My New Site

Categoría: Union Intercom. Ourense

  • CCOO Servizos asina o Convenio de Comercio Alimentación de Ourense

    Hoxe
    19 de setembro, chegamos a un acordo para asinar o Convenio
    Colectivo de Comercio Alimentación de Ourense. Mantendo
    a base do convenio anterior e sen retroceder en ningún dos seus
    apartados, mellóranse e engádense os seguintes conceptos:

    –
    Vixencia 2017
    – 2020

    –
    Incorporación de protocolos
    de acoso.

    –
    Incorporación de Articulado sobre Prevención de Riscos.

    –
    Elimínase
    a obrigatoriedade de xustificar o tres días
    de licenza por asuntos propios.

    –
    Admítese
    que a licenza por hospitalización
    poida collerse en calquera momento da mesma.

    –
    Incorpórase unha Licenza
    Non Retribuída
    para usar en caso de enfermidades graves ou de longa duración de
    parentes.

    –
    Amplíase a posibilidade de Redución
    por Garda Legal, dos 12 aos 14 anos.

    –
    Incorpórase unha regulación
    no contrato a tempo parcial    ,
    que permite consolidar o 50% das horas complementarias realizadas nun
    período de 15 meses.

    –
    Inclúese
    dentro do salario base, a gratificación de actividade    ,
    que ata agora se pagaba só en 12 mensualidades e que agora se abonará tamén nas tres pagas extras.

    –
    Realízase por tanto un incremento salarial lineal nos seguintes
    termos:

    Ano
    2017.- 14 eur/mes

    Ano
    2018.- 28 eur/mes

    Ano
    2019.- 20 eur/mes

    Ano
    2020,. 20 eur/mes

    O
    que equivalería a un incremento
    aproximado do 10%
    nos grupos e niveis máis utilizados, conseguindo ademais que esta
    subida sexa maior nos salarios máis baixos e non nos máis altos,
    como pasa cando a subida é porcentual.

    En
    resumo, conséguese que o Convenio Colectivo de Ourense avance no
    que respecta a achegarse ás condicións sociais e económicas do
    resto de Provincias da nosa Comunidade.

  • Ramón Sarmiento: «Estabamos preocupados pola industria galega, pero tras coñecermos o plan do PP aínda o estamos máis»

    O Sindicato Nacional de Comisións Obreiras fixo hoxe unha primeira valoración da proposición de lei (PDL) para a implantación de iniciativas empresariais en Galicia, que presentou pola vía de urxencia o Grupo Parlamentario Popular. O secretario xeral do sindicato, Ramón Sarmiento, expresou que, se xa estaban preocupados pola situación da industria galega, «a iniciativa do PP multiplica exponencialmente a nosa preocupación».

    Acompañado polo responsable de Política Industrial de CCOO-Industria, Pedro Comesaña, pola secretaria xeral de CCOO-Servizos, Lucía Trenor, e polo secretario xeral de Construción e Servizos, Sergio López, Ramón Sarmiento expuxo as eivas da proposta do Grupo Parlamentario Popular, remitida ao sindicato en pleno mes de agosto.

    Antes de nada, Sarmiento quixo aclarar que, malia se tratar dunha proposta do Grupo Parlamentario do PP, «realmente a iniciativa parte da Consellaría de Economía, Emprego e Industria, departamento que, de feito, é o que nola remite».

    Para o secretario xeral de CCOO, presentar a PDL en pleno agosto e camuflar como proposta dun grupo parlamentario algo que realmente provén da Xunta revela a intención do Goberno de saltar os preceptivos controis e de reducir á mínima expresión a contestación que poida suscitar a súa iniciativa.

    O principal aspecto positivo é o recoñecemento expreso «das dificultades que a nosa nación ten para a implantación ou desenvolvemento de novas iniciativas empresariais», apuntou Sarmiento. Con todo, unha análise polo miúdo revela a «traxectoria errática» da Xunta na materia. Tamén «pon en evidencia» as dificultades para coordinar dúas axencias que pertencen á mesma Consellaría: IGAPE e GAIN. «A falta de puntos en común entre os proxectos RIS3 e Axenda Industrial 4.0 é só un exemplo disto», criticou.

    Campaña propagandística

    A PDL afecta a un gran número de áreas e artigos de diversas leis, sen que en moitos casos se observe a relación coa suposta exposición de motivos, nin tampouco coa urxencia na tramitación. «Parece, máis ben, parte dunha campaña propagandística coa que xustificar a pobre resposta da Xunta» ata o momento, lamentou Sarmiento.

    O secretario xeral de CCOO coida que, se o Goberno galego tivese nitidamente identificado o problema, tomaría as medidas de curto prazo que considerase oportunas, sempre da man doutros grupos políticos e sociais. Pero, sobre todo, iría pensando nunha iniciativa de maior profundidade para identificar as forzas subxacentes de cambio estrutural no mundo e como nos están afectando.

    Falta de aposta pola innovación

    Ramón Sarmiento reprochoulle ao PP que poña énfase en sectores industriais «eminentemente extractivos» e deixe de lado as industriais manufactureiras, de transformación e creación de valor engadido. «Que imaxe ten a Xunta de Galicia e cal é o tipo de país ao que nos queremos parecer?», preguntouse o dirixente sindical.

    Medidas abocadas ao fracaso

    Por último, o secretario xeral de CCOO instou o PP a que calquera plan industrial ambicioso sexa consensuado co conxunto de forzas políticas e sociais. Do contrario, malia que goce de maioría absoluta no Parlamento, as medidas aplicadas estarán «abocadas ao fracaso».

