My New Site

Categoría: Unión Comarcal A Coruña

  • O persoal de Hotel Attica 21 en A Coruña apoia maioritariamente a candidatura de CCOO Servizos

    O pasado venres 18 o persoal de Hotel Attica 21 en A Coruña revalidou cunha alta participación a candidatura presentada por CCOO, cun
    total de tres delegadas.

    A Federación de
    Servizos de CCOO agradece aos traballadores e traballadoras desta empresa a confianza depositada no sindicato e garante redobrar o
    esforzo e manter o traballo diario.

  • CCOO Servizos obtén toda a representatividade nas eleccións de Novotec A Coruña

    O pasado 13 de abril celebráronse eleccións na empresa Novotec Consultores na Provincia de Coruña, obtendo un total de teres das tres delegadas de persoal elixibles.
    Novotec pertence ao grupo APPLUS e adícase a  desenvolver solucións integrais nas áreas de xestión de calidade e procesos, medio ambiente e sostibilidade, seguridade e saúde laboral.
    CCOO Servizos quere amosar o seu agradecemento a todas as persoas que participaron neste proceso e en especial ás que co seu voto depositaron a súa confianza en Comisións Obreiras. Grazas á confianza depositada en nós, pasamos de ter dúas delegadas de persoal no anterior proceso electoral a obter tres delegadas nestas eleccións.
    CCOO Servizos quere dar os parabéns tamén a todos os traballadores e traballadoras amosando o noso compromiso para levar a cabo o mellor traballo posible en defensa dos intereses de todo o persoal.

  • CCOO e UGT congratúlanse do «éxito» da folga e da participación «masiva» nas mobilizacións

    O Sindicato Nacional de CCOO de Galicia e UGT-Galicia congratúlanse do «éxito» da folga convocada hoxe polo sindicalismo de clase. O seguimento dos paros de dúas horas foi masivo, especialmente en grandes empresas e administracións públicas. Polo de agora, non houbo incidentes salientables nin no paro que da madrugada (entre as 00:00 e as 02:00), nin tampouco ao mediodía (das 12:00 ás 14:00). 

    Para CCOO e UGT, o «apoio maioritario» da sociedade galega a esta convocatoria é «a proba» de que as reivindicacións do sindicalismo de clase, compartidas polo movemento feminista, «son tamén maioritarias entre os galegos e as galegas»: cómpre «denunciar e desterrar» a brecha salarial, a precariedade laboral das mulleres e o acoso e a violencia de xénero.

    Sabio e Rodríguez coidan que a data de hoxe é «histórica» e marcará «un antes e un despois» na loita pola igualdade. O apoio á folga amosa «o total rexeitamento» da sociedade galega á situación que padecen as mulleres do noso país. «As reformas laborais impostas, os recortes e as medidas de austeridade non fixeron máis que incidir nas desigualdades», denuncian as dirixentes sindicais.

    Contra o «teito de cristal»

    As secretarias da Muller de CCOO e UGT denuncian a «discriminación laboral e salarial» das traballadoras galegas: a igual formación, os homes acadan maiores taxas de ocupación en todos os niveis formativos. Ademais, a brecha salarial é de 22 puntos, polo que as mulleres galegas terían que traballar 71 días máis ao ano para percibiren o mesmo salario que os homes nun ano. Tamén critican a existencia dun «teito de cristal» que é a causa de que só o 2,3 % da poboación ocupada feminina estea en postos de dirección ou xerencia.

    A «praga» da violencia machista e do acoso

    Ademais da situación laboral, as mulleres son vítimas doutra das grandes «pragas» da sociedade actual, a violencia machista. No 2017, foron asasinadas 49 mulleres e 8 nenos e nenas. O recente Pacto de Estado contra a violencia demóstrase insuficiente e case non recolle medidas de carácter laboral, que son «fundamentais» ?en opinión dos sindicatos? para que as mulleres poidan saír dunha situación de violencia de xénero.

    Rodríguez e Sabio lembran tamén a situación de acoso sexual nos centros de traballo. Aínda que a lei protexe contra estas situacións, «as denuncias son poucas polas dificultades probatorias ou polos medos a perder o emprego», lamentan.

