas da telemercadotecnia, do comercio téxtil,
    comercio de alimentación, banca, hostalaría, grandes almacéns e
    consultorías, detallaron todo tipo de situacións inxustas para as
    mulleres: dependentas do comercio téxtil relegadas a zonas «pouco
    visibles» cando chegan a certa idade, pobreza salarial ?e baixas
    pensións futuras? polo abuso da contratación a xornada parcial, falta de
    medidas para aplicar a corresponsabilidade ?as mulleres son maioría á
    hora de solicitar gardas legais?, o teito de cristal en sectores como a
    banca ?as mulleres son minoría en postos de alta dirección?, o acoso
    sexual ou por razón de sexo ?especialmente na hostalaría? ou a non
    aplicación de medidas de protección á maternidade ?como postos de
    traballo non adecuados? son algunhas das situacións que denunciaron.

    A folga está «plenamente xustificada»

    Isabel
    Fernández, secretaria da Muller de CCOO-Servizos, explica que aínda
    hoxe hai moitas empresas que son «bastante reticentes» a incluír no
    articulado dos convenios colectivos un artigo que expresamente fale da
    igualdade efectiva entre mulleres e homes. O sindicato tamén detecta
    «atrancos» á hora de elaborar protocolos contra o acoso sexual ou por
    razón de sexo, ou sobre a violencia machista.

    Segundo a
    sindicalista, é «especialmente lamentable» que estas eivas se detecten
    tamén nas empresas de máis de 250 traballadores e traballadoras xa que,
    nestes casos, a lei obriga á elaboración de plans de igualdade, que son a
    «foto fixa» que permite «identificar» onde se atopan as fendas
    salariais e laborais que separan homes e mulleres.

    Por último,
    sinala que, á luz das experiencias das compañeiras que interviron no
    encontro, «está claro que aínda queda moito que facer» en materia de
    igualdade, polo que está «plenamente xustificada» a convocatoria de
    folga do próximo 8 de marzo.

  • O sector financeiro de CCOO renova órganos co reto de lograr unha solución non traumática no ERE do Pastor-Popular-Santander

    O II Plenario da agrupación do sector financeiro da Federación de Servizos de CCOO de Galicia, que tivo lugar na Coruña, reelixiu hoxe a Francisco Villares Cousillas como secretario xeral. Os delegados e delegadas tamén votaron os membros da Comisión Executiva que dirixirá os próximos catro anos esta agrupación.

    O plenario aprobou por unanimidade unha resolución na que se lle esixe ao Banco Santander unha solución non traumática para o axuste de persoal no grupo bancario. CCOO considera que isto pode conseguirse en boa medida mantendo en Galicia a marca Banco Pastor, xa que a galega é, xunto coa asturiana, case a única comunidade en que a maioría das oficinas presentan duplicidades coas marcas actuais.

    Alén desta proposta, CCOO apunta outras alternativas, como medidas de mobilidade funcional e redución «considerable» das idades de prexubilación inicialmente previstas polo banco.

    Sindicato líder no sector financeiro

    Comisións Obreiras é o sindicato líder no sector financeiro galego, cun 31 % de representación, segundo os resultados das eleccións sindicais nos sectores do aforro, banca, cooperativas de crédito e outros intermediarios financeiros.

    Malia o contexto negativo en que tivo que facer o seu traballo, CCOO logrou no último período boa parte dos obxectivos propostos. Entre outros, destaca a preservación do marco sectorial de negociación colectiva ?asináronse os convenios da banca, aforro, rurais e financeiras?, minimizando así a aplicación da reforma laboral. Tamén se gañaron as eleccións sindicais e conseguíronse acordos satisfactorios na maioría dos procesos de reestruturación das empresas do ámbito.

    Loita contra a prolongación da xornada

    A defensa do emprego e o mantemento da súa calidade tras estes procesos de axuste son prioridades de CCOO para o novo período. Neste punto, CCOO fará fincapé na loita contra a prolongación sistemática da xornada, pois dificulta a conciliación familiar e laboral ?especialmente no caso das mulleres? e deteriora a saúde das persoas.

    Resolución aprobada no II Plenario da agrupación do sector financeiro de CCOO [PDF] 

  • CCOO reitéralle ao Santander a petición dunha reunión formal sobre a adquisición do Popular

    A sección sindical de CCOO-Servizos no Banco Santander reiteroulle hoxe á entidade, como principal interlocutora, unha reunión formal para que informe sobre a adquisición do Banco Popular. O sindicato demanda «axilidade» para ter canto antes información «de primeira man» sobre este proceso, alén do que diariamente se publica nos medios de comunicación e que está a xerar «intranquilidade» nos cadros de persoal de ambas as dúas empresas. Segue

    Da Federación de Servizos de CCOO salientan que é a primeira vez que se aplica o mecanismo europeo de resolución de entidades financeiras, polo que no sindicato son «conscientes» de que os prazos poden alongarse. Con todo, as «incertezas» sobre o emprego directo e o indirecto requiren dunha resposta por parte da entidade compradora, neste caso o Banco Santander, xa que estamos a falar de case tres mil persoas en Galicia (1430 no Popular, 900 no Santander e 500 en empresas de servizos).

    A principal preocupación de CCOO son os postos de traballo. Calquera reordenación, tanto da rede de oficinas como de servizos centrais, con perda de personalidade xurídica do Banco Pastor e do Banco Popular, debe realizarse «sen medidas traumáticas e de xeito consensuado coa representación legal do persoal», insisten desde o sindicato. Como exemplo, o que se fixo no Pastor-Popular no pasado exercicio, co asinamento de acordos para a garantía do emprego e a homologación das condicións laborais.

