My New Site

Categoría: Union Intercom. Ourense

  • Protestas en Unitono Ourense para reclamar teletraballo

    Na actualidade, UNITONO é o único provedor de MAPFRE CETEX que ten a todos os seus axentes traballando en plataforma a pesar de estar nunha situación de pandemia mundial.

    As cinco seccións sindicais que conforman os comités de Ourense e Madrid (UGT, CCOO, CIG, CGT e USO), interpuxeron unha SIMA para tentar chegar a un acordo coa empresa para activar novamente o teletrabajo para este servizo, recollendo así o sentir de todos os traballadores e traballadoras que ven perigar a súa saúde compartindo salas e espazos comúns sen a seguridade necesaria. Ler máis

    O SIMA finalizou sen acordo posto que Unitono, que pertence ao grupo GSS Covisian, négase á posibilidade de facilitar de novo o teletraballo de maneira voluntaria ás traballadoras e traballadores, cando en marzo se activou de forma inmediata e sen problemas. UNITONO considera a volta ao teletraballo na plataforma de Madrid, pero en Ourense néganse rotundamente.

    En vista de que a empresa segue sen pór a saúde dos seus traballadores/as por encima doutras cuestións, convocamos paros parciais dunha hora tanto na plataforma de Ourense como na de Madrid para as seguintes datas:  MÉRCORES 9 de decembro, LUNS 14 de decembro, LUNS 21 de decembro, LUNS 28 de decembro.

    Os horarios dos paros convocados son: De 11.00h a 12.00h en quenda de mañá, de 18.00h a 19.00h en quenda de tarde

    Pedimos que deixen de tratarnos como traballadores de segunda e se UNITONO segue sen apostar por Ourense reservarémonos o dereito de adoptar calquera outra actuación na defensa do noso traballo e a nosa saúde.

    Necesitamos que TODOS os compañeiros dos dous centros secunden os paros e estean unidos, porque hoxe é Mapfre Cetex pero mañá pode ser outro servizo.

    DEFINITIVAMENTE, UNITONO PÁRASE!!!

  • CCOO Servizos gaña cun resultado histórico as eleccións sindicais en Carrefour Ourense

    A sección sindical CCOO de Carrefour Ourense ven de por fin a máis de dúas décadas de maiorías de FETICO nas eleccións sindicais celebradas o pasado 5 de xullo de 2019. Cunha participación de algo máis de 95% dos 172 electores con dereito a sufraxio, CCOO conseguía facerse con seis delegados (catro no colexio de especialistas e dous no de técnicos), mentras que FETICO facíase cos tres delegados restantes do comité de empresa .

    O resultado é grazas ao traballo dos representantes de CCOO que desde fai vinte anos conseguiron establecer e manter viva a sección sindical en Carrefour Ourense, a pesares das duras trabas que a empresa lles puxo durante todo este tempo por exercer o sindicalismo de clase nun entorno dominado polo sindicalismo pouco combativo de FETICO.

    Un traballo que se viu reforzado nos últimos catro anos, cun novo equipo e cunha labor sindical máis pegada ás persoas traballadoras e a coñecer e solucionar os problemas no día a día, sen mirar para outro lado e cunha campaña final en positivo, persoa a persoa, con moita humildade, profesionalidade, e incidindo na necesidade de CAMBIO.

    Comeza una nova etapa en Carrefour Ourense, una etapa chea de ilusión, de nova esperanza no sindicalismo, una etapa de cambio… A etapa CCOO.

    Para finalizar, queremos agradecer a forza de todas aquelas compañeiras e compañeiros que decidiron formar parte da nosa candidatura permitindo a CCOO poder gañar estas eleccións. Tamén queremos dar as grazas a todas/os as/os compañeiras/os que acudistes a votar.

  • CCOO non asina o convenio de hostalaría de Ourense porque condena á precariedade os traballadores e traballadoras

    A Federación de Servizos de CCOO decidiu na tarde do luns non asinar o convenio provincial de hostalaría de Ourense porque «condena á precariedade» os traballadores e traballadoras. O sindicato critica a decisión de UGT e CIG de asinar o texto, xa que os incrementos salariais previstos están moi por baixo do Acordo de Emprego e Negociación Colectiva (AENC), que prevé un salario mínimo anual de 14 000 euros. Neste convenio, o salario anual máis baixo será de 12 810 euros en 2019, 1190 por baixo do pactado no AENC, e de 13 327,58 en 2021, polo que aínda faltarían 672,42 para chegar aos mínimos do acordo estatal. Ler máis

    O obxectivo do AENC, que vincula sindicatos e patronal, é chegar a ese salario mínimo de 14 000 euros anuais no ano 2020. Porén, cos incrementos pactados neste convenio, que se sitúan no 2 %, será imposible alcanzar a esa cifra nin sequera no 2022. Por esta razón, CCOO considera «unha vergoña» o asinamento do convenio.

    CCOO lembra que este convenio afecta a tres mil persoas na provincia de Ourense, das cales ao redor do 40 % —unhas 1200— pertencen aos grupos profesionais 5, 6 e 7, que son os peor pagados. Para paliar a situación, poderíase incorporar unha terceira paga extra, pois o convenio de hostalaría de Ourense é o único de Galicia que só inclúe dúas. A proposta do sindicato consistiría en engadir no ano 2019 media paga extra, e a partir do 2020 a paga completa.

