My New Site

Categoría: Union Comarcal Pontevedra

  • Firmado o Convenio Colectivo de Comercio Retallista Téxtil de Pontevedra

    O pasado día 29 de xullo asinamos o convenio de Comercio Retallista Téxtil
    da provincia de Pontevedra, nos termos establecidos no preacordo
    alcanzado na reunión anterior. Lembramos as melloras que se
    introduciron:

    • Vixencia
      para os anos 2016, 2017, 2018.

    • Incremento
      salarial:1.5% para cada un dos anos de vixencia, en tódolos
      conceptos económicos.

    • Cláusula
      de revisión para cada un dos anos de vixencia na diferenza entre o
      IPC real e o incremento establecido para este ano.

    • Créase
      un novo plus de traballo nas tardes do 24 e 31 de decembro
      consistente en un recargo de 5? sobre a hora efectiva traballada
      entre a partir das 16:00 horas.

    • Horas
      extraordinarias pasarán a aboarse cunha recarga do 100% do seu
      valor habitual.

    • Vacacións:
      disfrute entre os meses de maio a outubro. Se voluntariamente se
      disfrutan fóra deste período o dereito é a 31 días de vacacións
      e unha bolsa de 200?.

    • Amplíase
      a posibilidade de acollerse a excedencia por maternidade ata un
      máximo de 4 anos e co límite de idade do fillo o filla de cinco
      anos.

    • A
      póliza de seguro de vida pasa a ser de 20.000 ?.

    • Licenzas:
      amplíase en 1 día a licenza por matrimonio, pasando a 16 días, e
      establécese en 6 días a licenza do artigo 30 por nacemento de fillo
      ou filla e polo falecemento accidente ou enfermidade grave,
      hospitalización ou intervención cirúrxica sen hospitalización de
      parentes ata o segundo grado de consanguinidade ou afinidade.

    • Guarda
      legal: amplíase a posibilidade de reducir a xornada ata que o menor
      cumpra os 14 anos.

    • Posibilidade
      de acumulación da lactación en 23 días naturais.

    • Nas
      empresas con máis de 15 traballadores establecese a xornada efectiva
      mínima para os contratos a tempo parcial en 27 horas semanais.

    Dende
    CCOO facemos unha valoración positiva do acordado, que mellora en
    conciliacións e sobretodo nun incremento nas horas mínimas nos
    contratos a tempo parcial. Ademais garante un incremento salarial
    aceptable para os tempos que corren e a garantía de mantemento do
    poder adquisitivo.

    Convenio Comercio Téxtil Pontevedra

  • Asinados os convenios de Comercio de Mobles e Comercio de Materiais de Construción da provincia de Pontevedra

    Na sinatura destes dous convenios tivemos en conta
    que son dous sectores tocados especialmente pola
    crise con empresas que xa pecharon, outras que están con ERTES
    continuos e sen demasiadas perspectivas de mellora, polo que
    estabamos obrigados a tomar unha posición responsable. De todas
    maneira conseguimos asinar, aínda
    que sexa de forma moderada, incremento salarial para cada un dos anos
    de vixencia e algunha mellora máis. Segue

    Texto Convenio Comercio Mobles

    Texto Convenio Materiais de Construcción

    Comercio do Moble
    da provincia de Pontevedra,
    chegamos a un
    acordo e asinouse este convenio cos seguintes cambios sobre o
    convenio anterior:

    • Incremento salarial do 0?25% para 2016, 0?50% para 2017 e 0?75%
      para 2018.

    • Licencia para acompañamento de fillo menor de 14 anos a asistencia
      médica.

    • Sometemento o AGA e a Comisión Tripartita Galega
      para inaplicación de convenios para solución de conflitos e
      posibles descolgues sen acordo.

    Comercio Materiais de Construción: O pasado 26 de maio
    decidimos firmar o convenio CCOO e UGT, negándose a asinalo a
    representación de CIG, situándose en reivindicacións maximalistas
    que son claramente inasumibles pola parte empresarial e dificilmente
    defendibles na situación actual.