    En segundo lugar, desde a Federación de Servizos do sindicato afirman que as garantías de emprego han estenderse ás diversas empresas en que o Popular é copartícipe.

    Outra das inquedanzas de CCOO é o restablecemento da confianza de clientes e persoal da entidade vendida. Neste sentido, o sindicato coida que o Banco Santander debe «ofrecer solucións» para os pequenos accionistas que viron desaparecer os seus investimentos ?bonos e accións? por mor da aplicación do mecanismo único de resolución.

    As persoas son o primeiro

    Desde CCOO-Servizos afirman que se o Banco Central Europeo e a Comisión Europea pretendían «transmitir tranquilidade» ao sistema financeiro español, decidindo nun tempo brevísimo a resolución do banco e evitando así un custo ás arcas públicas pola inminente creba do Popular, outro tanto debe acontecer con todas as incertezas. O sindicato pide que, unha semana despois, se despexen canto antes todas as dúbidas, especialmente as referentes aos prazos, o futuro das marcas Banco Popular e Banco Pastor e as garantías reclamadas tanto polo persoal como a clientela. «As persoas son o primeiro», enfatizan desde CCOO.

  • A Federación de Servizos de CCOO continúa a rolda cos grupos parlamentarios para tratar a situación do Banco Popular

    A Federación de Servizos de CCOO de
    Galicia continúa a rolda de conversas cos grupos parlamentarios
    galegos para abordar a problemática xurdida por mor da venda do
    Grupo Banco Popular. Tras as xuntanzas do martes con En Marea e PP,
    hoxe tivo lugar unha reunión con representantes do Grupo
    Parlamentario Socialista. Segue


    reunión PSOEreunión psoe

    A
    delegación de CCOO-Servizos estivo integrada pola secretaria xeral,
    Lucía Trenor, pola responsable da sección sindical do Banco
    Popular, Carmen Peteiro, e polo responsable do sector financeiro de
    CCOO, Francisco Villares. Os voceiros sindicais alertaron das
    «graves» repercusións sociais que para a nosa terra tería o
    desmantelamento dunha entidade financeira «netamente galega» e
    pedíronlles aos partidos políticos que se impliquen na defensa do
    emprego e das condicións laborais.

    CCOO-Servizos
    estendeu esa petición tanto aos postos de traballo directos- case
    o 12 % do persoal do Popular, unhas 1430 persoas, está en Galicia-,
    como ás empresas vinculadas -comercializadoras do parque
    inmobiliario do banco, centros de chamadas, etc.-, que suman unhas 500
    persoas.

    Reacción
    do PSdeG

    A
    delegación do Grupo Parlamentario Socialista afirmou «comprender e
    asumir» a complexidade da situación. Así mesmo, amosou a súa
    «receptividade e colaboración» tanto no eido parlamentario como no
    político-social.

    Traballo
    coordinado de CCOO

    CCOO-Servizos
    ten a representación maioritaria no ámbito estatal e autonómico
    nas empresas afectadas, isto é, tanto nos dous bancos como nas
    empresas que lles prestan servizos. Así mesmo, todas as seccións
    sindicais implicadas están a traballar coordinadamente desde que se
    coñeceu a operación de compra.

    Isto
    entra no calendario de encontros, que se estenderán á dirección do
    Banco Santander e Universal Support -centro de chamadas con máis
    de 200 persoas afectadas- tamén nesta semana.

  • A Federación de Servizos de CCOO reúnese cos grupos parlamentarios para tratar a situación do Banco Popular

    A Federación de Servizos de CCOO de Galicia está
    a manter reunións cos distintos grupos parlamentarios galegos para
    abordar a problemática xurdida por mor da venda do Grupo Banco
    Popular ao Banco Santander. Hoxe celebráronse reunións cos grupos
    políticos En Marea e Partido Popular , estando previsto para mañá,
    día 14, un encontro co PSG.

    Nas xuntanzas de hoxe, a delegación de
    CCOO-Servizos estivo integrada pola secretaria xeral, Lucía Trenor,
    a responsable da sección sindical do Banco Popular, Carmen Peteiro,
    e polo responsable do sector financeiro de CCOO, Francisco Villares. Segue


     Desde o sindicato alertaron das «graves» repercusións sociais que
    para a nosa terra tería o desmantelamento dunha entidade financeira
    «netamente galega» e pedíronlles aos partidos políticos que se
    impliquen na defensa do emprego e das condicións laborais.

    CCOO-Servizos estendeu esa petición tanto aos postos de traballo
    directos -case o 12% do persoal do Popular, unhas 1430 persoas,
    está en Galicia-, como ás empresas vinculadas  -comercializadoras
    do parque inmobiliario do banco, centros de chamadas, etc.,- que
    suman unhas 500 persoas.

    Reacción dos grupos

    O Grupo Parlamentario de En Marea coincidiu con CCOO no rexeitamento
    a posibles despedimentos e peches de oficinas, así como na defensa
    da Fundación Barrié, cuestións que levará ao debate
    parlamentario. Do Grupo Parlamentario Popular tamén amosaron
    preocupación por estes puntos e solicitarán a mediación do
    presidente da Xunta para a defensa dos dereitos laborais e dos
    intereses da cidadanía.

    Traballo coordinado de CCOO

    CCOO-Servizos ten a representación maioritaria no ámbito estatal e nas empresas afectadas, isto é, tanto nos dous bancos como nas
    empresas que lles prestan servizos. Asemade, todas as seccións
    sindicais implicadas están a traballar coordinadamente desde que se
    coñeceu a operación de compra.

    Isto entra dentro do calendario de encontros que
    se estenderán á dirección do Banco Santander e Universal Support -centro de chamadas, contact center,
    con máis de 200 persoas afectadas-, tamén nesta semana.