My New Site

Categoría: Union Comarcal Pontevedra

  • Folga no Comercio de Alimentación de Pontevedra

    As catro centrais sindicais presentes na mesa de negociación do Convenio de Comercio de Alimentación da provincia de Pontevedra, e representadas por:

    María do Tránsito Fernández Fernández, na calidade de Secretaria Comarcal da CIG-Servizos Vigo, e con enderezo aos efectos de notificación na rúa Gregorio Espino, 47 de Vigo, Eva Rojas Fiestras, na calidade de Secretaria de Acción Sincidal de SMC Vigo Arousa UGT, e con enderezo aos efectos de notificación na rúa Heraclio Botana, 67,3º de Vigo, Jorge Carneiro Penedo, na calidade de responsable de Pontevedra Federación Servizos de CCOO con enderezo aos efectos de notificación na rúa Teixugueiras, 11 de Vigo e María Teresa Pérez Lago, na calidade de Secretaria Comarcal USO Vigo con enderezo aos efectos de notificación na rúa San Roque, 111 de Vigo:
    INFORMAMOS
    Que todas as comunicacións que se dean sobre as negociacións do convenio ou sobre as mediacións efectuadas polo AGA serán feitas polas persoas indicadas neste encabezamento, non avaliamos as diferentes informacións que se fixeron nestes días por persoas non autorizadas.
    Que no día de hoxe se mantivo outra reunión de mediación, onde a patronal fixo a súa oferta final a cal se debaterá nas asembleas do domingo día 4, en Vigo (Gregorio Espino, 47) e Pontevedra (Rúa Pasantería), ás 11:30 da mañá.
    Se fose aceptada, CCOO-CIG-UGT-USO, desconvocariamos as folgas dos días 5 e 7 de decembro. 
    Agradecemos a vosa colaboración e interese.
    En Vigo, a 1 de decembro de 2016
    Nota orixinal:

  • Negociación para a mellora de condicións laborais en Randstad Pontevedra

    O pasado mércores 23 de novembro celebrouse unha reunión do Comité co obxectivo de mellorar as condicións
    de traballo do persoal desta empresa de multiservizos en dous aspectos
    principais: o tempo de traballo e as condicións económicas. Posteriormente tivemos unha
    asemblea nos locais de CCOO en Vigo este sábado día 26 á que asistiu máis da
    metade do persoal. 

    Nesta asemblea explicouse a proposta que
    sobre bolsa de horas e melloras salariais se trasladou por parte do Comité de Empresa (formado por 5 persoas de CCOO) nesa reunión coa dirección, así como a
    intención de mellorar as condicións de traballo tanto a nivel estatal coa
    negociación de renovación do Convenio Colectivo de empresa, como nos centros de
    traballo desta provincia. 

    Un dos problemas que se detectou neste primeiro encontro coa Dirección foi a falta de disposición a aceptar a proposta
    do Comité por entendela desmesurada e non axustada ao actual Convenio de Empresa que se atopa en ultractividade.

    Tras expoñer a situación aos asistentes á
    asemblea, decidiuse que o Comité prepare unha nova proposta buscando o
    obxectivo xeral inicial de mellora de condicións e se volte a presentar á
    dirección, valorando a posibilidade de iniciar mobilizacións no caso de que as
    súas xustas reivindicacións non se teñan en conta.

  • Excelentes resultados de CCOO Servizos na súa primeira candidatura en FREMAP Pontevedra

    CC.OO. Servizos estrea a súa representatividade cun gran resultado nas eleccións celebradas hoxe martes, 29 de novembro. Nos catro
    centros de Fremap na provincia da Pontevedra (Vilagarcía, Porriño, Vigo e Pontevedra) obtivo dous delegados, UGT tres e CSIF catro. Cabe salientar que as diferenzas de votos foron mínimas, con só un de diferenza respecto a UGT.
    CC.OO. pasa a ter dous representantes, resultado que o sindicato entende como un
    recoñecemento das traballadoras e traballadores da empresa ao traballo
    realizado por CCOO.
    Desde CCOO
    queremos agradecervos ás traballadoras e traballadores de Fremap Galicia a confianza depositada nesta organización.