    As condicións de modificación sobre o anterior convenio son as
    seguintes:

    • Vixencia de 2 anos, ata o 31 de decembro de 2017.

    • Incremento salarial para 2016 do 0,75% e para 2017 o 1,25%, con
      cláusula de revisión a final de 2017 sobre o IPC real e sen
      carácter retroactivo.

    • Establecer como días de licenza retribuída os días 24 e 31 de
      decembro de 2016 e 7 de xaneiro e 9 de decembro de 2017.

    • 1 día por matrimonio de parentes hasta 2º grao.

    • Posibilidade de implantar un protocolo de actuación para a
      prevención e tratamento do acoso sexual ou moral nos centros de
      traballo.

    • Incluír nas competencias dos Comités de Empresa a obriga de
      recibir información polo menos anualmente sobre a aplicación na
      empresa do dereito de igualdade no trato e de oportunidades entre
      homes e mulleres.

    • Obrigatoriedade de elaborar un Plan de Igualdade nas empresas que
      superen os 250 traballadores e traballadoras.

    • Solución de conflitos a traveso do AGA e a Comisión Tripartita
      Galega para a inaplicación de convenios colectivos.

    Tras esta sinatura só resta
    a súa publicación no Boletín.

    Vigo a 17
    de xuño de 2016

  • CCOO Servizos firma un preacordo con Adecco Outsourcing Pontevedra para mellorar as condicións de traballo

    O pasado sábado día
    4, tras ser exposto e debatido en asemblea xeral de traballadores,
    vén de ser aprobado pola unanimidade dos compañeiros presentes o
    preacordo que esta sección sindical alcanzou coa dirección da
    empresa acerca de bolsa de horas, xornada anual, prezo horas extra e
    ITs    , e cuxa asina será ratificada nos próximos días, tendo unha
    validez que comprende desde o día 1 de xuño até o 31 de decembro
    do ano 2017.

    Desde a nosa sección
    sindical e xa desde un primeiro momento, comprendemos que este era un
    acordo de carácter urxente, xa que constituía o maior dos problemas
    que viñamos mantendo e que primeiro había que afrontar, dado que o
    futuro inmediato dos servizos estaba seriamente comprometido, e
    dedicamos todos os nosos esforzos e o noso tempo para tratar de
    conseguir a mellor das solucións posibles. É por este motivo que
    centros como o de Antolín non foron visitados e apenas informados, e
    entendemos a lóxica sensación de orfandade que poidan sentir pola
    cal, sinceramente, pedimos desculpas. En calquera caso, gustaríanos
    que comprendesen que non foi por abandono ou falta de interese, senón
    por dedicarnos por completo á consecución deste difícil acordo no
    que, en todo momento, como compañeiros que son, foron tidos en conta
    de igual maneira que os demais. Unha vez obtido este acordo, de agora
    en diante serán debida e igualmente informados que o resto dos seus
    compañeiros. Segue

    Doutra banda, é
    momento de empezar a traballar na solución doutros problemas, e é
    por iso que xa sido posta sobre a mesa da dirección a problemática
    de cobro dos traballadores do centro de Antolín que cobran as súas
    nóminas a día 10, do mesmo xeito que calquera ETT, e que, ademais
    dun agravio comparativo, suponlles un sobrecusto bancario en calidade
    de intereses ao ser a entidade a que adiante os pagos dos recibos,
    hipotecas, etc. A dirección deu resposta e di que pasará a estudar
    a situación e que contestará nos próximos días, non sen antes
    aclarar que esta fórmula de pago é a habitual na empresa fóra dos
    centros GEFCO, onde ao parecer existiría un acordo entre ambas as
    empresas para que se pagase a finais de mes.

    Aproveitamos para
    informarvos, ademais, da apertura das negociacións dun Convenio
    Nacional de Adecco Outsourcing    , das que formaremos parte e de cuxa
    marcha seredes informados. No noso afán de cambiar e mellorar as
    cousas, namentres, e dado que as negociacións dun convenio poden dilatarse, tal e como fixemos co acordo alcanzado, comezaremos a
    establecer un paquete de problemas e medidas que podamos expor e aos
    que trataremos de buscar a mellor das solucións posibles sen ter que
    esperar á firma do devandito convenio.

