My New Site

Categoría: Union Comarcal Vigo

  • CCOO Servizos impulsamos un preacordo clave na hostalaría de Pontevedra: Melloras salariais, recoñecemento ás camareiras de piso e fixos-descontinuos

    CCOO Servizos asinamos un preacordo do convenio para o sector da hostalaría en Pontevedra, con vixencia durante os anos 2024 e 2025. O documento supón un avance histórico en condicións laborais, con melloras salariais, novos dereitos sociais e un recoñecemento profesional especial ás camareiras de piso e ao persoal fixo descontinuo.

    Suba salarial e garantía de poder adquisitivo

    O acordo establece un incremento do 7% en dous anos, así como unha cláusula de revisión vinculada ao IPC real, co obxectivo de evitar perdas de poder adquisitivo.

    Novos dereitos sociais

    Entre as novidades destacan:

    • Permiso retribuído para levar fillos e fillas menores de 16 anos ao médico.

    • Permiso por hospitalización fraccionable, aplicable mentres persista a causa.

    Recoñecemento ás camareiras de piso

    A partir do 1 de xaneiro de 2027, as camareiras de piso con 36 meses de antigüidade en hoteis de 3, 4 e 5 estrelas pasarán ao grupo salarial 8, un paso que CCOO considera o inicio dun proceso para recoñecer a especialización e responsabilidade deste colectivo. Ademais, desaparece o grupo 10 e os postos de axudante e auxiliar (grupo 9) ascenderán de categoría tras dous anos, sempre que conten coa cualificación requirida.

    Persoal fixo descontinuo: estabilidade e dereitos

    O preacordo tamén introduce unha regulación mínima para garantir contratacións máis xustas e estables:

    • En establecementos abertos todo o ano: chamamento mínimo de 8 meses e medio e garantía de 20 horas semanais.

    • En establecementos de apertura parcial:

      • Apertura ≤ 3 meses: mínimo 50% da duración.

      • Apertura = 4 meses: mínimo 60%.

      • Apertura ≥ 5 meses: mínimo 70%.

    Unha hostalaría con dereitos

    Este preacordo representa “un avance colectivo en estabilidade, dignidade e recoñecemento profesional”, freando a temporalidade extrema e mellorando os ingresos do persoal.

  • CCOO impulsamos avances no convenio de hostalaría de Pontevedra

    A xuntanza do 8 de xullo foi breve pero deixou avances relevantes.

    Na anterior reunión CCOO sostivemos a proposta dun 8 % de incremento en dous anos, que finalmente foi asumida pola CIG tras rectificar a súa postura anterior.

    Pola súa parte, a patronal mantén unha posición restritiva:

    • Ofrece un incremento máximo do 6,5 % en dous anos.
    • Contratos fixos-descontinuos: un mínimo do 50% do tempo de apertura en establecementos de tempada, mantendo os 5 meses para os que abren todo o ano.

    Desde CCOO, coa vontade de seguir avanzando cara ao acordo, formulamos unha proposta revisada e equilibrada, asumida tamén por UGT:

    Proposta económica:

    • Incremento do 7,2 % en dous anos
    • Camareiras de pisos → Nivel salarial 8:
      • A partir do 1/01/2026: complemento de 40 €
      • A partir do 1/01/2027: incremento de 47 € nese complemento
      • A partir do 1/01/2028: paso definitivo ao nivel 8
    • Axudantes e auxiliares:
      • Ascenso automático á categoría superior aos dous anos, sempre que se demostren os coñecementos necesarios.
    • Contratos fixos-descontinuos:
      • Manter o mínimo do 70 % do período de apertura nos contratos de establecementos de tempada.

    Esta proposta foi ratificada por UGT, reforzando o consenso sindical.

    A patronal comprometeuse a valorar con detalle as propostas e a dar resposta na próxima reunión, fixada para o día 21 de xullo ás 16:30 h.

    Desde CCOO seguiremos impulsando o diálogo e defendendo melloras reais para as traballadoras e traballadores da hostalaría na provincia de Pontevedra.

    Circular

  • TODOS/AS A UNHA no convenio de Hostalaría de Pontevedra?