    Rexeitada esa opción, a única posibilidade sería coa modificación do salario mínimo (SMI) por parte do Goberno, o que alteraría as táboas salariais pactadas, pero «crearía outras disfuncións». Por exemplo, un traballador ou traballadora que actualmente teña a categoría de auxiliar de cociña e un salario de 915 euros, podería ver de súpeto o salario aumentado a mil euros, contía equivalente á da persoa da categoría inmediatamente superior, que non experimentaría un aumento proporcional.

    Facer depender as táboas salariais do que o Goberno decida facer co SMI sería colocar diferentes profesionais case co mesmo salario, independentemente da súa cualificación profesional, «xerando novos problemas».

  • Novo día de folga en #UnitonoOurense cun seguimiento do 100% nas dúas quendas.

    Comunicado comité empresa de Unitono Ourense:

    Como sabedes tivemos unha reunión extraordinaria coa empresa para tratar a situación actual.
    UNITONO di que a súa intención non é deslocalizar ou pechar este centro e que na mesma liña esta Naturgy. Ler máis

    Non obstante a empresa NON SE COMPROMETE A GARANTIR NIN O AUMENTO DA CARGA DE TRABALLO NIN GARANTIR OS POSTOS DE TRABALLO.
    Moito din que apostan por nós pero, cremos que as palabras teñen que vir acompañadas con feitos porque de palabras bonitas non comemos!!!

    Convidamos á empresa que acudise xunto co Comité á reunión coa secretaria xeral de emprego da Xunta de Galicia. E declinou a oferta. Tamén pedimos que se convoque unha mesa de negociación entre a empresa, o Comité e Naturgy. Non tivemos resposta.

    O Comité propuxo á empresa que sente a negociar co cliente para que se reparta o traballo entre as dúas plataformas pero obtendo maior carga de traballo aquí. A empresa négase pois xa é u contrato cerrado. Entendemos que NON HOUBO UNHA VONTADE REAL POR PARTE DA EMPRESA DE NEGOCIAR.

    Tras 4 horas de reunión, a empresa o único que nos ofreceu a garantir por escrito que durante dous meses non van adoptar medidas de recortes contra os traballadores/ as. 
    ESTO NON É GARANTÍA DE EMPLEO SENON É GARANTÍA DE PRECARIEDADE e en ningún momento garantizan estabilidade e continuidade o único que temos é Data de Caducidade

    Temos neste momento un sentimento de desánimo máis profundo se cabe e a nosa postura e seguir pelexando coa vosa axuda

    NON SABEMOS CANTO PODE DURAR O QUE SI SABEMOS É QUE NON NOS VAMOS A RENDIR

    Vídeo

  • Así non. CCOO non subscribe o acordo en DIA

    Medidas traumáticas, présas inxustificadas, falta de plans concretos, indeterminación. Aínda que CCOO conseguiu, grazas a varias xornadas de mobilización e, principalmente, á exitosa folga que protagonizou o persoal,  que a empresa introducise melloras no texto, o empeño de DIA de aplicar medidas traumáticas impide que o sindicato subscriba o acordo. Ler máis

    As perspectivas de DIA xa non son as mesmas que eran o pasado 30 de xaneiro, cando o Consello aprobou realizar un ERE. Cambiou o Plan de Negocio e os acordos cos acredores. Van cambiar o Consello e a Dirección da empresa. O único que se mantén é o sufrimento do persoal. A cuestión é, por que insisten en manter as medidas traumáticas que lles ditaron os acredores cando os membros do Consello saben que van ser substituídos. A que obedece ese empeño. 
     
    Ante este escenario incomprensible, e ante a imposibilidade de que a empresa entrase en razón, CCOO tentou minimizar o dano.  Porque a CCOO non lle cabe ningunha dúbida de que este Grupo ten futuro, pola súa cota de mercado, pola profesionalidade do seu persoal e porque espera q a xestión financeira dos directivos dos últimos anos cambie, e se centre no coñecemento do negocio de distribución.
     
    E había alternativas para evitar as medidas traumáticas. CCOO expuxo introducir no acordo unha solución tipo Alcoa, é dicir, que as medidas non se aplicasen durante un período de 3 meses para dar tempo a que se fosen despexando variables. A empresa dixo que non.
     
    CCOO tamén propuxo que as tendas estivesen abertas até, polo menos, o 30 de xuño para dar tempo a xestionar as saídas e aumentar as posibilidades de venda. E, se había tendas cuxo peche fose imprescindible por un necesario aforro de custo, recolocásese ao persoal noutras tendas para reforzar a venda e mellorar o servizo. Isto podería combinarse cun expediente de regulación temporal, ben de suspensión ou ben de redución de xornada ata que poidan venderse as tendas con subrogación de persoal. A empresa dixo que non.
     
    DIA tampouco aceptou a proposta de CCOO de ser xenerosos coas saídas voluntarias, engadindo á indemnización unha prima por adhesión voluntaria de 250 euros x ano de antigüidade, aínda que a empresa aceptou a proposta de CCOO en canto á contía das indemnizacións (33 días por ano traballado cun máximo de 24 mensualidades).
     
    A empresa, nin sequera achega ningunha garantía de non volver abrir un ERE o próximo ano. 
     
    En definitiva, DIA eliminou calquera posibilidade de que CCOO asinase un acordo que xa se atopa en mans dos avogados do sindicato.