My New Site

Categoría: Union Comarcal Pontevedra

  • Carta á Xunta de Galicia rexeitando a apertura de domingos e festivos no Comercio Galego

    Unha vez máis, como cada ano, desde a Xunta de Galicia e en cumprimento da lei de horarios comerciais, solicítasenos que entreguemos unha relación de dez domingos e festivos que puidesen considerarse como de posible apertura comercial.
    A apertura de domingos e festivos en comercio, permite e fomenta unha loita desigual entre as grandes superficies e o pequeno comercio de proximidade, e coa escusa do incremento de postos de traballo, precariza as condicións das traballadoras e traballadores do sector.
    A estas alturas, a experiencia xa nos indica claramente que o incremento de horas comerciais non implica un aumento substancial do emprego, senón que máis ben lévanos á precarización das condicións laborais con incrementos abusivos de xornada, con aumento do número de horarios irregulares e impedindo a conciliación da vida laboral e familiar.
    Ademais a apertura de domingos e festivos, potencia unha perniciosa identificación entre lecer e consumismo desmedido.
    A Federación de Servizos de CCOO, unha vez máis, realizou un escrito de contestación situándose contra a apertura de domingos e festivos.
    Podes velo aquí

  • Asinado acordo de mellora de condicións económicas e laborais en Stradivarius Pontevedra

    Trala negociación coa dirección da empresa tamén en Stradivarius de
    Pontevedra, igual que en outras empresas do grupo Inditex, chegamos
    a un acordo para mellorar as condicións económicas e laborais das
    traballadoras e traballadores desta empresa na provincia de
    Pontevedra. Segue

    Os
    puntos resumidos deste acordo son:

    • A
      partir do mes de setembro, un plus de 80 eur para todo o persoal
      sexa cal sexa a súa xornada. Este plus terá un incremento do 1,5%
      cada ano.

    • TRABALLO
      EN DOMINGOS E FESTIVOS : Establécense dúas opcións de
      compensación, a elección do persoal da tenda e sempre en
      proporción da xornada:

      • 160 eur sen devolución de horas.

      • 80 eur máis devolución de horas.

    • ADAPTACIÓN
      ESCOLAR por fillos ou fillas de 3 a 4 anos: 6 horas.

    • LICENZA
      RETRIBUÍDA POR ENFERMIDADE: 10h anuais para o acompañamento de
      familiares de 1º grao ao médico.

    • ACUMULACIÓN
      DE LACTACIÓN: Amplíase o período de acumulación de lactación
      nas contías seguintes dependendo da xornada:

      • 30h:
        40 días naturais

      • 40h:
        30 días naturais

    • VACACIÓNS:
      21 días garantidos a partir de rebaixas e hasta o mes de setembro.

    • AXUDAS
      SOCIAIS: 150 ? por nacemento o adopción de fillo ou filla.

    • 80 eur por cada día de ASUNTOS PROPIOS sen xustificar non desfrutado.

    • EXCEDENCIA
      VOLUNTARIA: con reserva do posto de traballo por unha duración de
      seis meses a un ano.

    • DESCANSOS
      DENTRO DA XORNADA: dous tempos de descanso para todas as quendas:

      • Xornadas
        de menos de 6h: 20 minutos de descanso

      • Xornadas
        de 6h ou máis: 30 minutos de descanso

    Desde
    CCOO facemos unha valoración positiva deste acordo que consegue
    mellorar as condicións de traballo e salariais en Stradivarius
    Pontevedra. Desde a representación de CCOO nas diferentes empresas
    do grupo Inditex seguiremos expoñendo a necesidade de que os
    traballadores e traballadoras gocen das mesmas condicións sen que a
    provincia ou a empresa na que traballen sexa un condicionante para que estas sexan diferentes.

    Para
    CCOO é un paso máis, pero temos claro que debemos seguir reivindicando a mellora das condicións laborais e así o faremos.
    A firma deste acordo non significa que todo o traballo estea feito,
    agora toca poñelo en marcha, esixir o seu cumprimento e tentar
    melloralo no futuro.

    Poñémonos
    á vosa disposición para aclarar calquera dúbida que vos xurda.

  • Concentracion fronte á central de Inditex para denunciar a situación laboral das traballadoras de LEFTIES (Inditex)

    Hoxe, 22 de xuño, ás 12:00h, realizouse unha CONCENTRACIÓN diante da sede principal de lnditex en Arteixo en protesta pola reiterada actitude de desprezo da Dirección da empresa cara aos nosos dereitos e en demanda das melloras que levamos reclamando infrutuosamente desde hai moito tempo:

    1.-A nivel ECONÓMICO:

    -Incremento na porcentaxe de comisión de todo o persoal de Lefties.

    -Incentivos equitativos cos que se cobran no resto das tendas da mesma empresa. Recordemos que LEFTIES É ZARA ESPAÑA, S.A. E NON UNHA CADEA INDEPENDENTE.

    2.-A nivel LABORAL:

    -Redución da excesiva carga de traballo mediante a oferta de horas ou ampliación de persoal.

    -Eliminación da esixencia de xustificación nas solicitudes de redución de xornada por garda legal, xa que supón unha grave intromisión na intimidade e vida persoal das traballadoras.

    Coñecemos casos de acoso e discriminación laboral que, evidentemente, crean conflitos persoais e tensións entre as traballadoras. A Dirección da empresa e Dirección de Tendas non fixeron nada efectivo até o de agora para atallar de maneira efectiva estes comportamentos. O único que se lles ocorreu foi iniciar uns ?protocolos de averiguación? de maneira unilateral, Sen Consultar nin dar participación ao Comité de Empresa, polo que se realizaron sen a transparencia necesaria. NON IMOS PERMITIR ESTE ESTILO DE DIRECCIÓN. Queremos e esiximOS que Se nos Xulgue unicamente polo noso traballo, non por outras circunstancias discriminatorias e alleas á relación labOral.