    Sorpréndenos a decisión unilateral da CIG de convocar mobilizacións, especialmente porque participaron activamente na mesa de negociación e nunca expresaron intención de mobilizarse.

    Desde CCOO apostamos pola unidade, polo diálogo e por sumar forzas. Cústanos entender que outro sindicato actúe por libre, sen informar ao resto dos presentes na mesa. Esta actitude pon en risco un posible acordo que tiñamos opción de pechar antes de agosto.

    Nós seguimos traballando arreo por un convenio que mellore de verdade as condicións laborais nun sector en auxe: con máis noites de estancia, máis visitantes e máis gasto medio.

    Fixamos un límite claro ante a patronal: acordo antes de agosto!

    E lembramos: a CIG tamén está nesta mesa.

    Se non se consegue un pacto que beneficie a todas as persoas traballadoras da hostalería pontevedresa, CCOO poremos en marcha as nosas propias mobilizacións en agosto.

    Seguiremos informando paso a paso. A vosa participación e a unidade son claves para acadar un convenio xusto e digno.

  • Arrinca a negociación do convenio comercio materiais de construción de Pontevedra

    Na reunión do 27 de maio de 2025 constituímos a mesa de negociación do convenio do sector, na que ningún sindicato ten maioría, coa seguinte composición: CCOO: 4, CIG: 6 representantes, UGT: 3.

    Nesta primeira xuntanza constituíse a mesa, e a plataforma estará en poder da patronal antes da próxima reunión, que se celebrará o 10 de xuño ás 11:00h nos locais de ASEMACO. Ler máis

    Plataforma de CCOO para o convenio 2025-2026

    • Vixencia: Propoñemos unha duración de 3 anos (2025-2026)
    • Salario mínimo de convenio: 18.000€
      • Incremento Convenio 4% anual (Complementos e pluses na mesma porcentaxe).
      • Cláusula de revisión salarial ligada ao IPC + 1%.
    • Xornada:
      • Máxima anual: 1.712 hr
      • Descanso entre xornada:
      • 5 horas ou máis: 20 minutos de descanso
      • 8 horas ou máis: +10 minutos aos 20 desfrutados
      • Implantación de controis de presenza efectiva e medidas contra as horas extras non cotizadas.
      • Prioridade xornadas continuadas en tendas sen peche a mediodía – Bonificación por xornadas partidas
      • Límite tempo máximo entre xornadas: 2H
      • Libranza 2 días consecutivos – Días máximos de xornada ao ano
      • Establecer 1 fin de semana de calidade ao mes
    • Contratación:
      • Redución parcialidade: 80% do persoal fixo a tempo completo (excluídos fixos descontinuos)
      • Contratos a tempo parcial: prioridade para cobertura de vacantes a tempo completo
      • Horas complementarias: consolidación de excesos de horas do ano anterior
      • Fixos descontinuos: mellorar períodos mínimos de contratación e preaviso de chamamento
    • Permisos:
      • Actualización a Estatuto
      • 1 día para parentes de 3º grao
      • 1 día por voda de parente de 3º grao
    • Saúde Laboral:
      • Procedementos de control dos riscos psicosociais.
      • Protocolos para a suspensión por risco no embarazo.
      • Melloras para a participación dos Delegados/as de Prevención na Empresa.
      • Esixir avaliación de riscos con perspec va de Xenero.
      • Recoñecementos médicos anuais por conta da empresa (criterios Art. 22 Lei de Prevención Riscos Laborais, Art. 37 Regulamento dos Servizos de Prevención) e que incluirán revisión xinecolóxica e mamografía.
      • Incluir no artigo de baixas que os días de repouso se considerarán situacións asimiladas á baixa a efectos do complemento por IT. Establecer de forma expresa a posibilidade de realizar contratos de substitución, regulados no Art. 15 do ET, para suplir ás persoas traballadoras que deban gardar repouso por prescrición faculta va”.
      • Actualizar Seguros de Vida e Accidente.
    • Igualdade:
      • Adaptacións de xornada sen reducción
      • Lactación por xornada
      • Protocolos contra o acoso
      • Obrigas legais e recomendacións en materia de igualdade do CCAINC: Comisión Consultiva Autonómica para a Igualdade entre Mulleres e Homes na Negociación Colectiva. Plataforma completa CCOO
      • LGTBI: ver Plataforma completa CCOO
    • Revisión de:
      • Protocolos Desconexión
      • Actualizar Conflitos Resoltos Mediante Comisións Paritarias.
      • Acumulación de Horas en Dereitos Sindicais

    Plataforma CCOO

  • Convenio Comercio Metal Pontevedra: Reunións, propostas e próximos pasos

    Na segunda reunión de negociación do convenio, celebrada o 19 de maio de 2025, os sindicatos presentamos as nosas plataformas reivindicativas á parte empresarial. Foi unha reunión inicial de toma de posicións na que se abordaron temas clave.

