My New Site

Categoría: Union Comarcal Vigo

  • Concentracion fronte á central de Inditex para denunciar a situación laboral das traballadoras de LEFTIES (Inditex)

    Hoxe, 22 de xuño, ás 12:00h, realizouse unha CONCENTRACIÓN diante da sede principal de lnditex en Arteixo en protesta pola reiterada actitude de desprezo da Dirección da empresa cara aos nosos dereitos e en demanda das melloras que levamos reclamando infrutuosamente desde hai moito tempo:

    1.-A nivel ECONÓMICO:

    -Incremento na porcentaxe de comisión de todo o persoal de Lefties.

    -Incentivos equitativos cos que se cobran no resto das tendas da mesma empresa. Recordemos que LEFTIES É ZARA ESPAÑA, S.A. E NON UNHA CADEA INDEPENDENTE.

    2.-A nivel LABORAL:

    -Redución da excesiva carga de traballo mediante a oferta de horas ou ampliación de persoal.

    -Eliminación da esixencia de xustificación nas solicitudes de redución de xornada por garda legal, xa que supón unha grave intromisión na intimidade e vida persoal das traballadoras.

    Coñecemos casos de acoso e discriminación laboral que, evidentemente, crean conflitos persoais e tensións entre as traballadoras. A Dirección da empresa e Dirección de Tendas non fixeron nada efectivo até o de agora para atallar de maneira efectiva estes comportamentos. O único que se lles ocorreu foi iniciar uns ?protocolos de averiguación? de maneira unilateral, Sen Consultar nin dar participación ao Comité de Empresa, polo que se realizaron sen a transparencia necesaria. NON IMOS PERMITIR ESTE ESTILO DE DIRECCIÓN. Queremos e esiximOS que Se nos Xulgue unicamente polo noso traballo, non por outras circunstancias discriminatorias e alleas á relación labOral.

    En canto á seguridade nas tendas, parece que, despois dunha longa loita por parte do Comité, a empresa vai contratar un VIXILANTE DE SEGURIDADE para a tenda do Torreiro. Esperamos que sexa unha medida permanente e non un APAÑO TEMPORAL como noutras ocasións.

    LEFTIES, SOLUCIÓN XA!!!

    CCOO UGT CIG

  • CCOO reitéralle ao Santander a petición dunha reunión formal sobre a adquisición do Popular

    A sección sindical de CCOO-Servizos no Banco Santander reiteroulle hoxe á entidade, como principal interlocutora, unha reunión formal para que informe sobre a adquisición do Banco Popular. O sindicato demanda «axilidade» para ter canto antes información «de primeira man» sobre este proceso, alén do que diariamente se publica nos medios de comunicación e que está a xerar «intranquilidade» nos cadros de persoal de ambas as dúas empresas. Segue

    Da Federación de Servizos de CCOO salientan que é a primeira vez que se aplica o mecanismo europeo de resolución de entidades financeiras, polo que no sindicato son «conscientes» de que os prazos poden alongarse. Con todo, as «incertezas» sobre o emprego directo e o indirecto requiren dunha resposta por parte da entidade compradora, neste caso o Banco Santander, xa que estamos a falar de case tres mil persoas en Galicia (1430 no Popular, 900 no Santander e 500 en empresas de servizos).

    A principal preocupación de CCOO son os postos de traballo. Calquera reordenación, tanto da rede de oficinas como de servizos centrais, con perda de personalidade xurídica do Banco Pastor e do Banco Popular, debe realizarse «sen medidas traumáticas e de xeito consensuado coa representación legal do persoal», insisten desde o sindicato. Como exemplo, o que se fixo no Pastor-Popular no pasado exercicio, co asinamento de acordos para a garantía do emprego e a homologación das condicións laborais.

    En segundo lugar, desde a Federación de Servizos do sindicato afirman que as garantías de emprego han estenderse ás diversas empresas en que o Popular é copartícipe.

    Outra das inquedanzas de CCOO é o restablecemento da confianza de clientes e persoal da entidade vendida. Neste sentido, o sindicato coida que o Banco Santander debe «ofrecer solucións» para os pequenos accionistas que viron desaparecer os seus investimentos ?bonos e accións? por mor da aplicación do mecanismo único de resolución.

    As persoas son o primeiro

    Desde CCOO-Servizos afirman que se o Banco Central Europeo e a Comisión Europea pretendían «transmitir tranquilidade» ao sistema financeiro español, decidindo nun tempo brevísimo a resolución do banco e evitando así un custo ás arcas públicas pola inminente creba do Popular, outro tanto debe acontecer con todas as incertezas. O sindicato pide que, unha semana despois, se despexen canto antes todas as dúbidas, especialmente as referentes aos prazos, o futuro das marcas Banco Popular e Banco Pastor e as garantías reclamadas tanto polo persoal como a clientela. «As persoas son o primeiro», enfatizan desde CCOO.

  • A Federación de Servizos de CCOO continúa a rolda cos grupos parlamentarios para tratar a situación do Banco Popular

    A Federación de Servizos de CCOO de
    Galicia continúa a rolda de conversas cos grupos parlamentarios
    galegos para abordar a problemática xurdida por mor da venda do
    Grupo Banco Popular. Tras as xuntanzas do martes con En Marea e PP,
    hoxe tivo lugar unha reunión con representantes do Grupo
    Parlamentario Socialista. Segue


    reunión PSOEreunión psoe

    A
    delegación de CCOO-Servizos estivo integrada pola secretaria xeral,
    Lucía Trenor, pola responsable da sección sindical do Banco
    Popular, Carmen Peteiro, e polo responsable do sector financeiro de
    CCOO, Francisco Villares. Os voceiros sindicais alertaron das
    «graves» repercusións sociais que para a nosa terra tería o
    desmantelamento dunha entidade financeira «netamente galega» e
    pedíronlles aos partidos políticos que se impliquen na defensa do
    emprego e das condicións laborais.