  • Convenio Comercio Alimentación provincia de Pontevedra: xornadas de folga e mobilización os próximos días 5 e 7 de decembro

     Nas asembleas celebradas no día de hoxe para valorar a situación do
    convenio de Comercio de Alimentación da provincia de Pontevedra, cunha participación de máis de 200 persoas, presentouse por parte
    dos catro sindicatos presentes na mesa de negociación a última
    proposta da patronal.

    A
    patronal maioritaria (ASAP) expuxo na última reunión, coa
    presenza dos mediadores do AGA, a seguinte proposta, na que a premisa
    é a conxelación da antigüidade: Segue

    • Vixencia de catro anos.
    • No referente a xornada, 20 minutos de descanso
      retribuído para xornadas continuadas de máis de 6 horas e a
      posibilidade de pechar as 19 horas os días 24 e 31 de decembro
      sempre que se consiga que así o estableza a Xunta de Galicia.
    • Prioridade para a contratación de tempo parcial para ocupar as vacantes a tempo completo e consolidación do 50% das
      horas complementarias estruturais traballadas nun período de 18
      meses.
    • Dereito ao disfrute de 14 días de vacacións entre o 1 de xuño e o
      30 de setembro para o 100% do cadro de persoal
    • Posibilidade de acumular o período de lactación nun total de 22
      días consecutivos.
    • Ampliar aos 14 anos do fillo a posibilidade de
      redución de xornada por garda legal e ampliar ata os cinco anos a
      excedencia por coidado de fillos con reserva do posto de traballo.
    • Incremento salarial do 0,5% para 2016, 0,5% para 2017, 1% para 2018
      e 1% para 2019.
    • Conxelación da antigüidade na cantidade que se teña a 31/12/2016
      e a cambio a creación dun plus adpersonam só para as persoas que
      estén de alta a esa data consistente en 50 ? mensuais por 15
      pagas. Este plus sería consolidable non absorvible nin
      revalorizable.
    A outra asociación patronal presente na negociación (FEGACOIN) fixo unha proposta na que non se conxela a antigüidade e propón melloras sobre o
    establecido no actual convenio, pero que non pode ser valorada pola
    parte social por non contar esta patronal coa representación
    suficiente, o que suporía poñer ao sector nunha situación
    incerta, cun convenio de eficacia limitada pola parte empresarial.

    O exposto por parte da representación de ASAP na mesa negociadora foi
    valorado de forma unánime pola asemblea como INASUMIBLE, e ante a
    situación de bloqueo da negociación decidiuse iniciar mobilizacións
    e convocar folga para os próximos días 5 e 7 de decembro    , a cal
    será convocada polos catro sindicatos presentes na mesa e presentada ante a autoridade laboral o luns.

    Por parte de CCOO valoramos esta proposta da
    patronal totalmente insuficiente, xa que supón no seu conxunto unha
    merma económica con respecto ao actual convenio, disfrazada cun
    hipotético incremento salarial deixando incluso fóra desta «hipotética mellora» aos futuros traballadores e traballadoras do
    sector, os que non van ter nin incrementos de antigüidade nin o plus
    establecido pola conxelación desta.

    O próximo martes día 29 estamos convocados pola mediación do AGA
    para unha nova reunión     na que esperamos que a posición da patronal
    mude considerablemente. Ao mesmo tempo convocamos xa unha nova
    asemblea para o próximo domingo día 4    , na que valoraremos os
    posibles cambios que se produzan nesta semana.

  • Asemblea urxente: Información Convenio Comercio Alimentación (Vigo e Pontevedra)

    Despois
    da última asemblea informativa sobre a situación do Convenio
    Colectivo de Comercio Alimentación de Pontevedra, as centrais
    sindicais representadas na mesa de negociación,
    CCOO, CIG, UGT e USO,
    despois de varias reunións e unha mediación, vémonos na obriga de
    convocar ASEMBLEA
    URXENTE
    para explicarvos en que situación se atopan as negociacións.

    ASEMBLEA
    EN VIGO:     Día 27 de novembro ás 11:30 hrs. nos locais da CIG, Rúa Gregorio Espino, 47

    ASEMBLEA
    EN PONTEVEDRA:     Día 27 De novembro ás 11:30 hrs. nos locais sindicais, Rúa Pasantería.

    É
    IMPRESCINDIBLE A VOSA PARTICIPACIÓN, ACUDIDE!

    ¡POR
    UN CONVENIO DIGNO, POR UN CONVENIO XUSTO!