    Galería de imaxes

  • 8M no Corte Inglés

    Con
    motivo da folga convocada para o día 8 de marzo volvemos a ver que
    Fetico e Fasga continúan facendo o mesmo papel, seguidismo da
    patronal e das empresas, tentando desprestixiar unha mobilización
    histórica e necesaria.

    Non
    imos perder nin un minuto en responder aos argumentos tan absurdos
    que utilizaron na reunión extraordinaria do Corte Inglés de Vigo,
    que se celebrou neste centro o día 22 de febreiro. Non recoñecen, e parece non preocuparlles moito, os problemas reais que sufrimos
    as mulleres, tamén nesta empresa. Imos explicarvos os motivos que
    nos levaron a convocar esta mobilización.

    As
    CCOO estivemos sempre en primeira liña na loita polos dereitos das
    mulleres e pola igualdade. Quixemos protagonizar unha mobilización
    laboral sen precedentes na historia do movemento sindical e feminista
    en España.

    Por
    que CCOO pode convocar unha folga xeral? Porque é a primeira
    organización sindical neste país e formamos parte de organizacións
    sindicais internacionais.

    Sobran
    os motivos:

    • Os
      contratos de semanas ou meses recaen maiormente nas mulleres, as
      cales están a traballar con xornadas con menos horas.
    • As
      pensións son un 37% máis baixa para as mulleres.
    • No
      2017 foron asasinas 49 mulleres e 8 nenas e nenos por violencia
      machista.
    • A
      brecha salarial segue aumentando en todos os sectores do noso país,
      en traballo de igual valor as mulleres cobran ata un 30% menos que os
      homes.
    • Os
      coidados recaen maioritariamente sobre nós, e 9 de cada 10 permisos
      ou excedencias recaen sobre as mulleres.
    • Cantas
      mulleres están a traballar nos departamentos de loxística? E na
      liña de caixas?
    • E
      cantas de directoras de centros? Teñen o mesmo porcentaxe de
      presenza na empresa?
    • Realmente
      cremos que a igualdade efectiva e real chegou por asinar un acordo ou
      non? queda moito camiño por andar.

    Por
    todo isto cremos que unha folga de 2 horas por quenda de traballo é
    a forma máis eficaz para conseguir este obxectivo. Tamén, porque é
    a menos gravosa para o conxunto das persoas traballadoras, ao supor
    un menor prexuízo económico.

    Todos
    os traballadores e traballadoras teñen dereito á folga, é un
    dereito recoñecido pola Constitución a todas as persoas
    traballadoras, e están cubertas pola convocatoria xeral. Por tanto,
    non hai que notificalo, nin preavisar a intención de secundar a
    folga. Doutra banda, a empresa tampouco debería preguntar aos seus
    traballadores e traballadoras se acudirán a traballar ou non, xa que
    podería considerarse un intento de coacción, algo perseguido pola
    lei.

    Ao
    tratarse dunha folga ou paro de 2 horas, o desconto salarial será de
    dúas horas incluíndo a parte proporcional das pagas
    extraordinarias.

  • Preparando o camiño da folga para o 8 de Marzo: Multitudinaria asemblea en A Coruña

    O salón de actos do edificio sindical da Coruña quedou pequeno para a multitudinaria asemblea organizada por Comisións Obreiras para preparar o camiño da folga do vindeiro 8 de marzo. Neste encontro coa afiliación participaron o secretario xeral confederal, Unai Sordo, e a secretaria confederal da Muller, Elena Blasco, así como representantes das direccións nacional e comarcal do sindicato. Entre o público tamén cabe destacar a presenza de dirixentes de partidos políticos de diferente cor, que seguiron con interese o desenvolvemento da asemblea.

    Para os voceiros e voceiras de CCOO, a convocatoria de folga está «máis ca xustificada». De feito, os datos do paro rexistrado, coñecidos hoxe, «reafírmannos nas razóns da convocatoria», subliñaron.

    CCOO chama a traballadoras e traballadores a secundaren a convocatoria de paros laborais de dúas horas por quenda e a participaren nos distintos actos, manifestacións e mobilizacións que se celebren con motivo do 8 de marzo, para reiterar o «compromiso activo» coa eliminación da discriminación laboral, económica e social das mulleres.

    Imaxes