    CCOO-Servizos
    estendeu esa petición tanto aos postos de traballo directos- case
    o 12 % do persoal do Popular, unhas 1430 persoas, está en Galicia-,
    como ás empresas vinculadas -comercializadoras do parque
    inmobiliario do banco, centros de chamadas, etc.-, que suman unhas 500
    persoas.

    Reacción
    do PSdeG

    A
    delegación do Grupo Parlamentario Socialista afirmou «comprender e
    asumir» a complexidade da situación. Así mesmo, amosou a súa
    «receptividade e colaboración» tanto no eido parlamentario como no
    político-social.

    Traballo
    coordinado de CCOO

    CCOO-Servizos
    ten a representación maioritaria no ámbito estatal e autonómico
    nas empresas afectadas, isto é, tanto nos dous bancos como nas
    empresas que lles prestan servizos. Así mesmo, todas as seccións
    sindicais implicadas están a traballar coordinadamente desde que se
    coñeceu a operación de compra.

    Isto
    entra no calendario de encontros, que se estenderán á dirección do
    Banco Santander e Universal Support -centro de chamadas con máis
    de 200 persoas afectadas- tamén nesta semana.

  • A Federación de Servizos de CCOO reúnese cos grupos parlamentarios para tratar a situación do Banco Popular

    A Federación de Servizos de CCOO de Galicia está
    a manter reunións cos distintos grupos parlamentarios galegos para
    abordar a problemática xurdida por mor da venda do Grupo Banco
    Popular ao Banco Santander. Hoxe celebráronse reunións cos grupos
    políticos En Marea e Partido Popular , estando previsto para mañá,
    día 14, un encontro co PSG.

    Nas xuntanzas de hoxe, a delegación de
    CCOO-Servizos estivo integrada pola secretaria xeral, Lucía Trenor,
    a responsable da sección sindical do Banco Popular, Carmen Peteiro,
    e polo responsable do sector financeiro de CCOO, Francisco Villares. Segue


     Desde o sindicato alertaron das «graves» repercusións sociais que
    para a nosa terra tería o desmantelamento dunha entidade financeira
    «netamente galega» e pedíronlles aos partidos políticos que se
    impliquen na defensa do emprego e das condicións laborais.

    CCOO-Servizos estendeu esa petición tanto aos postos de traballo
    directos -case o 12% do persoal do Popular, unhas 1430 persoas,
    está en Galicia-, como ás empresas vinculadas  -comercializadoras
    do parque inmobiliario do banco, centros de chamadas, etc.,- que
    suman unhas 500 persoas.

    Reacción dos grupos

    O Grupo Parlamentario de En Marea coincidiu con CCOO no rexeitamento
    a posibles despedimentos e peches de oficinas, así como na defensa
    da Fundación Barrié, cuestións que levará ao debate
    parlamentario. Do Grupo Parlamentario Popular tamén amosaron
    preocupación por estes puntos e solicitarán a mediación do
    presidente da Xunta para a defensa dos dereitos laborais e dos
    intereses da cidadanía.

    Traballo coordinado de CCOO

    CCOO-Servizos ten a representación maioritaria no ámbito estatal e nas empresas afectadas, isto é, tanto nos dous bancos como nas
    empresas que lles prestan servizos. Asemade, todas as seccións
    sindicais implicadas están a traballar coordinadamente desde que se
    coñeceu a operación de compra.

    Isto entra dentro do calendario de encontros que
    se estenderán á dirección do Banco Santander e Universal Support -centro de chamadas, contact center,
    con máis de 200 persoas afectadas-, tamén nesta semana.

  • Santander adquire Banco Popular: A principal preocupación é a defensa do emprego

    Ante
    a difusión hoxe en medios da decisión da Xunta de Resolución
    Bancaria Europea da adxudicación de Banco Popular a Banco
    Santander, dende a Federación de Servizos de CCOO en Galicia
    queremos pór de manifesto que esta noticia debe significar a
    finalización da incerteza que levan padecendo nas últimas semanas
    os máis de 1.400 traballadores e traballadoras do Grupo Banco
    Popular en Galicia. Segue

    A
    integración do Grupo Banco Popular a Banco de Santander debe
    representar a incorporación dun persoal moi preparado, que sabe e
    entende o negocio bancario. Grupo Banco Popular levou a cabo moi
    recentemente unha reestruturación do seu persoal e non require novos
    axustes de persoal.

    Para
    a Federación de Servizos de CCOO en Galicia, especialmente afectada
    pola relevancia de Banco Pastor no noso territorio, a
    principal preocupación
    é a mesma que a dos traballadores e as traballadoras: a
    defensa do emprego
    e que a homoxeneización das condicións de traballo entre o persoal
    se faga de forma ordenada, progresiva e pactada. CCOO esiximos un
    Protocolo
    de Garantías de Emprego
    que renuncie á utilización de medidas traumáticas.

    CCOO
    somos o sindicato maioritario no Sector Financeiro. A nosa
    experiencia acumulada, ao liderar diferentes procesos de integración,
    serviranos para levar a cabo unha negociación con alternativas
    razoables, tanto para o persoal como para o desenvolvemento eficaz da
    integración en Banco de Santander. Somos a garantía de que o
    proceso contará cos intereses dos traballadores e das traballadoras
    de ambas as Entidades.

    Lucía Trenor

    Secretaria Xeral Federación
    de Servizos CCOO Galicia