My New Site

Categoría: Union Comarcal Vigo

  • CCOO-Servizos traballará para homoxeneizar condicións laborais en Inditex

    A Federación de Servizos de CCOO de Galicia organizou este martes
    unha reunión coa representación legal do grupo de empresas de Inditex
    para marcar criterios de unificación da negociación e tamén traballar na
    homoxeneización das condicións laborais.

    Segundo CCOO-Servizos, existen diferenzas salariais e en materia de
    dereitos sociais entre o persoal destas empresas, incluso no caso das
    encadradas na mesma comunidade autónoma. En concreto, o sindicato
    destaca as diferenzas entre o colectivo de traballadores e traballadoras
    da rede de tendas respecto do departamento loxístico da empresa.

    CCOO-Servizos quere pór fin a esta «discriminación», xa que o persoal
    das tendas é, a final de contas, «a imaxe da marca Inditex». Por iso,
    esta federación traballará seguindo o criterio de unificar as condicións
    laborais no ámbito autonómico, co obxecto de reducir as diferenzas ata
    que desaparezan.
    O sindicato tamén «traballará arreo» para combater a precariedade e a
    eventualidade na empresa, xa que un dos principios básicos de CCOO é a
    defensa do emprego digno e de calidade «e así se vai esixir en canta
    mesa de negociación houber».
     

  • Reunión de delegadas e delegados de CCOO Servizos do Grupo Inditex

    O
    vindeiro 5 de abril
    terá
    lugar en Santiago
    a primeira
    reunión de representantes da
    Federación de Servizos de
    CCOO Galicia
    no
    Grupo Inditex,
    onde, entre outras
    cuestións,
    se analizará
    a situación da Negociación Colectiva das
    marcas que forman parte dese grupo (Zara,
    Berska, Stradivarius, Lefties, …).

    Unificar criterios en canto a negociación,
    potenciar a coordinación para aproveitar os recursos que o sindicato
    pon á súa disposición, mellorar a comunicación e aumentar a
    afiliación serán cuestións que centrarán o encontro.

    Preténdese
    incrementar o compromiso de posta en común periódica aportando
    experiencias e intercambiando criterios sobre problemática laboral e
    traballo sindical, así como coñecer de primeira man a situación do
    personal de cada centro de traballo. 

  • A Federación de Servizos celebra unha asemblea de delegados da provincia de Pontevedra

    No día de onte e, do mesmo xeito que o día quince en Coruña, celebrouse una asamblea de delegados en Vigo, procedentes de toda a provincia de Pontevedra, co fin
    de tratar temas relacionados con negociación colectiva, creación de
    novas seccións sindicais, formación e ademais compartir as inquedanzas e
    aportacións de todas as delegadas e delegados.

  • Qué está pasando en Media Markt Vigo?

     Os delegados e delegadas de CCOO e CIG no comité de empresa de Media
    Markt Vigo denunciamos despedimentos inxustificados na empresa,
    presións e falta de persoal neste centro de traballo. Ambos os
    sindicatos aseguramos que «non sobra ninguén» xa que, ao tempo que
    se prescinde de traballadores e traballadoras, a empresa fai novos
    contratos.

    Tanto
    CCOO como CIG sinalamos que a empresa se está a aproveitar da reforma
    laboral para despedir persoal con contrato a tempo completo para, no
    seu lugar, facer contratos por horas. Tamén se está producindo unha deterioración
    das condicións laborais, coa obriga de traballar domingos e facer
    horas extraordinarias. Así mesmo, o persoal, en moitos
    casos, descoñece o seu propio horario o día antes de comezar a
    xornada.

    Criticamos o degradado sistema de relacións laborais
    dunha empresa que se gaba na prensa do seu modelo empresarial.
    Denunciamos, así mesmo, que hai «ameazas constantes» de despedimento
    para que o persoal non proteste ante a deterioración das condicións
    de traballo.

    Comunicado

  • CCOO Servizos gaña as eleccións en Adecco Outsourcing Vigo

    A Federación de Servizos de CCOO gañou as eleccións sindicais en
    Adecco Outsourcing en Vigo. Coa vitoria de Comisións remata un proceso
    que o sindicato cualifica de «accidentado», pois prolongouse case dez
    meses.

    O proceso electoral foi obxecto de
    numerosas impugnacións dada a actitude da empresa, que o «bloqueou e
    retrasou» durante meses. Nesta actitude contou coa axuda do sindicato
    «corporativo» FASGA, así cualificado nunha sentenza xudicial sobre o
    caso.
    Malia os atrancos referidos, a
    candidatura de CCOO impúxose ás de FASGA, pois logrou catro dos cinco
    membros do comité, mentres que unha terceira candidatura, da UGT quedou,
    sen representación.
    CCOO atribúe boa parte do
    éxito da candidatura á «implicación» dos seus integrantes, así como á
    «sintonía» coa maior parte do persoal da empresa. Tamén influíu
    positivamente que o sindicato presentara recentemente un conflito
    colectivo pola bolsa de horas imposta por Adecco.
    Da Federación de Servizos de CCOO agradécenlle á candidatura o traballo realizado e ao conxunto do persoal o seu apoio. Reitera, ademais, o compromiso para «erradicar» a precariedade laboral, tanto nesta empresa como nas restantes darama de actividade denominada «multiservizo», cuxos convenios colectivos «condenan» o persoal  a soldos de 800 euros ao mes por xornadas de máis de 40 horas e en moitas ocasións bolsas horarias «abusivas».

    CCOO agradece ao plantel e á candidatura o apoio recibido e reitera o seu compromiso para erradicar a precariedade laboral e continúa a súa ofensiva nas empresas denominadas «multiservizos» ou «Outsourcing», onde os convenios colectivos propios condenan ao persoal  a soldos de 800 euros ao mes por xornadas de máis de 40 horas e en moitas ocasións bolsas horarias abusivas.