    Temas tratados:

    • Necesidade de revisar e simplificar as categorías profesionais.
    • Actualización dos CNAE aos que se aplica o convenio, para axustalos á realidade actual.
    • Adaptación das licenzas e permisos ao marco legal vixente.

    A próxima reunión será o 9 de xuño ás 10:00 h, e nela comezará a negociación dos seguintes artigos:

    • Artigo 2: Ámbito de aplicación
    • Artigo 3: Ámbito funcional
    • Artigo 12-15: Licenzas, permisos, excedencias e coidados familiares Ler máis

    Plataforma de CCOO para o convenio 2025-2026

    Vixencia

    • Proponse que a mesa de negociación se convoque obrigatoriamente na segunda semana de xaneiro, unha vez rematada a vixencia do convenio.

    Condicións salariais

    • Remuneración mínima anual: 18.000 €
    • Incremento salarial: 4 % anual
    • Revisión: IPC + 1 %
    • Situación de IT: Cobertura do 100 % dende o primeiro día de baixa, incluíndo o plus de transporte como parte do salario.

    Categorías e promoción profesional

    • Supresión das categorías de axudante e auxiliar
    • Promoción de dependente a dependente maior
    • Regulación de novas categorías: mozo especializado, auxiliar de oficio, profesional de oficio, chófer, etc.

    Xornada laboral

    • Xornada máxima anual: 1.680 horas
    • Descanso de 15 minutos en xornadas iguais ou superiores a 6 h
    • Supresión da distribución irregular agás por acordo puntual
    • Implantación de sistemas de control horario efectivo
    • Xornadas continuas preferentes nas tendas sen peche ao mediodía
    • Bonificación por xornadas partidas e tempo máximo de 2 h entre tramos
    • Dúas libranzas consecutivas semanais e un fin de semana de calidade ao mes

    Contratación

    • Consolidación das horas complementarias realizadas en exceso o ano anterior
    • Contratos a tempo parcial cunha xornada mínima continua
    • Preferencia por cubrir vacantes con persoal a tempo completo

    Permisos

    • Adaptación ao Estatuto dos Traballadores
    • Clarificación dos apartados d) e e) do artigo 12

    Saúde laboral

    • Avaliación de riscos psicosociais con perspectiva de xénero
    • Protocolos para risco durante o embarazo
    • Participación activa dos delegados/as de prevención
    • Recoñecementos médicos anuais por conta da empresa, incluíndo revisións xinecolóxicas e mamografías
    • Consideración de “repousos facultativos” como situacións asimiladas a baixas por IT
    • Posibilidade de contratos de substitución durante repousos prescritos
    • Actualización dos seguros de vida e accidentes

    Igualdade

    • Adaptacións da xornada sen necesidade de redución
    • Dereito á lactación por tempo de xornada
    • Protocolos contra o acoso
    • Integración do principio de transparencia retributiva
    • Medidas de acción positiva en contratación, promoción, formación
    • Garantías para a igualdade real entre mulleres e homes no acceso e condicións laborais

    Colectivo LGTBI

    • Compromiso coa inclusión e respecto: xúntase proposta específica

    Xubilación parcial

    • Adaptación á lexislación vixente

    Outras propostas de revisión

    • Actualización dos CNAE
    • Clarificación sobre o cobro da nocturnidade durante as vacacións
    • Fusión dos artigos 16 e 17: prohibición de compensación e absorción
    • Protocolos de desconexión dixital
    • Acumulación de horas para dereitos sindicais

    Plataforma completa e proposta CCOO Servizos para Medidas de Igualdade respecto ao RD 1026/2024