    En canto á seguridade nas tendas, parece que, despois dunha longa loita por parte do Comité, a empresa vai contratar un VIXILANTE DE SEGURIDADE para a tenda do Torreiro. Esperamos que sexa unha medida permanente e non un APAÑO TEMPORAL como noutras ocasións.

    LEFTIES, SOLUCIÓN XA!!!

    CCOO UGT CIG

  • CCOO reitéralle ao Santander a petición dunha reunión formal sobre a adquisición do Popular

    A sección sindical de CCOO-Servizos no Banco Santander reiteroulle hoxe á entidade, como principal interlocutora, unha reunión formal para que informe sobre a adquisición do Banco Popular. O sindicato demanda «axilidade» para ter canto antes información «de primeira man» sobre este proceso, alén do que diariamente se publica nos medios de comunicación e que está a xerar «intranquilidade» nos cadros de persoal de ambas as dúas empresas. Segue

    Da Federación de Servizos de CCOO salientan que é a primeira vez que se aplica o mecanismo europeo de resolución de entidades financeiras, polo que no sindicato son «conscientes» de que os prazos poden alongarse. Con todo, as «incertezas» sobre o emprego directo e o indirecto requiren dunha resposta por parte da entidade compradora, neste caso o Banco Santander, xa que estamos a falar de case tres mil persoas en Galicia (1430 no Popular, 900 no Santander e 500 en empresas de servizos).

    A principal preocupación de CCOO son os postos de traballo. Calquera reordenación, tanto da rede de oficinas como de servizos centrais, con perda de personalidade xurídica do Banco Pastor e do Banco Popular, debe realizarse «sen medidas traumáticas e de xeito consensuado coa representación legal do persoal», insisten desde o sindicato. Como exemplo, o que se fixo no Pastor-Popular no pasado exercicio, co asinamento de acordos para a garantía do emprego e a homologación das condicións laborais.

    En segundo lugar, desde a Federación de Servizos do sindicato afirman que as garantías de emprego han estenderse ás diversas empresas en que o Popular é copartícipe.

    Outra das inquedanzas de CCOO é o restablecemento da confianza de clientes e persoal da entidade vendida. Neste sentido, o sindicato coida que o Banco Santander debe «ofrecer solucións» para os pequenos accionistas que viron desaparecer os seus investimentos ?bonos e accións? por mor da aplicación do mecanismo único de resolución.

    As persoas son o primeiro

    Desde CCOO-Servizos afirman que se o Banco Central Europeo e a Comisión Europea pretendían «transmitir tranquilidade» ao sistema financeiro español, decidindo nun tempo brevísimo a resolución do banco e evitando así un custo ás arcas públicas pola inminente creba do Popular, outro tanto debe acontecer con todas as incertezas. O sindicato pide que, unha semana despois, se despexen canto antes todas as dúbidas, especialmente as referentes aos prazos, o futuro das marcas Banco Popular e Banco Pastor e as garantías reclamadas tanto polo persoal como a clientela. «As persoas son o primeiro», enfatizan desde CCOO.

  • A Federación de Servizos de CCOO continúa a rolda cos grupos parlamentarios para tratar a situación do Banco Popular

    A Federación de Servizos de CCOO de
    Galicia continúa a rolda de conversas cos grupos parlamentarios
    galegos para abordar a problemática xurdida por mor da venda do
    Grupo Banco Popular. Tras as xuntanzas do martes con En Marea e PP,
    hoxe tivo lugar unha reunión con representantes do Grupo
    Parlamentario Socialista. Segue


    reunión PSOEreunión psoe

    A
    delegación de CCOO-Servizos estivo integrada pola secretaria xeral,
    Lucía Trenor, pola responsable da sección sindical do Banco
    Popular, Carmen Peteiro, e polo responsable do sector financeiro de
    CCOO, Francisco Villares. Os voceiros sindicais alertaron das
    «graves» repercusións sociais que para a nosa terra tería o
    desmantelamento dunha entidade financeira «netamente galega» e
    pedíronlles aos partidos políticos que se impliquen na defensa do
    emprego e das condicións laborais.

    CCOO-Servizos
    estendeu esa petición tanto aos postos de traballo directos- case
    o 12 % do persoal do Popular, unhas 1430 persoas, está en Galicia-,
    como ás empresas vinculadas -comercializadoras do parque
    inmobiliario do banco, centros de chamadas, etc.-, que suman unhas 500
    persoas.

    Reacción
    do PSdeG

    A
    delegación do Grupo Parlamentario Socialista afirmou «comprender e
    asumir» a complexidade da situación. Así mesmo, amosou a súa
    «receptividade e colaboración» tanto no eido parlamentario como no
    político-social.

    Traballo
    coordinado de CCOO

    CCOO-Servizos
    ten a representación maioritaria no ámbito estatal e autonómico
    nas empresas afectadas, isto é, tanto nos dous bancos como nas
    empresas que lles prestan servizos. Así mesmo, todas as seccións
    sindicais implicadas están a traballar coordinadamente desde que se
    coñeceu a operación de compra.

    Isto
    entra no calendario de encontros, que se estenderán á dirección do
    Banco Santander e Universal Support -centro de chamadas con máis
    de 200 persoas afectadas- tamén nesta semana.