  • Carta á Xunta de Galicia rexeitando a apertura de domingos e festivos no Comercio Galego

    Unha vez máis, como cada ano, desde a Xunta de Galicia e en cumprimento da lei de horarios comerciais, solicítasenos que entreguemos unha relación de dez domingos e festivos que puidesen considerarse como de posible apertura comercial.
    A apertura de domingos e festivos en comercio, permite e fomenta unha loita desigual entre as grandes superficies e o pequeno comercio de proximidade, e coa escusa do incremento de postos de traballo, precariza as condicións das traballadoras e traballadores do sector.
    A estas alturas, a experiencia xa nos indica claramente que o incremento de horas comerciais non implica un aumento substancial do emprego, senón que máis ben lévanos á precarización das condicións laborais con incrementos abusivos de xornada, con aumento do número de horarios irregulares e impedindo a conciliación da vida laboral e familiar.
    Ademais a apertura de domingos e festivos, potencia unha perniciosa identificación entre lecer e consumismo desmedido.
    A Federación de Servizos de CCOO, unha vez máis, realizou un escrito de contestación situándose contra a apertura de domingos e festivos.
    Podes velo aquí

  • Asinado o Convenio Colectivo do sector do Comercio de Materiais de Construción de Ourense

    Os sindicatos CCOO, UGT e CIG, xunto coa patronal ASEMACO, vimos de asinar o Convenio Colectivo do Sector do Comercio de Materiais de Construción para a provincia de Ourense para os anos 2017 e 2018, destacando os seguintes acordos:

    • Incremento salarial do 1,5% nos salarios a partires do 1 de xullo e ata o 31 de decembro de 2017.
    • Incremento salarial do 1,5% dos salarios de 2018.
    • Cláusula de revisión salarial durante os dous anos, de maneira que se incrementen os salarios en todo o que o IPC exceda do 1,5% ao final de cada un dos anos de vixencia, co pagamento dos correspondentes atrasos.
    • Complemento económico ata o 100% cando se produza baixa médica por enfermidade común e exista hospitalización (ata agora só existía o 100% cando a baixa era por accidente laboral ou enfermidade profesional). Este complemento, no caso de hospitalización, dure o que dure a mesma, manterase ata a alta médica definitiva.
    • Consolidación definitiva dos descansos dos sábados de semana santa e das tardes do 24 e 31 de decembro.
    • Introdución de protocolos de actuación para os casos de acoso sexual, laboral e por razóns de sexo.
    • Melloras no apartado de licenzas retribuídas.

    Desde os sindicatos asinantes valoramos positivamente o feito de manter un convenio vivo e actualizado que volve ao camiño de acadar conquistas que melloren a vida das persoas traballadoras.

    En canto ás retribucións, se ben somos conscientes de que os salarios aínda seguen a ser baixos, valoramos moi positivamente a implantación de novo na negociación do concepto de revisións salarial no caso de desvío do IPC, o que garante que non se perda poder adquisitivo.

    Tamén celebramos a unidade sindical mantida nas negociacións que significou que por primeira vez en moitos anos sexamos os tres sindicatos os que suscriben o convenio colectivo.

    Desde CC.OO. queremos destacar especialmente, ademais das melloras sociais e salariais respecto ao anterior convenio, o noso traballo para conseguir unha plataforma conxunta e o avance en protocolos de igualdade e loita contra o acoso sexual e psicolóxico

    Ourense, 29 de xuño de 2017.

  • Concentracion fronte á central de Inditex para denunciar a situación laboral das traballadoras de LEFTIES (Inditex)

    Hoxe, 22 de xuño, ás 12:00h, realizouse unha CONCENTRACIÓN diante da sede principal de lnditex en Arteixo en protesta pola reiterada actitude de desprezo da Dirección da empresa cara aos nosos dereitos e en demanda das melloras que levamos reclamando infrutuosamente desde hai moito tempo:

    1.-A nivel ECONÓMICO:

    -Incremento na porcentaxe de comisión de todo o persoal de Lefties.

    -Incentivos equitativos cos que se cobran no resto das tendas da mesma empresa. Recordemos que LEFTIES É ZARA ESPAÑA, S.A. E NON UNHA CADEA INDEPENDENTE.

    2.-A nivel LABORAL:

    -Redución da excesiva carga de traballo mediante a oferta de horas ou ampliación de persoal.

    -Eliminación da esixencia de xustificación nas solicitudes de redución de xornada por garda legal, xa que supón unha grave intromisión na intimidade e vida persoal das traballadoras.

    Coñecemos casos de acoso e discriminación laboral que, evidentemente, crean conflitos persoais e tensións entre as traballadoras. A Dirección da empresa e Dirección de Tendas non fixeron nada efectivo até o de agora para atallar de maneira efectiva estes comportamentos. O único que se lles ocorreu foi iniciar uns ?protocolos de averiguación? de maneira unilateral, Sen Consultar nin dar participación ao Comité de Empresa, polo que se realizaron sen a transparencia necesaria. NON IMOS PERMITIR ESTE ESTILO DE DIRECCIÓN. Queremos e esiximOS que Se nos Xulgue unicamente polo noso traballo, non por outras circunstancias discriminatorias e alleas á relación labOral.

    En canto á seguridade nas tendas, parece que, despois dunha longa loita por parte do Comité, a empresa vai contratar un VIXILANTE DE SEGURIDADE para a tenda do Torreiro. Esperamos que sexa unha medida permanente e non un APAÑO TEMPORAL como noutras ocasións.

    LEFTIES, SOLUCIÓN XA!!!

    CCOO UGT CIG