    Sen outro
    particular, indicámosvos o correo electrónico ao que podedes
    dirixirvos e enviar calquera problema ou asunto que queirades expor e
    que será debidamente estudado, xa por nós como sección sindical,
    xa polo comité. Saúdos compañeiros.

    DELEGADOS SECCIÓN SINDICAL CCOO.

    correo electrónico:
    delecomitccoo@gmail.com

  • A declaración de Zona de Gran Afluencia Turística nunha Cidade non pode supor a precarización do emprego e a perda de dereitos

    A
    Federación de Servizos de CCOO de Galicia quere saír ao paso das
    declaracións vertidas na prensa por parte da Patronal de Grandes
    Almacéns (ANGED), nas que vén dicir que deixar fóra das
    devanditas zonas ás grandes cadeas de distribución evita a
    competitividade das tendas físicas vs tendas online e evita a
    creación de centos de postos de traballo que serían necesarios para
    atender un horario comercial máis amplo.

    É
    necesario aclarar que a Patronal ANGED xa vén pedindo desde hai
    moitos anos a liberalización total do comercio e só grazas ao
    rexeitamento dos Sindicatos e do Pequeno Comercio se puido evitar. 

    Esta Patronal sempre argumenta que esta liberalización vai crear emprego, e con todo, ano tras ano o que fai é precarizar a situación no sector, asinando convenios cos seus sindicatos afíns que van minguando as condicións de traballo nos centros. Só no último convenio pasouse a aumentar a xornada en 28 horas anuais e deixar de remunerar os domingos e festivos pasando a traballarse coma se dun día máis se tratase (co que nos podemos imaxinar en que situación nos quedariamos se, como pretenden, nos fan abrir todos os domingos e festivos do ano). Segue

    Por
    suposto non aceptamos tampouco que se defina ao comercio como un
    servizo público, ANGED confunde e esquécese de engadir a
    preposición e definilo como o que realmente é, «un servizo para
    o público».

    Entendemos
    que o desafío do comercio hoxe pasa por entender as necesidades do
    consumidor ofrecéndolle o que necesita e mantendo un bo ambiente
    laboral nas tendas para que o traballador poida desenvolver o seu
    traballo en condicións óptimas, e non en fomentar o consumo
    irresponsable e baixar prezos á conta das condicións laborais dos
    traballadores.

    Por
    último, se ANGED o que propón é que nos acheguemos ás condicións
    de libre apertura de Portugal, nós propomos achegarnos ás
    condicións doutros países onde tamén no comercio se pode conciliar
    a vida familiar e laboral.

    En
    definitiva estamos de acordo en afrontar ese debate coherente sobre o
    futuro do comercio, sempre que sexa iso (coherente), e non busque
    precarizar aínda máis as condicións xa de seu inasumibles de todos
    os traballadores e traballadoras do comercio, e considerando que 12
    horas ao día 6 días á semana son máis que suficientes para
    atender ao consumidor.

  • Xuntanza de delegadas e delegados de Alcampo Galicia

    No
    día de hoxe reuníronse nos locais de CCOO en Santiago, os delegados
    e delegadas de ALCAMPO de Galicia.

    Este
    ano finaliza a vixencia do Convenio Colectivo de Grandes
    Almacéns,(ANGED), polo que desde a Federación de Servizos de
    Galicia iniciamos xuntanzas de todos os delegados/as para preparar
    estas negociacións.

    O
    obxetivo desta xuntanza :

    • Debatir
      e propoñer os temas e puntos para a negociación.

    • Elaborar
      puntos para incluir na plataforma de CCOO.

    • Información
      e traslación da negociación.

    Todos
    os acordos aos que se chegue trasladaranse á Sección Sindical
    Estatal, para que, en coordinación co resto de Seccións Sindicais
    Estatais, elabore a plataforma e negociar o próximo convenio.